စိုင်းထီးဆိုင်

Monday, September 5, 2011

'





နိုင်ငံကျော် အနုပညာရှင်တစ်ယောက် နှင့် မဆလ ခေတ်တစ်ခေတ်
ရန်နိုင်ဝင်း


စိုင်းထီးဆိုင် (၁၉၅၀-၂၀၀၈)

ဧရာဝတီမှာ နိုဝင်ဘာ ၂၉၊ ၂ဝဝ၂ တုန်းက ဖော်ပြခဲ့တဲ့ ဆောင်းပါး ဖြစ်ပါတယ်။

‘စိုင်းထီးဆိုင်’လို့ ဆိုလိုက်တာနဲ့ မြန်မာပြည်က အသက် ၄ဝ ကျော် ၅ဝ တန်းအရွယ်တွေရော၊ ၃ဝ ကျော်တန်း အရွယ်တွေကအစ ၂ဝ ကျော် လူငယ်များပါ သူ့ကို မသိတဲ့သူ မရှိသလောက်ပါပဲ။ ဒီလို လူသိအရမ်းများရလောက်အောင်လည်း သူဆိုခဲ့တဲ့သီချင်းတွေဟာ မြန်မာပြည်တစ်ပြည်လုံးအနှံ့ ပံျ့လွင့်နေခဲ့ဖူး ပါတယ်။ အသက် ၂ဝ ကျော် အရွယ်ကစပြီး အဆိုတော်အဖြစ်နဲ့ ဘဝကိုဖြတ်သန်းခဲ့သူတစ်ဦးဖြစ်တဲ့ စိုင်းထီးဆိုင်ဟာ အခုဆိုရင် အသက် ၅ဝ ပြည့်သွားလို့ ရွှေရတုသဘင်တွေဘာတွေတောင်မှ လုပ်ပြီးသွားခဲ့ပါပြီ။ သီချင်းတွေလည်း ဆက် ဆိုနေတုန်းပါပဲ။

ဒီလောက် အောင်မြင်ကျော်ကြား လူသိများပြီး အဆိုတော်ဘဝမှာ စိုက်လိုက်မတ်တတ် ရပ်တည်ရှင်သန်ခဲ့သူ တစ်ယောက်ကို ‘မဆလ’ ဆိုတဲ့ နိုင်ငံရေးခေတ်တစ်ခေတ်နဲ့တွဲဖက်ပြီး ခေါင်းစဉ်တပ်လိုက်တော့ စဉ်းစားစရာတွေ ရှိလာနိုင်ပါတယ်။ မစဉ်းစားပါနဲ့၊ ရိုးရိုးလေးတွေးကြည့်ရုံနဲ့ သဘောပေါက်နိုင်ပါတယ်။ သူ့သီချင်းတွေကို နားထောင်ဖူးသူတွေ၊ နှစ်သက်သူတွေမှန်သမျှ မဆလ ခေတ်ကို ဖြတ်သန်းခဲ့ရသူတွေချည်းပါပဲ။ တချို့ဆိုရင် သူ့ သီချင်းတွေ စပြီးအောင်မြင်လာတဲ့ အချိန်လောက်မှာမှ လူဖြစ်လာသူတွေတောင် ပါသေးတယ်။ မဆလခေတ်ကို ကောင်းကောင်းသိတဲ့သူတွေအားလုံး စိုင်းထီးဆိုင်သီချင်းတွေကို သိကြတယ်ဆိုပါတော့။

မြန်မာပြည်မှာ စိုင်းထီးဆိုင်ရဲ့ ဘဝဖြတ်သန်းမှုအပြည့်အစုံကို လေ့လာသူ၊ ရေးသားပြုစုသူ တချို့ရှိပါတယ်(ဥပမာ - နိုင်ဇော်ရဲ့ ‘ညဥ့်ရဲ့အချိန်မှာ မျှော်မျှော်ကာ စောင့်ခဲ့တဲ့ အလင်းရောင်’ အမည်ရှိ မဟေသီမဂ္ဂဇင်း အခန်းဆက်ဆောင်းပါး)။ ဒါပေမယ့် အဆိုတော်ရဲ့ လူပုဂ္ဂိုလ်ဘဝကို အဓိကလေ့လာတာဖြစ်ပြီး စိုင်းထီးဆိုင်သီချင်းတွေ ပံျ့လွင့်ခဲ့တဲ့သမိုင်းစဉ်နဲ့ပတ်သက်လို့ တို့တို့တိတိလောက်ပဲ တွေ့ရပါတယ်။ အနုပညာသမားတွေရဲ့ ပုဂ္ဂလိကဘဝဟာ သူတို့အတွက် ဒုတိယနေရာမှာပဲ ရှိတတ်ကြပါတယ်။ ပထမနေရာမှာရှိတာကတော့ သူတို့ရဲ့အနုပညာပါ။ ဒါကြောင့် စိုင်းထီးဆိုင်ရဲ့အနုပညာအကြောင်း ရေးမယ် ဆိုတဲ့အခါမှာ သူ့သီချင်းတွေရဲ့ထူးခြားချက်ကိုလေ့လာကြည့်တော့ ကျနော်တို့အားလုံးကို နှစ်သက်မှု၊ ကျေနပ်မှု၊ ကြည်နူးမှု တစုံတရာပေးနိုင်ခဲ့တဲ့သီချင်းတွေဖြစ်တယ် ဆိုတာ တွေ့ရပါတယ်။

