စာပေချစ်သူတွေ နွှဲပျော်ခဲ့တဲ့နိုဘယ်- မြန်မာစာပေပွဲတော်

Tuesday, January 27, 2015 0 comments


နိုဘယ်-မြန်မာစာပေပွဲတော်(ဓာတ်ပုံ - ဂျေပိုင်/ ဧရာဝတီ)

 “စာအုပ် စာပေလူ့မိတ်ဆွေ”ဆိုတဲ့ ဆိုရိုးစကားလိုပဲလူရယ်လို့ဖြစ်လာရင် အသိုက်အဝန်းကောင်း၊ အဖော်မွန်ကောင်း၊ မိတ်ဆွေကောင်းရှိဖို့ လိုအပ်သလိုစာအုပ်စာပေဆိုတဲ့ မိတ်ဆွေအစစ်အမှန်၊ ဘဝအတွက် အဖော်မွန်ကောင်းကိုလည်းလိုအပ်ပါတယ်။

စာအုပ်စာပေတွေကနေတဆင့် ကိုယ်မသိသေးတဲ့ အကြောင်းအရာတွေ၊ ကိုယ်မတတ်သေးတဲ့ ပညာရပ်တွေကို လေ့လာလို့ရသလိုပဲ စာအုပ်စာပေတွေဖတ်ပြီး ကမ္ဘာအနှံ့က ကိုယ်မရောက်ဖူးတဲ့ အရပ်ဒေသတွေအကြောင်း ဖတ်ရှုပြီး ကိုယ်တကယ် ရောက်သွားသလိုမျိုး ခံစားနိုင်ပါတယ်။
ကမ္ဘာအရပ်ရပ်က မတူညီတဲ့ ရိုးရာယဉ်ကျေးမှု၊ လူနေမှုစရိုက်တွေအကြောင်း၊ သမိုင်းအကြောင်းအရာတွေ အကြောင်း၊ အစားအစာတွေအကြောင်း စသဖြင့် ကိုယ်စိတ်ဝင်စားတဲ့ နယ်ပယ်ကဏ္ဍ အသီးသီးကို စာပေတွေကနေတဆင့် လေ့လာနိုင်ပါတယ်။ စာအုပ်စာပေတွေကို ဖတ်ရှုခြင်းအားဖြင့် အတွေးအမြင် ဗဟုသုတတွေ ကြွယ်ဝလာသလို၊ ဆင်ခြင်တုံတရားနဲ့ အသိပညာလည်း မြင့်မားကြွယ်ဝလာနိုင်ပါတယ်။

စာပေအမျိုးမျိုးကို လေ့လာဖတ်ရှုပြီး ကိုယ့်ရဲ့အမြင်၊ သဘောထားတွေ ပြောင်းလဲလာပြီး စာပေကနေတဆင့် အကျိုးကျေးဇူးတွေကိုယူရင် ယူတတ်သလို အများကြီးရရှိစေနိုင်ပါတယ်။ ဒီနေ့ခေတ်မှာတော့ ခေတ်မီ တိုးတက်ပြောင်းလဲလာတဲ့ ခေတ်ရေစီးအရ လူငယ်တွေ စာဖတ်နည်းလာကြပါတယ်။
စမတ်ဖုန်းတွေ တွင်တွင်ကျယ်ကျယ် ခေတ်စားလာပြီး i Phone, i Pad, Tablet တွေနဲ့ စာအုပ်တွေကို e-Book တွေအဖြစ် ပြောင်းလဲပြီး မြန်ဆန်ပေါ့ပါးစွာ (စာအုပ်အထူကြီးတွေ သယ်စရာမလိုဘဲ) အချိန်မရွေး၊ နေရာမရွေး လွယ်လွယ်ကူကူ ဖတ်ရှုလာနိုင်ပြီ ဆိုပေမယ့် Facebook, Instagram အစရှိတဲ့ လူမှုကွန်ရက် ဆိုရှယ်မီဒီယာ တွေထဲမှာ အချိန်ကုန်နေကြသူတွေ ပိုများနေတာကိုတွေ့မြင်နေရပါတယ်။

စာအုပ်အငှားဆိုင်တွေနဲ့ ရပ်ကွက်၊ ကျောင်းတွေမှာရှိတဲ့ စာကြည့်တိုက်တွေကနေ စာအုပ်ငှားဖတ်တဲ့ အလေ့အထ၊ ယဉ်ကျေးမှုကလည်း တဖြည်းဖြည်းနည်းသထက် နည်းလာပါတယ်။ ခေတ်ရဲ့တိုးတက်မှုနဲ့  အတူ တခြားသောဆုတ်ယုတ်မှုတွေကလည်း ခေတ်နဲ့အတူထပ်ကြပ်မကွာ အမီလိုက်နေတာကို မမေ့သင့်ပါဘူး။

စာများများဖတ်မှ ဗဟုသုတအကြောင်းအရာတော်တော်များများကိုသိရှိနိုင်မှာဖြစ်လို့ နေ့စဉ် မိမိပိုင်ဆိုင်တဲ့ အချိန်တွေထဲကနေ အချိန်နည်းနည်းစီပေးပြီး စာဖတ်သင့်ပါတယ်။ အနည်းဆုံးတော့ နိစ္စဓူဝ ရုံးတက်ရုံးဆင်း၊ ကျောင်းသွားကျောင်းပြန်ချိန်၊ လမ်းမှာကားကြပ် ကားပိတ်ချိန်တွေမှာ၊ ဘတ်စ်ကားပေါ်မှာ၊ ရထားပေါ်မှာ အသီးသီးကုန်ဆုံးတဲ့အချိန်တွေကို စာဖတ်ရင်းနဲ့ အချိန်ကိုအကျိုးရှိရှိအသုံးပြုလို့ရပါတယ်။
အခုဆိုရင် စာအုပ်စာပေကိစ္စရပ်တွေမှာစိတ်အားထက်သန်တဲ့ ပုဂ္ဂိုလ်တွေနဲ့ စာပေပညာရှင်တွေ စုပေါင်းပြီးတော့ ဇန်နဝါရီလ ၁၇ ရက်နေ့ကနေ ၁၉ ရက်နေ့အထိရန်ကုန်မြို့၊ ဒဂုံမြို့နယ်၊ မြို့မကျောင်းလမ်းပေါ်က အမျိုးသားကဇာတ်ရုံမှာ နိုဘယ်- မြန်မာစာပေပွဲတော် (Nobel-Myanmar Literary Festival) ကိုကျင်းပပြုလုပ်ခဲ့ပါတယ်။

ဒီပွဲတော်မှာဆိုရင် မြန်မာနိုင်ငံကစာရေးဆရာတွေ၊ ကဗျာဆရာတွေရဲ့ စာတမ်းဖတ်ပွဲ၊ ဝတ္ထုဖတ်ပွဲ၊ ကဗျာဖတ်ပွဲတွေ ပါဝင်ပြီးပန်းချီပြခန်း၊ ကာတွန်း ပြခန်း၊ ဓာတ်ပုံပြခန်းတွေနဲ့အတူစာအုပ်ဈေးရောင်းပွဲတော်ကြီးပါ ပါဝင်တာကြောင့် ဒီပွဲတော်ကြီးကနေတဆင့် ကိုယ်ဖတ်ရှုလိုတဲ့ စာအုပ်တွေ ဝယ်ယူဖတ်ရှု နိုင်ပြီးကိုယ်ဝါသနာပါတဲ့ အကြောင်းအရာတွေကိုလူငယ်တွေအနေနဲ့ ကိုယ်တိုင် သွားရောက်လေ့လာနားထောင်နိုင်တဲ့ အခွင့်အရေးရခဲ့တဲ့ ပွဲကြီးတပွဲ ဖြစ်ခဲ့ပါတယ်။

