ကျောက်မီးသွေးအတွက် တနင်္သာရီ ၈၈ များ ကွဲကြမလား

Saturday, November 17, 2012

 ~





မင်းသိုက်ချမ်း ~


တနင်္သာရီတိုင်းမှာ ထားဝယ်၊ မြိတ်၊ ကော့သောင်း ဆိုတဲ့ ခရိုင် ၃ ခု ရှိပါတယ်။  ခရိုင်တခုစီမှာ ၈၈ မျိုးဆက် ကျောင်းသားများအဖွဲ့ တဖွဲ့စီ ရှိသလို၊ ကျောက်မီးသွေးသုံး လျှပ်စစ်ဓါတ်အားပေးစက်ရုံ စီမံကိန်းလည်း တခုစီ ရှိကြပါတယ်။

ထားဝယ်မှာက ၄,ဝဝဝ မဂ္ဂါဝပ်၊ မြိတ်မှာ ၅၀ မဂ္ဂါဝပ်နဲ့ ကော့သောင်းမှာတော့ ၈ မဂ္ဂါဝပ် ထုတ် ကျောက်မီးသွေးသုံး လျှပ်စစ်ဓါတ်အားပေး စက်ရုံတွေပါ။

ဒေသခံတွေကန့်ကွက်လို့ ထားဝယ်က ၄,ဝဝဝ မဂ္ဂါဝပ်ကို နှစ်ဆန်းပိုင်းကတည်းက ၄၀၀ မဂ္ဂါဝပ်ထိ အစိုးရက လျှော့ချပေးလိုက်ပါပြီ။ 
ကျန်တဲ့ နှစ်နေရာတွေကတော့ကန့်ကွက်မှုတွေနဲ့ ကြုံနေရဆဲ။  ဒီအထဲမှာ လည်ပတ်နေတဲ့စက်ရုံက ကော့သောင်း။


အန္တရာယ် ရှိတယ် ဆိုတဲ့သူတွေကကန့်ကွက် ဆန္ဒပြလိုက်၊ လျှပ်စစ်မီး ဈေးပေါပေါနဲ့ လိုချင်သူတွေက ထောက်ခံ ဆန္ဒပြလိုက်၊ တဖက်က ပြန်ပြီးကန့်ကွက် ဆန္ဒပြလိုက်နဲ့ ကော့သောင်း ကျောက်မီးသွေး ဆန္ဒပြ သံသရာက လည်နေပါလေရော။

ဒီလိုနဲ့ နိုဝင်ဘာ ၁၁ မှာ ကော့သောင်း ၈၈ တွေက စက်ရုံကို သွားရောက်လေ့လာပါတယ်။  ရရှိတဲ့အချက်အလက်တွေကို မှတ်တမ်းတင်ပါတယ်။

ဒါပေမဲ့ ကော့သောင်း ၈၈ မှာ ပါတဲ့ကိုထင်လင်းဆွေက စက်ရုံဟာ သဘာဝ ပတ်ဝန်းကျင် ထိခိုက်မှု မရှိဘူးလို့ အဖွဲ့ရဲ့ သဘောထား မပါဘဲ ကော့သောင်း ၈၈ နာမည် သုံးပြီး မီဒီယာတွေကို ဖွင့်ချလိုက်ပါတယ်။

ဒီတော့ ရန်ကုန် ၈၈ ကကော၊ တခြား ခရိုင်တွေက ၈၈ တွေကပါ ကော့သောင်း ၈၈ တွေဟာ သဘာဝ ပတ်ဝန်းကျင် ထိခိုက်မှု မရှိဘူးလို့ ဆုံးဖြတ်နိုင်အောင် ပညာရှင်တွေမို့လား ဆိုပြီး မေးခွန်းထုတ်လာပါတယ်။

ဒီတော့ နိုဝင်ဘာ ၁၅ မှာ ကော့သောင်း ၈၈ ကို ဦးစီးတဲ့ ကိုမင်းလွင်က အရေးပေါ် အစည်းအဝေးခေါ်ပြီး “ကော့သောင်းမြို့ ကျောက်မီးသွေးစက်ရုံနှင့် ပတ်သက်၍ ရေးသားဖော်ပြချက်များသည် ကော့သောင်း ၈၈ မျိုးဆက်ကျောင်းသားအဖွဲ့မှ ပုဂ္ဂိုလ်တဦးတယောက်၏ ထင်မြင်ယူဆချက်မျှသာ ဖြစ်ပြီး ကော့သောင်း ၈၈ မျိုးဆက်ကျောင်းသားများအဖွဲ့၏ သဘောထား မဟုတ်ကြောင်း” ဆိုပြီး ကြေညာချက် ထုတ်ရပါသတဲ့။


ကော့သောင်း ၈၈ တွေထဲက အများစုဟာ စီးပွားရေး လုပ်ငန်းရှင်တွေနဲ့ အလွမ်းသင့်ကြသူတွေ ဖြစ်ပြီး၊ စီးပွားရေး လုပ်ငန်းရှင်တွေ အကြိုက် လိုက်လုပ်နေတယ်လို့ ပြောဆိုသံတွေလည်း ကြားနေရပါတယ်။