စိုင်းထီးဆိုင်ရဲ့ ပထမဆုံးတေးစီးရီး ၂ ခုဟာ ရန်ကုန် တေးဂီတပရိသတ်အကြားမှာ လူသိနည်းခဲ့တယ်။ အထက်မြန်မာပြည်လို့ပြောရမယ့် မန္တလေးမြို့နဲ့ စိုင်းထီးဆိုင်ရဲ့ဇာတိ ရှမ်းပြည်နယ်အတွင်းမှာတော့ ရှမ်းလူမျိုးအဆိုတော်တစ်ယောက်အဖြစ် နှစ်သက်လက်ခံတဲ့ ပရိသတ်ရှိခဲ့ပါတယ်။ မန္တလေးကတော့ စိုင်းထီးဆိုင်ရဲ့အဆိုတော်ဘဝ သန္ဓေတည်တဲ့မြို့ဖြစ်ပါတယ်။ အဲဒီကာလ (၁၉၇၆ မတိုင်မီ)က မန္တလေးတက္ကသိုလ်မှာ ၁ နှစ် ၁ ခါ ပြုလုပ်တဲ့ ‘ဂီတဆည်းဆာ’ ဆိုတဲ့ တက္ကသိုလ်ကျောင်းသားများရဲ့ ဂီတဧည့်ခံပွဲအစီအစဉ်ဟာ တက္ကသိုလ်ကျောင်းသားများတင်မကဘဲ ပြင်ပက ဂီတဝါသနာရှင်များပါ တကူးတကန့် သွားပြီးအားပေးရတဲ့ ပွဲတစ်ပွဲဖြစ်ပါတယ်။ တက္ကသိုလ်ကျောင်းသားများဖြစ်ကြတဲ့ စိုင်းထီးဆိုင်၊ ဆွန်ကျဲ(အို) တို့လို အဆိုတော်တွေကို ပွဲသိမ်း နောက်ပိတ်ဆုံးအစီအစဉ်မှာထားပြီး ဆိုခိုင်းတယ်။ မန္တလေးက စိုင်းထီးဆိုင်ရဲ့ ဒုတိယဇာတိမြို့လို ဖြစ်နေပါတယ်။

ရှမ်းပြည်မှာကတော့ အဲဒီအချိန်မှာ ရှမ်းသီချင်းတွေဆိုပြီး ရှမ်းပြည်ပရိသတ်အတော်များများသိတဲ့ အဆိုတော်စိုင်းဆိုင်မောဝ်ပြီးရင် စိုင်းထီးဆိုင်ကို လူသိများပါတယ်။ သီချင်းကို တိတ်ခွေနဲ့ကူးပြီးဖြန့်ချိတဲ့စနစ် သိပ်မတွင်ကျယ်သေးတဲ့ ကာလလည်းဖြစ်၊ အခုခေတ်လို ကက်ဆက်တွေ တွင်တွင်ကျယ်ကျယ် သုံးနေတဲ့ ခေတ်လည်း မဟုတ်၊ နောက် - ကြော်ငြာတွေ ဘာတွေလည်း သိပ်မသုံးကြသေးတဲ့အချိန် ဆိုတော့ အဲဒီကာလက ခေတ်ပေါ်သီချင်းတွေဟာ သူ့ ပရိသတ်နဲ့သူ ကွက်ကွက်ကလေးပါပဲ။

နိုင်ငံကျော်အဆိုတော် (
Super star) လို့ပြောရရင် အဲဒီအချိန်မှာ တွံတေးသိန်းတန်နဲ့ မာမာအေးကိုသာ ပြရပါလိမ့်မယ်။ သူတို့နောက်မှာ နိုင်ငံကျော်တယ်လို့ ပြောနိုင်တာကတော့ အမျိုးသမီး အဆိုတော်ဆိုရင် မေဆွိဖြစ်ပြီး အမျိုးသားကတော့ စိုင်းထီးဆိုင်ပဲဖြစ်ပါတယ်။

စိုင်းထီးဆိုင်ကို နိုင်ငံကျော်စေခဲ့တဲ့သီချင်းကတော့ ‘မောင့်လပြည့်ဝန်း’ ပါပဲ။ စိတ္တဇအလွမ်း ဆိုတဲ့ စီးရီ်းမှာ တေးရေး ကိုနေဝင်းကို နာမည်ကျော်စေခဲ့သလို စိုင်းထီးဆိုင်ကိုလည်း နိုင်ငံကျော်စေခဲ့တဲ့ သီချင်းတစ်ပုဒ်ဖြစ်ပါတယ်။ ဒီစီးရီးမတိုင်ခင် ပျောက်ဆုံးနေသောနိဗ္ဗာန်ဘုံ၊ ခြင်္သေ့လည်ပြန် သို့မဟုတ် ပြန်ညှိရမယ့်ကာရန်၊ အိပ်စက်အနားယူပြီ၊ ပျံသာပျံပါရွှေဟင်္သာ၊ ကျေနပ်ပါတော့ အစရှိတဲ့ စီးရီးတွေ ဆက်တိုက်ဆိုသလို ထွက်လာပြီး စိုင်းထီးဆိုင်နဲ့အတူ တေးရေးသူ စိုင်းခမ်းလိတ်၊ တေးဂီတ The Wild Ones တို့ကို လူသိများလာကြပြီးမှ တေးဂီတလောကမှာ ‘စိုင်းထီးဆိုင်’ရယ်လို့ ဖြစ်လာပေမယ့် ဒီစီးရီးရဲ့ ထူးခြားချက်ကတော့ ပင်တိုင်တေးရေးဆရာအဖြစ် တောက်လျှောက်ရေးပေးခဲ့သူ စိုင်းခမ်းလိတ်ရဲ့ သီချင်းတစ်ပုဒ်မှ မပါတာပါပဲ။ စိုင်းထီးဆိုင် ကိုယ်တိုင်ရေးတဲ့သီချင်းတွေ၊ ဆွန်ကျဲ(အို)ရဲ့သီချင်းတွေနဲ့အတူ ကိုနေဝင်းရဲ့ ‘မောင့်လပြည့်ဝန်း’ ပါဝင်တဲ့ စီးရီးဖြစ်ပါတယ်။