နိုင်ငံတကာစာပေတွေ၊ နိုဘယ်ဆုရ ပုဂ္ဂိုလ်တွေရဲ့ စာပေလက်ရာမွန်တွေ၊ မြန်မာစာရေးဆရာတို့ရဲ့ စာအုပ်စာပေတွေအစရှိတဲ့ စာအုပ်အမျိုးမျိုးကို တနေရာတည်းမှာ သုံးရက်တိုင် ခင်းကျင်းရောင်းချခဲ့တာပါ။


သီဟတိုး

“အရင်တုန်းကကလေးတို့ဆရာမလုပ်ဖူးတယ်”

0 comments


နန်းသူဇာနဲ့ နန်းမြတ်ဖြိုးသင်းတို့ အနုပညာညီအစ်မနှစ်ယောက် အတူတူတွဲဆိုထားတဲ့  Friend စီးရီးခွေ  MTV က မကြာခင် ထွက်ရှိလာတော့မှာပါ။ စီးရီးခွေတုန်းက ပရိသတ်နားထဲမစွဲတဲ့ တေးသီချင်းတွေရှိခဲ့ပေမယ့် အခု MTV မှာ လူငယ်ပရိသတ်ကြား ဖြစ်လေ့ဖြစ်ထရှိတဲ့ ပုံစံများနဲ့ သရုပ်ဖော်ထားတာတွေ့ရတာမို့ ပရိသတ် အကြိုက်တွေ့မယ့် MTVအခွေ ဖြစ်လာမယ်လို့ ထင်ရပါတယ်။ နန်းသူဇာဟာ မော်ဒယ်လ် သရုပ်ဆောင် လိုင်းကနေမှတဆင့် အဆိုလိုင်းဘက်ကို ကူးပြောင်းလာတဲ့သူတဦးဆိုရင်လည်း မမှားပါဘူး။ ကျောင်းဆရာမ ဝတ်စုံနဲ့  Gold Roast ကော်ဖီမစ်ကြော်ငြာမှာပရိသတ်တွေ နှစ်သက်အားပေးခြင်းခံယူနိုင်ခဲ့သလို တခြား ကြော်ငြာအတော်များများမှာလည်း နုနုငယ်ငယ် ချစ်စဖွယ်အမူအရာတွေနဲ့ တွေ့မြင်ကြရတဲ့ သရုပ်ဆောင်၊ အဆိုရှင် နန်းသူဇာကို ဧရာဝတီသတင်းထောက် ယုမွန်ကျော်က တွေ့ဆုံမေးမြန်းထားပါတယ်။



ဓာတ်ပုံ - စိုင်းဇော် /The Irrawaddy
  
မေး ။     ။ နန်းသူဇာတို့ ဒီအခွေကAudioထွက်ပြီးဘယ်လောက်ကြာမှ အခု DVDထွက်တာလဲ။

ဖြေ ။    ။ အခွေက တနှစ်ကျော်ကြာမှ အခုDVD ထွက်ဖြစ်တာပါ။

မေး။    ။ နန်းသူဇာက ဒီထဲမှာ ဘယ်နှပုဒ်လောက် သရုပ်ဆောင်ထားတာလဲ။

ဖြေ ။    ။ ညီမကတော့ တော်တော်များပါတယ်။ MTVအဖြစ်ရိုက်ကူးတဲ့ အပုဒ်တွေပါတယ်။ အဲဒီမှာကိုယ်တိုင်ကမဖြစ်မနေသရုပ်ဆောင်ရမယ့် အပုဒ်တွေမှာ ကိုယ်တိုင်လည်းသရုပ်ဆောင်ဖြစ်ရင်းနဲ့  များသွားတယ်။ တခြားပါဝင်တဲ့ သရုပ်ဆောင်တွေက ကိုနေတိုး၊ ကိုကျော်ထွဋ်ဆွေ၊ ကိုဆာမိ၊ ထက်ဘုန်းနိုင် မင်းသမီးတွေမှာ ဆန်းသစ်လ၊ နွယ်ဒါလီထွန်း၊ နန်းခေးမား၊ ခင်နန်းထိုက်တို့ပါမယ်။

မေး။    ။ Audio ထွက်တုန်းကဘယ်လိုအပိုင်းတွေကို အားမရဘူးလဲ။ ပရိသတ် လက်ခံအားပေးမှုကရော ကိုယ်ထင်သလောက် ရခဲ့လား။

ဖြေ။   ။ ဟုတ်ကဲ့။ အခုကတော့ နန်းသူဇာတို့ သီချင်းအသစ်တွေတော့ မမီတော့လို့ ထပ်မထည့်ထားပါဘူး။ အခုခွေမှာလည်း နန်းသူဇာတို့ လိုအပ်ချက်တွေ အများကြီးရှိပါတယ်။ အဲဒါတွေကို သင်ခန်းစာယူပြီးနောက် အခွေတွေမှာ ဒီထက်ကောင်းအောင် ကြိုးစားကြရမှာပါ။

မေး။   ။ နန်းမြတ်ဖြိုးသင်းနဲ့ ညီမက Gril Band ဖွဲ့ထားတာမဟုတ်ဘူးနော်။ သူနဲ့ ဘယ်လိုတွဲမိတာလဲ။

ဖြေ။  ။ နန်းမြတ်နဲ့က Girl Band ဆိုပြီးဖွဲ့ထားတာမဟုတ်ပါဘူး။ ကိုယ့်ဘာသာသပ်သပ်စီပါပဲ။ နန်းမြတ် နဲ့ကအရင် မော်ဒယ်လ်လုပ်ကတည်းက ခင်နေတာလေ။ ဒါနဲ့  Shwe FM  ပွဲမှာတယောက်တပုဒ် ဝင်ဆို ကြတယ်။ အဲဒီမှာ နှစ်ယောက်စလုံးက “ဇ” ရှိတယ် ဆိုတာသိသွားကြတယ်။ အဲဒီမှာ နှစ်ယောက်လုံးအခွေ လုပ်ချင်တယ်ဆိုပြီးစကားပြောဖြစ်ရင်းနဲ့ နန်းမြတ်နဲ့ အခွေလုပ်ပါလားလို့ ပြောကြတာနဲ့ လုပ်ဖြစ်ခဲ့တာပါ။