ကိုမင်းလွင်ကတော့  “ကျနော်တို့ ၈၈ ရဲ့ ရည်ရွယ်ချက်က ငြိမ်းချမ်းရေးနဲ့ ပွင့်လင်း လူ့အဖွဲ့အစည်း ပေါ်ပေါက်ရေးပါ။ ကျနော်တို့ဟာ စီးပွားရေး လုပ်ငန်းရှင်တွေရဲ့ လက်ဝေခံ မဟုတ်သလို၊ နိုင်ငံရေးပါတီတွေရဲ့ လက်အောက်ခံလည်း မဟုတ်ဘူး။  နောက်တခါ ဒီလို မဖြစ်အောင်ကျနော်တို့ ထိန်းကျောင်းသွားမယ်” လို့ ပြောပါတယ်။

ကိုမင်းလွင်က မိမိတို့ ကော့သောင်း ၈၈ အဖွဲ့ဝင် အချို့ရဲ့ လုပ်ရပ်ဟာ ၈၈ ပုံရိပ်ကို ထိခိုက်စေပြီး မကြာခင် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းအတွက် ကော့သောင်းကို လာမယ့် ရန်ကုန် ၈၈ များအတွက် အနှောင့်အယှက် ဖြစ်စေတယ်လို့ ပြောပါတယ်။  ဒါပေမဲ့ သူတို့အချင်းချင်းကြား အကွဲအပြဲ ဖြစ်မလာနိုင်ပါဘူး တဲ့။

ကော့သောင်း ၈၈ အများစုက ကျောက်မီးသွေး စက်ရုံကို လက်ခံကြပေမဲ့ မြိတ် ၈၈ တွေကတော့ လက်မခံတဲ့သူတွေ ဖြစ်ကြပါတယ်။

တိုင်းတခုအတွင်းမှာ ရှိကြတဲ့ သူတို့တွေဟာ အချို့ကိစ္စတွေမှာတော့ ပူးပေါင်း လုပ်ဆောင်ကြပေမဲ့ ကျောက်မီးသွေးနဲ့ ပတ်သက်ပြီးတော့ သဘောထား မတိုက်ဆိုင်ကြပါဘူး။

မြိတ်ဘက်က သုတေသနစာတမ်းတွေကို ကိုးကားပြီး ဆိုးကျိုးတွေကို ထောက်ပြလိုက်၊ ကော့သောင်းဘက် ကလည်း ခေတ်မီတဲ့ နိုင်ငံတွေမှာ သုံးနေတဲ့ နျူကလီးယား နည်းပညာ လောက်တော့ ဆိုးရွားမယ် မထင်ဘူးလို့ ပြန်ချေပလိုက်နဲ့ သူတို့ အချင်းချင်းကြားမှာ ကျောက်မီးသွေး ကောင်းကျိုး ဆိုးကျိုးတွေ ကို ငြင်းခုံနေကြဆဲ။

ဒီတော့ ကျောက်မီးသွေးအတွက် တနင်္သာရီ ၈၈ များ ကွဲကြမလား၊ ပြန်ပြီး ပြေလည်နိုင်ကြမလား  ဆိုတာ စောင့်ကြည့်ရပါတော့မယ်။






















-

0 comments :

Post a Comment

ပေးထားသည့် မှတ်ချက်များ မကြာမီ တင်ပေးပါမည်။ ခေတ္တစောင့်ဆိုင်းပါ။

အချို့ ကော်မန့်များမှာ တခုလုံး ကောင်းသော်လည်း၊ မသက်ဆိုင်သူ တဦးတယောက်၏ ပုဂ္ဂိုလ်ရေးရာကို အထောက်အထားမဲ့ ပုတ်ခတ်ခြင်း၊ မသင့်လျော်သော ဆဲဆိုမှု တလုံး တပါဒကြောင့် ဖျက်လိုက်ရပါသည်။

တင်ပေးခြင်း မတင်ပေးခြင်းသည် ကာလ၊ ဒေသ၊ ပယောဂ၊ လူမျိုးရေး၊ ပုဂ္ဂိုလ်ရေး၊ ဘာသာရေး၊ တသီးပုဂ္ဂလ ယုံကြည်မှုအပေါ် သတ်မှတ် ခွဲခြားမှု မရှိပါ။ ပုဂ္ဂိုလ်ရေး ပုတ်ခတ်မှုနှင် ရိုင်းစိုင်းကြမ်းတမ်းမှု မပါလျှင် မည်သည့် ဝေဖန် အကြံပြု ပြောဆိုချက်ကို မဆို တင်ပေးပါမည်။

ကျေးဇူးတင်ပါသည်။

 
Copyright © 2014 Irrawaddy Publishing Group. All Rights Reserved