အဲဒီလို နိုင်ငံကျော်အဆိုတော်အဖြစ်ကို ရရှိခဲ့ချိန်မှာပဲ ဘိန်းဖြူလက်ဝယ်တွေ့ရှိမှုနဲ့ စိုင်းထီးဆိုင် ထောင်ထဲဝင်ခဲ့ရတယ်။ စိုင်းထီးဆိုင်ထောင်ကျနေချိန်မှာ စိုင်းခမ်းလိတ်ရဲ့သီချင်းတွေကို စိုင်းဆိုင်မောဝ်က သီဆိုပြီး အတော်အသင့် အောင်မြင်ခဲ့ပါသေးတယ်။ အရင်ကတော့ စိုင်းဆိုင်မောဝ်ဟာ သူကိုယ်တိုင် ရေးတဲ့သီချင်းတွေကို ပဲ ဆိုလေ့ရှိပါတယ်။ အဲဒီခေတ်တုန်းက အနုပညာသမားတွေရဲ့ အကြောင်းတွေ၊ အနုပညာသမားတွေရဲ့ သတင်း တွေနဲ့ တွေ့ဆုံမေးမြန်းခန်းတွေ (Media) ခေတ်မစားသေးတော့ စိုင်းခမ်းလိတ်သီချင်းတွေ ဘာဖြစ်လို့ စိုင်းထီးဆိုင် မဆိုတော့တာလဲ၊ ဘာဖြစ်လို့ စိုင်းဆိုင်မောဝ်ကို ပေးဆိုတာလဲ စတာတွေဟာ သူတို့ရဲ့ပရိသတ် အကြား ကောလာဟလစကားတွေ အများကြီးဖြစ်ခဲ့ပါသေးတယ်။

သေချာတာကတော့ စိုင်းခမ်းလိတ်ရဲ့ သီချင်းစာသားနဲ့ သံစဉ်ဟာ စိုင်းထီးဆိုင် သီဆိုမှပဲ ပရိသတ်က ပိုပြီး ခံစားရ၊ ပိုပြီး ကြိုက်ကြပါတယ်။ ဥသြငှက်ကို သဘာဝတရားက လက်ဆောင်ပေးထားတဲ့ အသံလိုပဲ စိုင်းထီးဆိုင်ရဲ့ အသံကလည်း ဘုရားပေးတဲ့အသံလို့ပြောရလောက်အောင် ကရုဏာသံ၊ ရသသံအပြည့်နဲ့ ခံစားချက်ကို အရှင်းဆုံး အပီပြင်ဆုံး အပြည့်ဝဆုံး ဖော်ပြနိုင်စွမ်းတဲ့အသံဖြစ်ပါတယ်။ တစ်ခါ စိုင်းခမ်းလိတ်ရဲ့ သီချင်းသံစဉ် စာသားတွေကျပြန်တော့ သံစဉ်ရိုးရိုးလေးကိုပဲ လှလှပပနဲ့ စိတ်မှာစွဲကျန်ရစ်အောင် ဖွဲ့စပ်နိုင်တယ်၊ စာသားတွေကလည်း စာဟန်ပေဟန် ကိန်းကြီးခန်းကြီး သိပ်လုပ်မနေဘဲ အရပ်ပြော အများနားလည်လွယ်တဲ့ဟန်၊ အသုံးအနှုန်းတွေကိုသုံးပြီး ပြောချင်တဲ့အကြောင်းအရာကို ထိထိမိမိဖွဲ့နွဲ့နိုင်တယ်။ ဥပမာ - ခြင်္သေ့လည်ပြန် သီချင်းမှာဆိုရင် -
‘ကြင်နာသူကိုယ့်အနား ရှိနေခိုက်ဟာ ဘဝရဲ့အသာယာဆုံးအခါ
ဒီအချိန်မှာ ကိုယ်ကြည့်ရင်းနဲ့ သူ့ကိုသနားလာမိတယ်
မကျင်လည်ခဲ့ဖူးတဲ့ တစိမ်းနယ်ထဲမှာ သူ့ခမျာ စိတ်အားငယ်လှရော့မယ်’ ဆိုပြီး အရိုးဆုံးအရှင်းဆုံးစာသားနဲ့ သံစဉ်ကိုရေးဖွဲ့ပြီး ချစ်သူကို ကရုဏာသက်မိတဲ့အကြောင်းပြောတယ်။ ဒီသီချင်းကို နောက်ခံဂီတခပ်ပါးပါးလေးသာ တီးခတ်ပေးထားပြီး စိုင်းထီးဆိုင် သီဆိုလိုက်တဲ့အခါမှာ နောင်နှစ်ပေါင်းများစွာကြာတဲ့အထိ ပရိသတ်နှစ်သက်တဲ့သီချင်းတစ်ပုဒ်ဖြစ်ခဲ့ပါတယ်။