မေး။   ။ နန်းသူဇာတယောက်တည်းရောစီးရီးခွေ လုပ်ဖြစ်ဦးမလား။

ဖြေ။   ။ နန်းသူဇာလည်းတယောက်တည်းအခွေထွက်ဖို့ လုပ်ဖြစ်မှာပါ။ ဒါပေမယ့် ဘယ်တော့လောက် ထွက်ဖြစ်မယ်ဆိုတာကိုတော့ အတိအကျ မပြောနိုင်သေးဘူးပေါ့။ အရင်ဆုံးသီချင်းတွေဝယ်မယ်၊ စုမယ်၊ ပြီးရင် ဆိုကြည့်မယ်ပေါ့။ ကိုယ်နဲ့လိုက်ဖက်တယ် အဆင်ပြေတယ်ဆိုရင် အခွေထဲမှာထည့်မယ်ပေါ့။ လုပ်ရင်လည်း သေချာစဉ်းစားပြီး အကောင်းဆုံးပဲလုပ်ဖြစ်မှာပါ။

မေး။  ။ နန်းသူဇာကိုမော်ဒယ်လ် သရုပ်ဆောင်အနေနဲ့ ပရိသတ်ကပိုသိထားကြတယ်။ အဲဒီပိုင်းကိုရော ဘယ်တော့ သေချာပြန်လုပ်ဖြစ်မလဲ။

ဖြေ။  ။ ဟုတ်ပါတယ်။ နန်းသူဇာက Show ပွဲတွေလည်းလျှောက်ပါတယ်။ ကြော်ငြာတွေလည်း လာငှားရင် ရိုက်ပါတယ်။ ရုပ်ရှင်ကားပဲ မရိုက်တာပါ။

မေး။  ။ ရုပ်ရှင်ကားကဘာလို့မရိုက်တာလဲ။

ဖြေ။   ။ ရုပ်ရှင်ကကြော်ငြာတွေ၊ ဓာတ်ပုံတွေရိုက်တာနဲ့ မတူဘူးပေါ့နော်။ သူက ခံစားချက် ပိုထည့်ရတယ်။ လွယ်လွယ်နဲ့လုပ်လို့မရဘူး။ အဲဒီအပိုင်းကို နန်းသူဇာမလုပ်နိုင်သေးလို့ မရိုက်ဖြစ်တာပါ။

မေး။   ။ ပြည်ပခရီးစဉ်တွေ ခဏခဏသွားတာတွေ့ရတော့ အခုလောလောဆယ်ရော ဘာအစီအစဉ်တွေရှိလဲ။

ဖြေ။   ။ ပြည်ပခရီးစဉ်ကလည်းကြော်ငြာတွေကထွက်ရိုက်လို့ပါ။ ပြည်ပခရီးစဉ်ဆိုရင် U-19 အသင်းကို အားပေးဖို့ နန်းသူဇာတို့  We Let Go အစီအစဉ်အနေနဲ့ သွားဖို့ရှိပါတယ်။ နယူးဇီလန်မှာလိုက်အားပေးဖို့ပေါ့။ အရင်ကလည်း We Let Go နဲ့ နန်းသူဇာတို့ ဘရာဇီးကမ္ဘာ့ဖလားမှာသွားပြီး အားပေးခဲ့ဖူးပါတယ်။ ပြည်ပ ခရီးစဉ်အနေနဲ့ ကိုယ့်ဘာသာကိုယ်ဆိုရင် ဘန်ကောက်နဲ့ မော်လ်ဒိုက်ကိုသွားချင်တယ်။ ကြော်ငြာတွေကလည်း ရိုက်ဖို့ အစီအစဉ်တော့ရှိပါတယ်။ ဘာဖြစ်လို့လဲဆိုတော့ အခု ဒီအခွေထဲမှာ တော်တော်ကုန်ထားတော့ အဲဒီအတွက် ပြန်ရှာရဦးမှာလေ။

မေး။  ။ အခုဒီအခွေ ထွက်တော့ရောအကျိုးအမြတ်ကိုဘယ်လောက်ထိမျှော်မှန်းထားမိလဲ။

ဖြေ။   ။ အကျိုးအမြတ်ဆိုတာထက် ပရိသတ် အားပေးမှုကို ပိုမျှော်လင့်ပါတယ်။ ဒါက နန်းသူဇာနဲ့ နန်းမြတ်ဖြိုးသင်းတို့ရဲ့ ဂီတလမ်းအစပေါ့နော်။ ဒီကနေပဲ ရင်းပြီးတော့ နန်းသူဇာတို့ ဂီတလမ်းကို လျှောက်ချင်တယ်။ အကျိုးဆိုရင်တော့ ဒီအခွေလေးကနေ နန်းသူဇာတို့ ပရိသတ်တွေ ပိုတိုးလာစေချင်တာပေါ့။ ပိုတိုးလာရင်လည်းအကျိုးအမြတ် ရတာပဲပေါ့။

မေး။   ။ နန်းသူဇာကိုမေးချင်သေးတာက အခုနောက်ပိုင်းအနုပညာရှင် တော်တော်များများ ပရဟိတ အလုပ်လေးတွေကို တတ်နိုင်သလောက် လုပ်လာကြတယ်။ နန်းသူဇာရော အဲလိုလုပ်ရတာကို စိတ်ဝင်စားလား။

ဖြေ။    ။ ဟုတ်ကဲ့။ ပရဟိတလုပ်ငန်းကို နန်းသူဇာက အခုမှ စိတ်ဝင်စားတာမဟုတ်ပါဘူး။ နန်းသူဇာတို့ ဒီ အနုပညာအလုပ်တွေကို မလုပ်ခင်ကတည်းက လုပ်ဖြစ်ခဲ့ပါတယ်။ နန်းသူဇာနဲ့ ရင်းနှီးတဲ့ သူငယ်ချင်းတွေ တော်တော်များများ သိကြပါတယ်။ British Council တက်တုန်းက နန်းသူဇာက CSI ဆိုတဲ့ အဖွဲ့ထဲကို ဝင်ထားပါတယ်။ အခုတော့ အဲဒီအဖွဲ့နဲ့ ပရဟိတလုပ်တဲ့အခါ သီချင်းတွေ ပါဝင်သီဆိုပါတယ်။ အရင်တုန်း ကတော့ ဆရာမလုပ်တယ်။ စာသင်ပေးခဲ့ဖူးတယ်။ ကိုယ်တတ်တဲ့ အင်္ဂလိပ်စာကိုသင်ပေးတာပါ။  British Council နဲ့ CSI က စာကြည့်တိုက်ထဲက စာအုပ်တွေကိုယူသွားပြီးတော့ တောင်ဒဂုံရယ်၊ ကျောက်တန်းဘက် တွေမှာစာသင်ပေးခဲ့ဖူးပါတယ်။ တော်တော်ကြာကြာ သင်ခဲ့ဖူးတာပါ။ အဲဒီတုန်းက နန်းသူဇာကို မချစ်စနိုးဦးနဲ့ ဆင်လို့ဆိုပြီးသူတို့ကတီချယ် ချစ်စနိုးဦးဆိုပြီးနာမည်တောင်ပေးထားတယ်။ အနုပညာအလုပ်တွေမလုပ်ခင်က ဆိုတော့ အဲဒီတုန်းက ဆရာမ လုပ်တော့မယ်တောင် စဉ်းစားခဲ့ဖူးတယ်။ သင်ဖြစ်ခဲ့တာကလည်း နန်းသူဇာတို့က AC (American Center) သွားလိုက်၊ BC (British Council) တက်လိုက်နဲ့ အဲဒီက CSI အဖွဲ့ သူငယ်ချင်းတွေနဲ့ တွေ့ပြီး အဲဒါကိုလည်း ဝါသနာပါလို့ လုပ်ဖြစ်တာလေ။ အဲဒီအဖွဲ့ကလည်း လူငယ်တွေပဲ စုထားတာဆိုတော့လေ။