ထီးဆိုင်ရဲ့ မူရင်း ခြင်္သေ့လည်ပြန် YouTube ဖိုင်

စိုင်းခမ်းလိတ်၊ စိုင်းထီးဆိုင် နဲ့ The Wild Ones လို့ဆိုပြီး ရာနဲ့ချီတဲ့တေးသီချင်းတွေအတော်များများဟာ Essential Sai Htee Hseng လို့ပြောနိုင်မယ့် စိုင်းထီးဆိုင်ရဲ့အနှစ်သာရတေးသီချင်းများဖြစ်ခဲ့ပါတယ်။ (တေးရေးဆရာ စိုင်းခမ်းလိတ်မှာ သီချင်းအပုဒ်ရေ ထောင်နဲ့ချီပြီးရေးထားတာရှိတယ်လို့ ဆိုပါတယ်။ သူရေးတဲ့သီချင်းတွေမှာလည်း နိုင်ငံရေးနောက်ခံမပါ တဲ့သီချင်း၊ နိုင်ငံရေးနဲ့ ဆက်စပ်လို့မရတဲ့သီချင်းမရှိ၊ တစ်နည်းမဟုတ်တစ်နည်းနဲ့ ဆက်စပ်ဖွဲ့နွဲ့ထားကြောင်း စိုင်းခမ်းလိတ် ကိုယ်တိုင်ကပြောတယ်လို့လည်း ကြားဖူးပါသေးတယ်။ တကယ်ဟုတ်မဟုတ်ကတော့ ကာယကံရှင်ကို မေးမြန် ကြည့်မှပဲ သိနိုင်မှာပါ။)

ဘယ်လိုပဲဖြစ်ဖြစ် စိုင်းထီးဆိုင် ထောင်ကလွတ်လာပြီး သူတို့ ၂ ယောက်နာမည်ကို တိတ်ခွေကာဗာပေါ်မှာ အတူတူတွဲပြီး ပြန်တွေ့ရပါတယ်။ ‘စတုတ္ထနိဗ္ဗာန်ကအပြန်၊ သဘာဝရဲ့ရင်သွေးငယ်၊ လူကြမ်းမင်းသား၊ ရန်ကုန်မှာ သာတဲ့လ’ စတဲ့ စီးရီးတွေ ဆက်တိုက်ထွက်လာပြီးနောက် အရောင်းစံချိန်တင်တဲ့ ပလက်ဖောင်းမင်းသား အပါအဝင် ‘မောင့်အရိုင်းပန်း၊ သခင့်ဆီအပြေးပြန်လာမည်၊ ချစ်အာမခံ၊ ကိုယ့်အချစ်နဲ့ အရာရာကို အကောင်းအတိုင်းဖြစ်စေမယ်’ စတဲ့စီးရီးတွေ ထွက်ခဲ့ပါတယ်။ သီချင်းစီးရီးထုတ်ဝေသူ စီးပွားရေးသမားများ မက်မော သရေယိုကြတဲ့ စီးရီးတွေပဲဖြစ်ပါတယ်။ (သီချင်းစီးရီးတစ်ခွေပေါက်သွားရင်၊ ဆိုလိုတာက အရမ်းရောင်းရပြီ ဆိုရင် ထုတ်ဝေသူငွေရှင်ဟာ ကုန်ကျစရိတ် ရင်းစားပြန်ရပြီးတော့ နောက်ထပ်ရောင်းရသရွေ့ဟာ အမြတ်ချည်းပဲဖြစ်ပါတယ်။ ကြားဖူးတာကတော့ စီးရီးတစ်ခွေပေါက်ရင် ခေတ်ပေါ်ဆလွန်းကားတစ်စင်း ဝယ်လို့ရလောက်အောင် မြတ်နိုင်ပါတယ်။)

စီးပွားရေးအရ အဲဒီလို အမြတ်အစွန်းရနိုင်တာဖြစ်ပေမယ့် စိုင်းထီးဆိုင်သီချင်းတွေဟာ ပရိသတ်ကြိုက်အောင် ဘယ်လိုသီချင်းမျိုးဆိုလိုက်မယ်၊ ဘယ်လိုဟန် (Style) နဲ့ ဆိုလိုက်မယ်ဆိုပြီး ထွက်ပေါ်လာတဲ့သီချင်းမျိုးတွေ မဟုတ်ပါဘူး။ တေးရေးသူရဲ့ ပင်ကိုဘဝအမြင်နဲ့ ရေးဖွဲ့တဲ့သီချင်းကို တေးဆိုသူကလည်း ပရိယာယ်ဝေဝုစ် မပါတဲ့ခံစားချက်နဲ့ပဲ သီဆိုခဲ့တာတွေ့ရပါတယ်။ စိုင်းထီးဆိုင်သီချင်းတွေရဲ့ ထူးခြားမှုကို ပညာရှင်ဆန်ဆန်ခွဲခြားပြီး မပြောပြတတ်ရင်တောင်မှ လှပနှစ်သက်ဖွယ်သီချင်းတွေဖြစ်တယ် ဆိုတာကိုတော့ နားထောင်သူပရိသတ်က အသေအချာသိကြပါတယ်။ သီချင်းတွေက ရိုးတယ်ရှင်းတယ်၊ လူအများခံစားနိုင် ခံစားဖူးတဲ့အကြောင်းအရာ တွေကိုဖွဲ့နွဲ့ထားတာဖြစ်တယ်၊ သီဆိုပုံကလည်း ရိုးတယ်ရှင်းတယ်၊ ပင်ကိုခံစားမှုအရင်းအတိုင်း သီဆိုထားတယ်၊ တီးခတ်ထားတာတွေကလည်း သီချင်းရဲ့ စာသား (Lyrics) နဲ့ သံစဉ် (Melody) ကိုပံ့ပိုးပေးဖို့ လုံလောက်တဲ့အတိုင်းအတာနဲ့ အပြင်အဆင်ကိုပဲ အဓိကထားတယ်။ ဒီလို ရိုးတယ် ရှင်းတယ်ဆိုတာတွေဟာ အနုပညာသမားစစ်စစ်တွေမှာရှိတဲ့ အင်္ဂါရပ် ၃ ခုထဲက ရိုးသားမှုအင်္ဂါတစ်ရပ်ပဲ ဖြစ်ပါတယ်။

နောက်တစ်ခုကတော့ အားလုံးသိတဲ့အတိုင်း အနုပညာအားကောင်းတဲ့ အင်္ဂါရပ်ပါ။ စိုင်းထီးဆိုင်သီချင်းတွေ အားလုံးကိုလေ့လာကြည့်ရင် သီချင်းကိုဖျစ်ညှစ်ပြီးရေးဖွဲ့ထားတာမရှိဘူး၊ ဖျစ်ညှစ်သီဆိုထားတာမရှိဘူး။ တစ်ပုဒ်ဆို တစ်ပုဒ် ရသမြောက်အောင်ဖန်တီးထားတာ ဖြစ်ပါတယ်။ စိုင်းထီးဆိုင်သီချင်းတွေကို မူပိုင်ထုတ်ဝေခဲ့တဲ့ စီးပွားရေးလုပ်ငန်းရှင်တွေ ငွေဝင်အားကောင်းသလောက် စိုင်းထီးဆိုင်သီချင်းတွေကလည်း အနုပညာအား ကောင်းလွန်းပါတယ်။ ဒီလို အနုပညာအား ကောင်းတဲ့အတွက်ကြောင့်ပဲ အနုပညာသည်တစ်ယောက်အနေနဲ့ အရေးကြီးတဲ့အဆုံးအဖြတ်တွေချဖို့ အင်မတန်ခက်ခဲတဲ့အချိန်ကာလများကို သူ့ရဲ့ဘဝအချိုးအကွေ့တွေမှာ စိုင်းထီးဆိုင်တစ်ယောက် óကံတွေ့ခဲ့ရပါသေးတယ်။ အနုပညာသမားတွေမှာရှိတဲ့ ကျန်အင်္ဂါရပ်တစ်ခုနဲ့ ပတ်သက်တဲ့အကြောင်း၊ မဆလခေတ်အဆုံးပိုင်းမှာ စိုင်းထီးဆိုင် ဖြတ်သန်းခဲ့ရပုံတွေကို နောက်ပိုင်းမှာ ဆက်ပြီး ပြောပါဦးမယ်။




'

20 comments :

  1. Anonymous said... :

    စိုင်းထီးဆိုင် နဲ့ ထူးအိမ်သင်ကြိုက်တဲ့ ထဲမှာ ကျွန်တော်မပါဘူး .. ဘာလို့လည်း ဆိုတော့ နိုင်ငံခြားက အမျိုးသမီးအဆိုတော်တွေရဲ့ နာမည်ကြီးသီချင်းတွေကို ယောက်ျားကြီးတန်မဲ့ ခြင်ထောင်ထဲက ညောင်နာနာအသံနဲ့ဆိုလို့ .. သူက ဘယ်လိုလုပ် သူ့ဖန်တီးမှုပြနိုင်မှာလည်း .. ကော်ပီတွေနင်းကန်ဆိုထားတာကို ..

  1. Anonymous said... :

    မြန်မာနိုင်ငံမှ ရှက်ဖွယ် ကော်ပီအဆိုတော်များ အားမနာလျှာမကျိုးတိုင်း .. နင်းကန်ခွ ဆိုထားသော အနောက်တိုင်း မူရင်းသီချင်းစစ်စစ်များကို အရသာရှိရှိ ခံစားနားဆင်နေပါသည်။
    IC = International Copy ... ရွှေငွေနဲ့ ဂုဏ်တွေ ဘာညာတွေ မရှိလည်း ကော်ပီဆိုနိုင်ပါတယ် တသက်လုံး ...http://www.youtube.com/watch?v=eXT9V8RY_1I&feature=youtu.be
    မူရင်းသီချင်းနဲ့မှ ကလို့ကောင်းတာ .. http://goo.gl/FAUEH

  1. Anonymous said... :

    Steve Jobs danced with that song at Hare Krishna and Hare Rama Temple

  1. Anonymous said... :

    သမ္မတကြီး ဦးသိန်းစိန်ကို YouTube ဖွင့်ပေးပြီး အင်တာနက်တွေ မြန်ပေးဖို့ တောင်းဆိုရမယ်။ နို့မို့ဆို သူတို့သီချင်းတွေ လိုလို နဲ့ ဖီလင်ကြီးတွေ နှစ်ပိသာလောက်နဲ့ တက်ဆိုနေတဲ့ သူတွေရဲ့ မူရင်းသီချင်းတွေကို မြန်မာပြည်ကသူတွေ သိစေချင်လို့ပါ။