မေး။   ။ နန်းသူဇာတို့လုပ်ခဲ့တာလူသိပ်မသိကြဘူးနော်။

ဖြေ။   ။ ဟုတ်ပါတယ်။  အဲဒီတုန်းကလည်းဒီလိုပရဟိတလုပ်တာ သိပ်ခေတ်မစားသေးတာလည်းပါတယ်ပေါ့။ နန်းသူဇာကမော်ဒယ်လ်ဖြစ်မှ ဒီဟာကိုစိတ်ဝင်စားလာတာမဟုတ်ပါဘူး။ အဲဒီတုန်းကတည်းက တကယ်စိတ်ဝင်စားပြီးလုပ်ဖြစ်ခဲ့တာ။

မေး။   ။ အဲဒီအဖွဲ့မှာရောအခုထိလုပ်အားပေး ဖြစ်သေးလား။

ဖြေ။  ။ ဟုတ်ကဲ့။ စာတော့ မသင်တော့ပေမယ့် CSI က ဟိုတလောက လုပ်တဲ့ပွဲမှာတော့ နန်းသူဇာ သီချင်းသွားဆို ပေးဖြစ်ပါတယ်။ နောက်ပြီးအဖွဲ့ကလုပ်တဲ့ပွဲတိုင်းမှာလည်းအလှူငွေ အမြဲထည့်ဖြစ်ပါတယ်။

မေး။  ။ ဒါနဲ့ နန်းသူဇာတို့အခွေကိုကူညီပေးတဲ့ ကျော်ထွဋ်ဆွေကိုရော ဘာပြောချင်သေးလဲ။

ဖြေ။   ။ စောစောက စာနယ်ဇင်းပွဲမှာ နန်းသူဇာတို့ကို ကူညီပေးဖို့ စာနယ်ဇင်းကိုပြောပေးတဲ့ ဆရာကြီး ကျော်ထွဋ်ဆွေကိုလည်းကျေးဇူးအရမ်းတင်ပါတယ်။ သူကအခွေမှာ နန်းသူဇာကျီ(ဂျီ)ကျသမျှကိုအကုန် လိုက်လုပ်ပေးတယ်။ အစစအရာရာ၊ အဆိုပိုင်းကအစ ကူညီပေးပါတယ်။ နန်းသူဇာ စိတ်ညစ်ရင်လည်း သူကလိုက်ပြီးစိတ်ညစ်ပေးတယ်။ အားပေးတယ်။ သူရဲ့ ကူညီမှုတွေကလည်းဒီအခွေမှာအများကြီးပါပါတယ်။

မေး။   ။ ဒီအခွေကိုဘယ်နေ့ဖြန့်မှာလဲ။ ဘာအစီအစဉ် တွေရှိလဲ။ အခွေနဲ့ ပတ်သက်ပြီး ပရိသတ်ကိုရော တခြားဘာပြောပြချင်သေးလဲ။

ဖြေ။   ။ ပရိသတ်ကိုလည်းလာပြီးအားပေးစေချင်ပါတယ်။ နန်းသူဇာတို့ နှစ်ယောက်စလုံးက မော်ဒယ်လ် လောကမှာလည်းအောင်မြင်ပြီးသားလူတွေဖြစ်တဲ့အတွက် ပရိသတ်တွေလာပြီးအားပေးမယ်လို့ထင်ပါတယ်။ နန်းသူဇာတို့ကို သီချင်းတွေလည်း အားပေးစေချင်ပါတယ်။ ပရိသတ်တွေ အများကြီးလာရင် ပိုပျော်မှာပါ။ လာရောက်အားပေးတဲ့ ပရိသတ်တွေလည်းပျော်အောင် နန်းသူဇာတို့ ကံစမ်းမဲတွေလည်း စီစဉ်ထားပါတယ်။ အခွေက အခုလ ဇန်နဝါရီ ၂၅ ရက်နေ့မှာ Dagon Center 2 မှာလက်မှတ်ရေးထိုး ပြီးရောင်းချပေးမှာပါ။


"အပတ်စဉ်ထုတ် ဧရာဝတီဂျာနယ် အတွဲ ၂ အမှတ်စဉ် ၄ မှ ကူးယူဖော်ပြသည်"

မင်းကွန်းရှာပုံတော်

0 comments


မန္တလေးမြို့ အနောက်မြောက်ဘက် ၇မိုင်အကွာ၊ စစ်ကိုင်းတိုင်းဒေသကြီး စစ်ကိုင်းမြို့နယ်အတွင်းမှာ မင်းကောင်ဆိုတဲ့ ရွာလေးကိုလွန်ခဲ့တဲ့ နှစ်ပေါင်းနှစ်ရာကျော် (၁၇၉၀ ခုနှစ်) မှာ အမရပူရ နန်းတည် ဘိုးတော်ဘုရားမင်း၊ မင်းမိဖုရား၊ သားတော်သမီးတော်များ ခေတ္တခိုနားရာနေရာအဖြစ် မင်းကွန်းလို့ ပြောင်းလဲခေါ်ဝေါ်ခဲ့ရာက အခုအခါမှာ ကမ္ဘာကျော် ရှေးဟောင်းအမွေအနှစ်ဒေသတခု ဖြစ်နေပြီဖြစ်တဲ့ မင်းကွန်းဒေသကို သွားရောက်လေ့လာခဲ့တဲ့ ပုံရိပ်တွေကိုဖော်ပြလိုက်တာပါ။

ကြက်ထောင့် ကန်တော်ကြီး

မင်းကွန်းရွာ တောင်ဘက် ခြောက်မိုင်အကွာမှာ တည်ရှိတဲ့ ကြက်ထောင့်ကန်ကြီးဟာ ခရစ်နှစ် ၁၈၁၇ မှာတည်ဆောက်ခဲ့ပြီး လာမယ့် ၂၀၁၇ ဆိုရင် နှစ်ပေါင်းနှစ်ရာပြည့်ပြီဖြစ်ပါတယ်။  ဘိုးတော်ဘုရား ကိုယ်တိုင် ကန်ဘောင်ရိုး၊ တံတိုင်း၊ မုခ်တိုင်၊ ကျောက်လှေကားများ အပြည့်အစုံ ထည့်သွင်း တည်ဆောက်ထားပြီး အကျယ်ပေ ၄၂၀၊အနက် ၃၁ပေ ရှစ်လက်မရှိတဲ့ ကန်ကြီးတကန် ဖြစ်ကာ ခရီးသွားတွေ လေ့လာဖို့သင့်ပေမယ့် ကပ်ကျော်ဖြစ်နေလေ့ရှိတဲ့ တိမ်မြှပ်နေသော  ကန်ကြီးတစ်ခု လည်းဖြစ်ပါတယ်။ ဒါ့အပြင်  မင်းကွန်းဒေသကြီးရဲ့ ကြီးငါးကြီးစာရင်းဝင် သမိုင်းအမွေအနှစ် တခုလည်းဖြစ်ပါတယ်။

ဓာတ်ပုံများ - ဖိုးစမ်းချောင်း(GG)

မင်းကွန်းပုထိုးတော်ကြီး

မြန်မာသက္ကရာဇ် ၁၁၅၂ ခု တပို့တွဲလဆန်း ၅ရက်(ခရစ်နှစ် ၁၇၉၀)တွင် စတင်အုတ်မြစ်ချ တည်ဆောက်ခဲ့တဲ့ မင်းကွန်းပုထိုးတော်ကြီးဟာ မူလက ပေငါးရာအမြင့် တည်ဆောက်ရန် ရည်ရွယ်ခဲ့သော်လည်း တဝက်တပျက်နဲ့ ရပ်နားခဲ့ရပါတယ်။ ပုထိုးတော်ကြီးပြီးဆုံးအောင် မတည်ဆောက်ခြင်းနဲ့ပက်သက်လို့ ဘုရားလည်းပြီး၊ ပြည်ကြီး လည်းပျက်ဆိုတဲ့ တဘောင်ကြောင့် ဘိုးတော်ဘုရားက ပြီးဆုံးအောင် တည်ဆောက်ခြင်း မရှိခဲ့သည် ဆိုတဲ့ အယူအဆဟာ ရေပန်းအစားဆုံးဖြစ်ပါတယ်။ စတုရန်းပေ ၄၅၀ ကျယ်ဝန်းပြီး အမြင့် ၁၂၆ ပေ ရှိတဲ့ ပုထိုး တော်ကြီးကို အောက်ခြေမြေသား မခိုင်ခံ့မှုကြောင့် ပုထိုးတော်ကြီး တည်ဆောက်မှုလုပ်ငန်းစဉ်အား ရပ်နားခဲ့ခြင်း ဖြစ်နိုင်တယ်ဆိုတဲ့ အယူအဆဟာလည်း စဉ်းစားစရာဖြစ်ပါတယ်။

ဘုရားကိုယ်ထည်မှာ ကြေးကွင်းကြီးများ ပက်ကာတည်ဆောက်ထားပေမယ့် လွန်ခဲ့တဲ့ နှစ်ပေါင်း ၁၇၀ကျော် (ခရစ်နှစ် ၁၈၃၈) မှာ လှုပ်ခတ်ခဲ့တဲ့ ငလျဉ်ဒဏ် ကြောင့် အက်ကွဲပြိုကျမှုတွေ ဖြစ်ပေါ်ခဲ့ရပေမယ့်လည်း ကြီးကျယ်ခမ်းနားစွာ တည်ရှိနေဆဲပါ။




အုတ်ချပ်ရေ ရှစ်သိန်းဖြင့်တည်ဆောက်ခဲ့တဲ့ ၉၅ ပေ အမြင့်ရှိတဲ့ ခြင်္သေကြီး နှစ်ကောင်မှာမူ ငလျဉ်ဒဏ်ကြောင့် အခုအခါ ရှေ့လက်နှစ်ဘက်၊ ခါးရိုးနဲ့ တင်ပါးဆုံရိုးသာ ကျန်ရှိပါတော့တယ်။




(ခရစ်နှစ် ၁၈၀၈) က ကြေးချိန်ပိဿာပေါင်း ၅၅၅၅၅ ဖြင့် သွန်းလုပ်ခဲ့တဲ့ တန်ချိန် ၉၀ ဒဿမ ၅၂ တန်ရှိ မင်းကွန်းခေါင်းလောင်းတော်ကြီးကတော့ ကမ္ဘာပေါ်မှာ ထုထည်အားဖြင့် တတိယအကြီးဆုံးအဖြစ် နေရာ ယူထားဆဲသာဖြစ်ပြီး တီးခတ်လို့ ရနိုင်တဲ့ ခေါင်းလောင်းအမျိုးအစားတွင်မူ ကမ္ဘာ့အကြီးဆုံး ခေါင်းလောင်းလည်း ဖြစ်ပါတယ်။ ခေါင်းလောင်းကြီး တီးခတ်သံကို တမိုင်ပတ်လည်အတွင်း ကောင်းမွန်စွာကြားနိူင်ပါတယ်။




မင်းကွန်းခေါင်းလောင်းကြီးအား နန်းတော်ကျွန်းရွာ အရှေ့တောင်ဘက်၊ စွန်းလွန်းရွာ(ရှေးအခေါ် သွန်းလွန်းရွာ)တွင် သွန်းလုပ်ခဲ့ပြီးနောက် ဝါဆိုဝါခေါင်ရေကြီးချိန်မှာ လက်ရှိ ခေါင်းလောင်းကြီး ထားရှိတဲ့နေရာ မင်းကွန်းတဖက်ကမ်းသို့ ကရဝိတ်ဖောင်တော်များ၊ ဆွဲလှေများဖြင့် သယ်ယူခဲ့စဉ်က နှစ်မြှပ်နေခြင်းလို့ ယူဆရတဲ့ ရှေးဟောင်းလှေကြီးတစ်စင်းဟာ ၂၀၁၅ ဇန်နဝါရီလဆန်းပိုင်းမှာ မင်းကွန်းပုထိုးတော်ကြီးနဲ့ မင်းကွန်း ဗုဒ္ဓဘာသာ လူအိုရုံတို့အကြား၊ အမှတ်(၁)ဖောင်တော်သီရေတင်စက်ရုံအရှေ့ဘက်၊ ဧရာဝတီမြစ်ကမ်းပါးနား တွင် ပေါ်ထွက်လာခဲ့ပြီး အဲ့ဒီလှေကြီးကို ဧရာဝတီမြစ်မှ ဆယ်ယူကာထိန်းသိမ်းသွားရန် ရှေးဟောင်းဌာနနှင့် မင်းကွန်းလေးဌာနီဂေါပကအဖွဲ့မှ စီစဉ်လျက်ရှိပါတယ်။ မြစ်ရေတက်နေတာကြောင့် လှေဦးပိုင်းကိုသာ ဓာတ်ပုံရိုက်ယူနိူင်ခဲ့ပြီး အရှည်အားဖြင့် ပေတစ်ရာကျော်ရှိမယ်လို့ ဒေသံတွေက ခန့်မှန်းပြောဆိုလျက်ရှိပါတယ်။




မူလအစက မင်းကွန်းဒေသတွင် ပုထိုးတော်ကြီး၊ ကန်တော်ကြီး၊ခေါင်းလောင်းကြီးနဲ့ ခြင်္သေ့ကြီးဆိုပြီး ကြီးလေးကြီးသာ ရှိခဲ့ပေမယ့် ပိဋကတ်သုံးပုံ ပါဠိတော်အုပ်ရေ(၂၀)၊ စာမျက်နှာပေါင်း ၈၀၂၇ သာမက ပိဋကတ်သုံးပုံ အဠကထာ၊ ဋီကာစာအုပ်ပေါင်း (၂၄)အုပ်၊ စာမျက်နှာပေါင်း ၉၉၃၄ မျက်နှာတို့ကို အာဂုဏ်ဆောင်နိုင်ခဲ့တဲ့ မင်းကွန်းတိပိဋကဓရ ဆရာတော်ဘုရားကြီး ပေါ်ပေါက်လာခဲ့ပြီးနောက် နောက်ထပ်ကြီးတစ်ကြီး ထပ်တိုးကာ ကြီးငါးကြီး ဖြစ်လာခဲ့တာပါ။ မင်းကွန်းတိပိဋကဓရ ဗိမာန်တော်ကြီး အတွင်းတွင် ဆရာတော်ကြီးရဲ့ ကြေးသားရပ်တော်မူပုံကို ထုလုပ်ပူဇော်ထားပါသည်။