  1. စိုင်းဆိုင်မောစ့် အကြောင်း လာမယ်

  1. Min Thet San said... :

ဲမြန်မာပြည်မှာ ကော်ပီတွေနဲ့ လုပ်စားနေသူတွေ ပွဲချောင်နေတာဟာ ပရိတ်သတ် အများစုက နိုင်ငံတကာဂီတ နဲ့  အကျွမ်းတဝင် မရှိလို့ ပဲ။ pop, rock, hip-hop, country, punk ဂီတပုံစံ တိုင်းလောက်မှာကိုပဲ ကူးချထားတာပါ၊ ဆရာကြီး ထူးအိမ်သင် ရဲ့ “အဓိပတိလမ်းကခြေရာများ” ဟာ Casablanca ကိုကူးချထားတယ် ဆိုတာအတော်များများသိကြပေမယ့် ၊ စိုင်းစိုင်းခမ်းလှိုင် ရဲ့ “ဝမ်းနည်းမှတ်တမ်း” ဟာ ကမ္ဘာကျော် Eminem ရဲ့  “Stan” ကို ကူးချထားတာတော့ သိသူနည်းပါတယ်။

  1. Anonymous said... :

    ကျွန်တော်က1970 born ပါ။ငယ်စဉ်ကတည်းက ဦးထီးတို့သီချင်းတွေနဲ့ ယဉ်ပါးလာခဲ့ရတာကနေပြီးတော့တဖြည်းဖြည်းနဲ့သူ့သီချင်းတွေကို ကြိုက်တတ်လာခဲ့တယ်။ဟိုးတုန်းကလေ ဦးထီးသီချင်းတွေအသစ်ထွက်လာရင် ချက်ချင်းမပေါက်သေးဘူးဗျ။တဖြည်းဖြည်းနဲ့မှလူတွေပါစပ်ဖျားကိုရောက်တယ်လေ။ခေတ်ကလဲအိမ်တိုင်းတောင်ကက်ဆက်ရှိတဲ့ခေတ်မဟုတ်ဘူးလေ။ဆောင်းဦးရောက်ရင်ဦးထီးတို့စတိတ်ရှိုးတွေနားထောင်ခဲ့ရတဲ့ အရသာက ဘာနဲ့မှလဲလို့တောင်မရနိုင်ခဲ့ပါဘူး။ကိုငှက်ဆုံးတော့လိုက်ပို့ဖြစ်တယ်လေ၊အဲဒီတုန်းကလဲဦးထီးတို့ကိုယ်တိုင်လိုက်ပို့ခဲပတာပဲ။ဦးထီးဆုံးတော့လိုက်ပို့ချင်ပေမဲ့ အကြောင်းကြောင်းကြောင့်လိုက်မပို့လိုက်နိုင်ခဲ့ဘူး။ကျေကွဲခဲ့ရပါတယ်။

  1. Min Thet San said... :

ဲမြန်မာပြည်မှာ ကော်ပီတွေနဲ့ လုပ်စားနေ သူတွေ ပွဲချောင်နေတာဟာ ပရိတ်သတ် အများစုက နိုင်ငံတကာဂီတ နဲ့  အကျွမ်းတဝင် မရှိလို့ ပဲ။ pop, rock, hip-hop, country, punk ဂီတပုံစံ တိုင်းလောက်မှာကိုပဲ ကူးချထားတာပါ၊ ဆရာကြီး ထူးအိမ်သင် ရဲ့ “အဓိပတိလမ်းကခြေရာများ” ဟာ Casablanca ကိုကူးချထားတယ် ဆိုတာအတော်များများ သိကြပေမယ့် ၊ စိုင်းစိုင်းခမ်းလှိုင် ရဲ့ “ဝမ်းနည်းမှတ်တမ်း”
    ဟာ ကမ္ဘာကျော် Eminem ရဲ့ 
    “Stan” ကို ကူးချထားတာတော့ သိသူနည်းတယ်။
    အဲဒီလိုပါပဲ။ ဒီနေ့  ပေါက်သီချင်း
    အများစု ဟာလည်း ကော်ပီတွေ
    ဖြစ်နေဆဲပါ။

  1. Moe Htet said... :

    တစ်ခုသိ နှစ်ခုသိနဲ့ လူတွင်ကျယ်လုပ် ချင်တဲ့ကောင်တွေ များသား ..စိတ်ဓာတ်က နိမ့်ပါး အစွမ်းအစကလည်း မရှိ သူတပါး တိုက်ခိုက်ဖို့ချည်း ချောင်းနေတော့ တိုးတက်မှုက နတ္ထိ ..သူများလို မကျော်ကြား ..မသိမသာမွေးဖွား လာပြီး လူမသိသူမသိ လောကကနေပြန်ထွက်သွား ..ဘ၀က ခွေးလေးတိရစ္ဆာန်နဲ့ ဘာခြားတော့မှာလဲ