ကန်တော်ကြီးနဲ့ ပက်သက်လို့ မူကွဲတခုရှိပြန်ပါသေးတယ်။ မင်းကွန်းပုထိုးတော်ကြီး အနောက်ဘက်တွင် တောင်ကုန်းများ၊ ကမူများကို မြေဖို့ကာ တည်ထားခဲ့တဲ့ တဖက်ဆည်ကန်ကြီးတစ်ခုရှိပြီး လွန်ခဲ့တဲ့ နှစ် သုံးလေးဆယ် အချိန်ကထိ အဲ့ဒီကန်ကြီးမှာ ရေများ၊ ကြာပန်းကြာခက်များရှိခဲ့ပါတယ်။

အဆိုပါ တဖက်ဆည်ကန်ကြီးရဲ့  နယ်နမိတ်မှာ တောင်ဘက်တွင် မင်းကွန်းပုထိုးတော်ကြီးဖြစ်ပြီး မြောက်ဘက်တွင် မြသိန်းတန် စေတီတော်ကြီးဖြစ်တယ်လို့ဆိုပါတယ်။ စစ်ကိုင်းတောင်ရိုးပေါ်မှ အရှိန်ပြင်းပြင်းဖြင့် ကျလာတဲ့ တောင်ကျချောင်းရေများ၊ သဲများကြောင့် ပုထိုးတော်ကြီး၊ ခေါင်းလောင်ကြီး ၊ခြင်္သေ့ကြီးတို့ မပျက်စီးစေရန် အလို့ငှာအတားအဆီးအနေဖြင့် တည်ဆောက်ခဲ့ခြင်းဖြစ်တယ်လို့လည်း ပြောဆိုမှုများရှိပါတယ်။ ပုထိုးတော်ကြီးရဲ့ အနောက်ဘက် မလှမ်းမကမ်းတွင် ကန်ဘောင်သဖွယ်ဖြစ်နေတဲ့ ကုန်းတန်းလေးတခုရှိပြီး ယင်းကုန်းတန်းရဲ့ အရှေ့တောင်ထောင့်တွင် ဘိုးတော် ဦးဝိုင်းလက်ထပ် သက်တော်ရှည်ပညာရှိ အမတ်ကြီး ဦးပေါ်ဦး တည်ထားကိုးကွယ်ခဲ့တဲ့  ကန်တော်ဦးစေတီလို့ ကမ္ဗည်းထိုးထားတဲ့ စေတီတဆူကိုဖူးမြင်ရပါတယ်။




ယင်းစေတီတည်ရှိရာကုန်းရိုးအနောက်ဘက်ကို ဆက်သွားကြည့်ရင် ယခင်က ရေကန်တစ်ခုဖြစ်နိုင်ဖွယ်ရှိတဲ့ ပြန့်ပြူး လှသောကွင်းပြင်ကျယ်ကြီးကို မြင်တွေ့ရပါတယ်။




သို့သော်လည်း ယင်းတဖက်ဆည်ကန်ကြီးနဲ့ ပက်သက်တဲ့ ကျောက်စာစသည့် သမိုင်းဆိုင်ရာ ခိုင်မာတဲ့ အထောက်အထားများ ရှာမတွေ့ခဲ့သလို ဒေသခံအများစုပင် ယင်းရေကန်ကြီး တည်ရှိသည်ကို မသိကြတော့ပါ။

အဆိုပါ တဖက်ဆည်ကန်ကြီးဟာ ဘယ်နေရာမှာ အဆုံးသတ်လဲဆိုတာကို လိုက်ရှာရန်အတွက် အနောက်ဘက်သို့ ဆက်လက်ခရီး နှင်လာခဲ့ရာ တမိုင်ခန့် အရောက်တွင် အရိပ်အာဝါသ ကောင်းမွန်လှသော ဘုန်းကြီးကျောင်းကြီးတစ်ခုကို တွေ့လိုက်ရပါတယ်။ ယင်းဘုန်းကြီးကျောင်းကြီးအတွင်းတွင် ဗဟိုရ်စည် သတင်းစာတိုက်ပိုင်ရှင် ဦးအေးမောင် တည်ထားခဲ့သော အောင်ချမ်းသာစေတီကို ဖူးမြော်ရတဲ့အခါ ရှေးခေတ် သတင်းစာတိုက်ပိုင်ရှင်များ ဘုရားတည်ကျောင်းဆောက် လှုဒါန်းနိုင်ပုံနဲ့ ဒီကနေ့ခေတ် ပုဂ္ဂလိကသတင်းစာ၊ ဂျာနယ်တိုက်များအရှုံးပေါ်နေပုံကို နှိုင်းယှဉ်မိပါတော့တယ်။ အောင်ချမ်းသာစေတီတော် တည်ထားရာ ကုန်းမြင့် အနောက်ဘက်ရှိ ကုန်းရိုးအတိုင်းဆက်သွားရင် ရုပ်ရှင်မင်းသားနောင်နောင်ရဲ့ အဖိုးဖြစ်သူ လှုဒါန်းခဲ့သော ရွှေမန်း မိုးရေခံကန်ကြီးကို တွေ့ရပါတယ်။




အဲ့ဒီ ကန်ကြီးအတိုင်းဆက်သွားပြီးနောက် တောင်ဂမူ တစ်ခုပေါ်မှ ပုထိုးတော်ကြီးဘက် လှမ်းမျှော် ကြည့်လိုက်ရင် ဦးပေါ်ဦး ဘုရားမှာ ကန်ထောင့်တွင် တည်ရှိနေပြီး ယင်းဘုရား အနောက်ဘက်ရှိ တောင်ကုန်း၊ ကမူများမှာ ကန်ဘောင်သဖွယ်ဖြစ်နေသည်ကို တွေ့ရပါတယ်။ သမိုင်းသုတေသီများ ဆက်လက် သုတေသန ပြုလုပ်နိုင်ရန်အတွက် ရေးသားဖော်ပြလိုက်ရပါတယ်။

ဖိုးစမ်းချောင်း(GG)




ကိုးကား။ ။ သမိုင်းဝင် မင်းကွန်း(စစ်ကိုင်းသူရ)

မင်းကွန်းဆောင်းပါးများ(ရွှေကိုင်းသား)

မင်းကွန်းမြေမှ ကမ္ဘာကျော် ကြီးငါးကြီး (အရှင်စန္နဇောတိ-ပါဠိပါရဂူ၊ပိဋကတ်တစ်ပုံဆောင်)နဲ့ ဒေသခံများ
 


Audi ရဲ့ ရောင်းအားအကောင်းဆုံး A4 နဲ့ Toyota ရဲ့ လူကြိုက်များတဲ့ Sedan Camry

Monday, January 26, 2015 0 comments


လက်ရှိဈေးကွက်ထဲမှာတော့ Audiရဲ့ A4မော်ဒယ်ကလူကြိုက်အများဆုံး Sedanလို့တောင် ဆိုနိုင်လောက်အောင် အောင်မြင်နေတဲ့ မော်ဒယ်တခုပါ။  ပြိုင်ဖက်ဖြစ်တဲ့ BMWနဲ့ Mercedes တွေရဲ့ မော်ဒယ်တွေ ဈေးမြင့်နေချိန်မှာ စွမ်းဆောင်ရည် ကောင်းကောင်းနဲ့ ဈေးနည်းနည်းဖြစ်အောင် ရောင်းနိုင်တာမို့ လူကြိုက်များနေတာ ဖြစ်ပါတယ်။ ဒီနေရာမှာ Audiရဲ့ မော်ဒယ်နဲ့ Toyota ရဲ့ မော်ဒယ် နှိုင်းစာပေးလိုက်တာက ပုံမှန်ဆိုရင်တော့ မဖြစ်သင့်ပေမယ့် ဈေးနှုန်းပိုင်းအရမှာ သိပ်မကွာတာကြောင့် ယှဉ်ကြည့်ပေးလိုက်တာပါနော်။ Camryကတော့ လက်ရှိ အမေရိကန်ဈေးကွက်မှာ လူကြိုက်များနေတာတွေ့ရပြီး Honda ရဲ့ Accord လိုမော်ဒယ်ကိုတောင် ဈေးကွက်ယှဉ်နိုင်နေတာကိုတွေ့ရလို့ သူလည်းခေတဲ့ မော်ဒယ်တခုတော့ မဟုတ်ပါဘူး။ ကောင်းပါပြီ၊ ဒါဆို အခုရောင်းအားရော လူကြိုက်များမှုအပိုင်းမှာပါ ဆရာကျနေတဲ့ မော်ဒယ်နှစ်ခုကို ကျွန်တော်တို့ နှိုင်းစာကြည့်လိုက်ရအောင်ပါ။



 
A4 (ဓာတ်ပုံများ - edmunds.com)


 အားသာချက်

Compactတန်းဝင် ပြိုင်ဖက်မော်ဒယ်တွေနဲ့ နှိုင်းစာမယ်ဆိုရင် A4က ကိုယ်ထည်ပိုင်း မာကျောကောင်းမွန်တာတွေ့ရပြီး Crash Testမှာရလဒ်ကောင်းတွေ ပိုင်ဆိုင်ထားတာတွေ့ရပါတယ်။ နောက်တချက်ကတော့ ဆီစားနှုန်းအပိုင်း ဖြစ်ပြီးတော့ ဂျာမနီထုတ် မော်ဒယ်တွေက အမေရိကန်ကားတွေလိုပဲ ဆီစားနှုန်းများတတ်ပေမယ့် အခု A4 ကတော့ ဆီစားနှုန်း သက်သာကောင်းမွန်တာ တွေ့ရပါတယ်။ နောက်တချက်ကတော့ Handling အပိုင်းပါ။ Sport ဆန်တဲ့ မော်ဒယ် မဟုတ်ပေမယ့် Sport ဆန်တဲ့ Handling စနစ်ကိုသုံးပြီးတည်ဆောက်ထားတာတွေ့ရပါတယ်။ Camryကတော့ အင်ဂျင်အပိုင်းကိုပဲ ကြည့်ဦး၊ လေးလုံးထိုးအင်ဂျင်ဆိုတာက တန်ကြေးသင့် ကားတစ်စီးအတွက် အထူးအဆန်း မဟုတ်ပေမယ့် လေးလုံးထိုး အတန်းအစားထဲမှာ အကြီးဆုံးအရွယ်အစားကို တပ်ဆင်ထားတယ်ဆိုတာက V Series တွေကိုအံတုချင်လို့များလားအောက်မေ့စရာ ရှ်ိပါတယ်။ ဘယ်လိုရည်ရွယ်ချက်နဲ့ပဲ ဖြစ်ဖြစ်၊ သေချာတာကတော့ V Series အင်ဂျင်တွေ နီးနီးလောက်ကိုစွမ်းအင်ထွက်ရှိမှု ကောင်းလှပါတယ်။ နောက်ပြီး ဆီစားနှုန်းအပိုင်းကလည်း နည်းပညာ မြင့်မြင့်၊ သင့်သင့်ကိုသုံးထားပြန်တော့ လေးလုံးထိုး အင်ဂျင်ချင်းယှဉ်ကြည့်ရင် နည်းနည်းများတယ်လို့ ဆိုရမှာဖြစ်ပေမယ့် အရွယ်အစားကို ပြန်ထောက်ရင်တော့ ကောင်းတယ်လို့ မှတ်ချက်ပေးချင်ပါတယ်။

အားနည်းချက်

A4ရဲ့ အားနည်းချက် အပိုင်းမှာတော့ အတွင်းဖက် အပြင်အဆင်တွေနဲ့ Control တွေရဲ့ ဒီဇိုင်းနဲ့ အသုံးပြုရမှုတွေက ခေတ်နည်းနည်းကျန်နေခဲ့တာတွေ့ရသလိုဆွဲဆောင်မှု အားနည်းတာလည်းတွေ့ရပါတယ်။ နောက်တချက်ကတော့ အမြန်နှုန်းမြှင့်တင်မောင်းနှင်နိုင်မှု ဖြစ်ပြီးတော့ Transmission အပိုင်းမှာ CVT Auto စနစ်နဲ့ ဖြစ်တာကြောင့် တခြားတန်းတူအင်ဂျင်တပ် မော်ဒယ်တွေနဲ့စာရင် အနည်းငယ်နှေးတာတွေ့ရပါတယ်။ Camryမှာက အရင်ဆုံး Steering အပိုင်းကိုပြောချင်ပါတယ်။ ဒီဇိုင်းပိုင်းက Sport မဆန်တဲ့အပြင်လက်ကိုင်အပိုင်းကလည်းပုံမှန် Sportဆန်တဲ့ လက်ကိုင် စနစ်တွေထက် အနည်းငယ် လေးလံတာကြောင့် အားနည်းချက် ဖြစ်နေစေပါတယ်။ အဲတခုတော့ ရှိပါတယ်။ SE မော်ဒယ်ခွဲကတော့ ထူးထူးခြားခြားဆိုသလိုအခြားမော်ဒယ်ခွဲတွေနဲ့ စာရင် လက်ကိုင်ပိုင်း ပိုမိုကောင်းမွန်တာ တွေ့ရပါတယ်။