  1. Anonymous said... :

    စိုင်းထီးဆိုင် နဲ့ ထူးအိမ်သင်ကြိုက်တဲ့ ထဲမှာ ကျွန်တော်မပါဘူး .....လို့ comment ပေး
    တဲ့ သူကို တခုတော့ပြောချင်တယ် .... သီချင်း ကို တောင် သေသေချာချာ နားမထောင်တတ်သေးဘူးထင်တယ်။ ဒီတော့ ဂီတ ဖွဲစည်းမှု ကို အရသာခံခြင်း ဆိုတဲ့ အကြောင်းပြော၇င်ဝေလာဝေးဖြစ်နေတော့မှာ ပဲ။ တခြားစိတ်ဝင်စားသူများသိအောင်လို့ တော့ ပြောပါမယ်။ ထူးအိမ်သင် နိုင်ငံတကာ ၈ီတပညာ ၇ှင်များရဲ့  သီချင်းတွေ ကို မြန်မာ စကားလုံးထည့်သွင်းထားတဲ့ သီခင်ျး တချို သီ ဆိုခဲ့တာရှိပါတယ် ... မူရင်း သီချင်းတွေ နဲ့ ယှဉ်နားထောင်ကြည့်ပါ သီဆိုမှု ပုံသဏ္ဍာန် မတူ အောင် vocal technique တွေ အမြဲသုံးပြီး သူဆိုပါတယ်။ အတီးပိုင်းကိုလည်း ကြည့်ပါ သူကြိုက်တဲ့ တူရိယာလေးတွေ ကိုထပ်ဖြည့်ပါတယ်။ နောက် သူဆိုတဲ့ သီချင်းများဟာလည်း ခေတ်ပေါ် ပေါ်ပင် မျိုး မဟုတ်ပဲ တကယ့် olides တွေပါ။ သူကို ၀င်းမင်းထွေး စကားလုံးဖန်တီးပေးတဲ့ အရင်းအတိုင်း ဆိုတဲ့ အခွေ ကို သွင်းနေတဲ့ အချိန်တုံး ကမေးဖူးပါတယ် ဘာလို့  ဒီလိုဆိုရတာလဲလို ... ကျနော် အရင်တုံး ကကြိုက်ခဲ့တဲ့ သီချင်းတွေ ကို ကျနော်ပုံစံ နဲ့ ဆိုကြည့်ချင်လို တဲ့ ။ အထက် က comment ကိုရေးသူ နိုင်ငံတကာ ဂီတကိုကျယ်ကျယ်ပြန့် ပြန့် လေ့လာလိုက်စားဘူးပုံမပေါ်ဘူး ထင်တယ် ... ပြင်သစ် ဂျာမာန် သီချင်းတွေ အ၈င်္လိပ်သီချင်းတွေ အပြန်အလှန်frame ယူ စာသားထည်းဆိုနေကြတာ။ (နိုင်ငံခြားမှာအခုနာမည်ကြီးလို့ အခု ကူးချ အတင်းစာသားထည့် ဆိုနေတဲ့ အဆိုသည်တွေ ကို တော့ ထားတော့ သူတို့ ကိုတော့ စာရင်းထဲ မထည့်ပါဘူး)

  1. ကိုမိုးထက်ပေးထားတဲ့ comment ကိုကြိုက်တယ်ဗျာ...တစ်ကယ်ပါပဲ..ဂီတကို
    ဘယ်လောက်နားလည်လို့ ဝင်ပြီး comment ပေးနေကြတာလဲမသိဘူး..ဒီသီချင်းကော်ပီဆိုတာသူတစ်ယောက်ထဲသိတာမဟုတ်ဘူး..မြန်မာတစ်နိူင်ငံလုံးသိတယ် (ကိုငှက်ရဲ့ casablanca )သူတို့ ကြိုက်တဲ့ ဟစ်ဟော့(ပ်)မှ လပြွတ်။

    ကိုကျော်

  1. Anonymous said... :

    စိုင်းထီးဆိုင်က နိုင်ငံရေးကိုမရွေးဘဲ သီချင်းဆိုတဲ့လမ်းရွေး တော့လည်းဘာဖြစ်လည်းဗျာ၊ လူပဲ ကိုယ်ကြိုက်တာကိုယ်ရွေးခွင့်ရှိပါတယ်၊ အရာအားလုံးကို နိုင်ငံရေးနဲ့သာ တိုင်းတာရမယ်ဆိုရင် ထူးအိမ်သင်လည်း တောခိုတယ်ဆိုပြီးမှ ပြန်ပြေးလာတော့လည်းလူတွေလက်ခံတာပဲ၊ အနုပညာဟာ အနုပညာအတွက်ပါပဲ

  1. zaw said... :

    copy ကိုဘာဖြစ်တယ်ညာဖြစ်တယ်ပြောနေသူတွေက ကိုယ်တိုင်ကတော့ ဂစ်တာတောင်ကြိုးဘယ်နှစ်ချောင်းရှိတယ် သိပုံမရပါဘူး။ မင်းတို့ကိုးကွယ်တဲ့ဘာသာကရော copy ပဲမလား။

  1. hjk said... :

    စိုင်းထီးဆိုင်ကို မကြိုက်တဲ့သူကတော့ ကျွဲပါးစေါင်းတီးနေသလိုမျိုးဖြစ်နေမှာပေါ့
    မိုးရွာရင်မိုးရေချိုးမယ် ဆိုတဲ့သီချင်းမျိုးပဲ ကြိုက်လိမ့်မယ်ထင်တယ်

  1. Anonymous said... :

    စိုင်းထီးဆိုင် နဲ့ ထူးအိမ်သင်ကို မကြိုက်တဲ့ နလပိန်းတုံးရေ
    လေ့လာပါအုံးကွာ -သေသေချာချာ၊ မင်းမသိတာတွေ အများကြီးရှိ ပါသေးတယ်။ မလေ့လာရင်တော့ ဘ၀မှာ အမြဲ နလပိန်းတုံး ဖြစ်နေမှာပဲ

  1. Anonymous said... :

    ထူးအိမ်သင်၊ စိုင်းထီးဆိုင် တို့ရဲ့ ကိုယ်ပိုင်သံစဉ် တွေနာမထောင်းဖူးဘူးနဲ့တူတယ်။ ကော်ပီပဲဖြစ်ဖြစ် ကိုယ်ပိုင်သံစဉ်ပဲဖြစ်ဖြစ် သီချင်းရဲ့ အနှစ်သာရကအဓိကပါ။ အဲဒီကော်ပီတွေကပဲ တံခါးပိတ်ထားတဲ့နိုင်ငံမှာ နိုင်ငံတကာဂီတကို လူတွေခံစားနိုင်အောင်လမ်းခင်းပေးခဲ့တာပါ။ ဂီတ အနုပညာ စာပေ ဘာပဲဖြစ်ဖြစ် အကျိူးရှိမယ်ဆိုရင် ကူးရမှာပါပဲ။ MLTR ရဲ့ take me to your heart ဆိုရင်လည်း chinese သီချင်းကိုကော်ပီကူထားတာပါ။ ကော်ပီတွေမကြိုက်ရင် မူရင်းတွေပဲနားထောင်ပေါ့။ ဒါပေမယ့် ဂီတနဲ့ပတ်သတ်ပြီး ဇီဇာကြောင်တဲ့လူတယေက်တော့မဖြစ်ပါစေနဲ့။
    PFJ

  1. ကေကေအို said... :

    စိုင်းထီးဆိုင်နဲ့ ထူးအိမ်သင် မကြိုက်တာများ မောင်ရင်က ဂုဏ်ယူနေသေးတယ်။ မောင်ရင် မကြိုက်တာက မောင်ရင့်ကိစ္စပါ။ ဒါပေမဲ့ အပေါ်က ဆရာက ပြောနေပြီ။ နလပိန်းတုံး ဆိုလား၊

  1. Anonymous said... :

    Copy .. ဆိုတာ Co .. Py ကိုယ်ပိုင်တဲ့ ...
    ကော်ပီရော ဘာဖြစ်လဲဗျာ ... အားစိုက်မှုတော့ ပါတာကြီးပဲ .. ကော်ပီထဲမှာပါတဲ့ စကားလုံးတွေကိုပဲ ရေးကြည့်ပါဦး ...

  1. Anonymous said... :

    ‌ကော်ပီဘဲဆိုဆို..ကိုယ်ပိုင်သံစဉ်ဘဲဆိုဆို..
    အဓိကအဓိပါယ်ရှိတဲ့စာသားနဲ့..ခံစားချက်
    ရှိရှိနဲ့‌ကောင်း‌အောင်ဆိုရင်လူတိုင်းကြိုက်ကြတာဘဲ..။
    ကိုယ်ပိုင်သံစဉ်ဆြိုပီး‌တော့..မူလတန်းခ‌လေးစာ
    စီစာကုံး‌ရေးသလိုစကားလုံးမျိုးနဲ့ဆြိုကည့်ပါလား..
    ဘယ်သူကမှအချိန်ကုန်‌ငွေကုန်ခြံပီးအားမ‌ပေးဘူး
    စိုင်းထီးဆိုင်နဲ့ထူးအိမ်သင်ဆိုတာ..ဂီတ‌လောကမှာ
    မှတ်တိုင်‌တွေတခြုပီးတခုခိုင်ခိုင်မာမာစိုက်ထူနိုင်ခဲ့
    ကြတဲ့..ရှားပါးတဲ့ပါရမီရှင်‌တွေဆိုတာ..
    ဘယ်သူမှမငြင်းနိုင်တဲ့အမှန်တရားဘဲ..အဲဒါကိုများ
    ခြင်‌ထောင်ထဲကအသံလို့ေ ပြာတဲ့လူကရှိ‌သေး..
    အင်း..သူကလြဲခင်‌ထောင်ထဲကအသံ‌တွေကိုနား
    ‌ထောင်‌နေကျဆို‌တော့..‌ရောသွားတာ‌နေမှာပါ..။

  1. Anonymous said... :

    စိုင်းထီးဆိုင်နဲ့ ထူးအိမ်သင်သီချင်းတွေက ကော်ပီပဲဖြစ်ဖြစ်...ကိုယ်ပိုင်ပဲဖြစ်ဖြစ်...အနှစ်သာရ တွေက အပြည့်ပါပဲ..လူသေပေမယ့်နာမည်တော့ မသေပါဘူး..သံစဉ်လေးတွေက လေထဲမှာပျံ့လွင့်နေဆဲပါ...

Post a Comment

ပေးထားသည့် မှတ်ချက်များ မကြာမီ တင်ပေးပါမည်။ ခေတ္တစောင့်ဆိုင်းပါ။

အချို့ ကော်မန့်များမှာ တခုလုံး ကောင်းသော်လည်း၊ မသက်ဆိုင်သူ တဦးတယောက်၏ ပုဂ္ဂိုလ်ရေးရာကို အထောက်အထားမဲ့ ပုတ်ခတ်ခြင်း၊ မသင့်လျော်သော ဆဲဆိုမှု တလုံး တပါဒကြောင့် ဖျက်လိုက်ရပါသည်။

တင်ပေးခြင်း မတင်ပေးခြင်းသည် ကာလ၊ ဒေသ၊ ပယောဂ၊ လူမျိုးရေး၊ ပုဂ္ဂိုလ်ရေး၊ ဘာသာရေး၊ တသီးပုဂ္ဂလ ယုံကြည်မှုအပေါ် သတ်မှတ် ခွဲခြားမှု မရှိပါ။ ပုဂ္ဂိုလ်ရေး ပုတ်ခတ်မှုနှင် ရိုင်းစိုင်းကြမ်းတမ်းမှု မပါလျှင် မည်သည့် ဝေဖန် အကြံပြု ပြောဆိုချက်ကို မဆို တင်ပေးပါမည်။

ကျေးဇူးတင်ပါသည်။

 
Copyright © 2014 Irrawaddy Publishing Group. All Rights Reserved