ကိုယ်ထည်ပိုင်း

A4 ဆိုတာက Compact တန်းဝင် ဆီဒင်အမျိုးအစားမော်ဒယ် ဖြစ်ပြီးတော့ ခရီးသည် ငါးယောက်လိုက်ပါစီးနင်းနိုင်မှာ ဖြစ်ကာအရောင်အပိုင်းမှာတော့ စုစုပေါင်း ၁၂ရောင်ထိအောင် ရနိုင်မှာဖြစ်သလိုအတွင်းဖက် အပြင်အဆင်က ၁၀မျိုးထိအောင် ထုတ်လုပ်ထားတာတွေ့ရပါတယ်။ ကိုယ်ထည်ရဲ့ အရွယ်အစားအပိုင်းမှာတော့ အလျား ၁၅ပေနဲ့ ၅.၁လက်မရှိမှာ ဖြစ်ပြီးတော့ မျက်နှာစာအကျယ်က ၅ပေနဲ့ ၁၁.၉လက်မရှိမှာ ဖြစ်ပါတယ်။ ကားရဲ့ အမြင့်ကတော့ ၄ပေနဲ့ ၈.၂လက်မရှိမှာ ဖြစ်ပြီး Ground Clearanceကတော့ Cityအတွက် ထုတ်လုပ်ထားတဲ့ မော်ဒယ် ဖြစ်တာကြောင့် ၅လက်မနီးပါးပဲရှိမှာ ဖြစ်ပါတယ်။ Camryကျတော့ အပြင်အရောင် အပိုင်းမှာစုစုပေါင်း ၉ရောင် ရနိုင်ပြီးအတွင်းပိုင်းမှာကအထည်သားကိုပဲဦးစားပေးဖန်တီးထားတဲ့ အပြင်အဆင် ဒီဇိုင်း ၃မျိုးရနိုင်ပါတယ်။ ကိုယ်ထည်ရဲ့ အရွယ်အစားကို ကြည့်မယ်ဆိုရင် အလျား ၁၅ပေနဲ့ ၉လက်မကျော်ကျော်၊ မျက်နှာစာအကျယ်က ၆ပေကိုနည်းနည်းလေးပဲလျော့မယ်၊ အမြင့်ကတော့ ၄ပေနဲ့ ၁၀လက်မကိုတစိတ်ပဲလျော့တယ် ဆိုတော့ ၄ပေ ၁၀လက်မပေါ့ဗျာ။ကိုယ်ထည်နဲ့ မြေပြင်ရဲ့ ကင်းလွတ်ပမာဏက ၆လက်မစွန်းသေးတယ် ဆိုတော့ Off-Roadလည်းရနိုင်ပါတယ်။

အင်ဂျင်ပိုင်း

A4ရဲ့ အင်ဂျင်စနစ်ကအလေးချိန် ပေါင် ၃၅၀၀ကျော်ရှိမယ့် မော်ဒယ်အတွက် ၂.၀လီတာသုံးပုံမှန် လေးလုံးထိုးအင်ဂျင်ကိုတပ်ဆင်ထားတာတွေ့နိုင်ပြီး Compactတန်းဝင် မော်ဒယ်အတွက်ဆိုရင်တော့ ၂.၀လီတာသုံးအင်ဂျင်ကအရွယ် နည်းနည်း ကြီးနေသေးတယ်လို့ ပြောရမှာပါ။အင်ဂျင်ရဲ့ ရုန်းအားကိုကြည့်မယ်ဆိုရင် ၂၅၈ပေ-ပေါင် ရှိမှာ ဖြစ်ပြီးစွမ်းအင်ထွက်ရှိမှုကတော့ မြင်းကောင်ရေ ၂၂၀အား ဖြစ်လို့ စွမ်းအင်ထွက်ရှိမှုတော့ အားနည်းတာတွေ့ရပါတယ်။ ဒါပေမယ့် ရှေ့ဘီးယက်စနစ်နဲ့ ဖန်တီးထားတာကြောင့် ရုန်းအားများများစွမ်းအင်အသုံးနည်းနည်းမော်ဒယ် ဖြစ်အောင် တည်ဆောက်ထားပုံရပါတယ်။ အင်ဂျင်ရဲ့ တစ်မ်ိနစ် အမြန်ဆုံးလည်ပတ်နိုင်မယ့်နှုန်းကအပတ်ရေ ၄၄၅၀ထိအောင်ပဲ ဖြစ်တာကြောင့် ဆီစားနှုန်းတော့ နည်းမှာဖြစ်ပါတယ်။



Sedan Camry




Camry ကတော့ ၂.၅လီတာသုံး ပုံမှန် လေးလုံးထိုးအင်ဂျင် ဖြစ်ပြီးတော့ ဒီအရွယ်အစားကလေးလုံးထိုးအတန်းအစားထဲမှာတော့ အကြီးဆုံးတန်းဝင်ပါပဲ။ အင်ဂျင်ရဲ့ လည်ပတ်အားတမိနစ်ကိုအပတ်ရေ ၄၁၀၀မှာရုန်းအားက ၁၇၀ပေ-ပေါင် ရှိမှာ ဖြစ်ပြီးတော့ စွမ်းအင်ထွက်ရှိမှုက မြင်းကောင်ရေ ၁၇၈ကောင်အားပါ။ ဒီနှုန်း၊ ဒီအရွယ်အစား၊ ဒီပမာဏကကောင်းတယ်လို့လည်းမဆိုသာသလို၊ အားနည်းပါတယ်လို့လည်းပြောလို့ မဖြစ်သေးပါဘူး။ ဒီတော့ ဘယ်လိုပြောရင် ကောင်းမလဲ။ ကြားကျကျပေါ့ဗျာ၊ သင့်ပါတယ်ပေါ့။ အင်ဂျင်ရဲ့ အမြင့်ဆုံးလည်ပတ်နိုင်မယ့် အပတ်ရေကတမိနစ်ကို ၆၀၀၀ဆိုတော့ နည်းနည်းတော့များနေပါတယ်။

လောင်စာဆီ

A4ရဲ့ ဒီအပိုင်းကို ကြည့်မယ်ဆိုရင်တော့ Transmissionအပိုင်းက Continuously Variable Speed Automaticစနစ်နဲ့ ဖြစ်တာကြောင့် ဆီစားနှုန်းနည်းနည်းများနိုင်ပေမယ့် Driveအပိုင်းကရှေ့ဘီးယက်စနစ်နဲ့ ဖန်တီးထားသလိုအင်ဂျင်ကအရွယ်လည်းသေးပြီးလည်ပတ်အားလည်းနည်းတာကြောင့် ဆီစားနှုန်းကသက်သာနိုင်မှာ ဖြစ်ပါတယ်နော်။ A4ရဲ့ ပျမ်းမျှ ဆီစားနှုန်းကိုပြောရမယ်ဆိုရင်တော့ ဆီတဂါလံကိုပျမ်းမျှ ၂၈မိုင်ထိအောင် စီးနင်းနိုင်မှာ ဖြစ်ပြီးတော့ Cityအတွက်ဆိုရင် ဆီတဂါလံကို ၂၄မိုင်နှုန်းနဲ့ အဝေးပြေးလမ်းကြောင်းတွေပေါ်မှာ ဆိုရင်တော့ ၃၂မိုင်လောက် ထိအောင် စီးနင်းနိုင်မှာ ဖြစ်ပါတယ်။

Camryရဲ့ ပျမ်းမျှ ဆီစားနှုန်းက ဆီတဂါလံကို မိုင်၃၀တဲ့၊ ဟုတ်ပါ့မလား၊ တွေးစရာပါ။ ဘာကြောင့်လဲဆိုတော့ လေးလုံးထိုးအကြီးစားအင်ဂျင်တပ် မော်ဒယ်လေ။ဒါပေမယ့် ဟုတ်ပါတယ်။ပျမ်းမျှနှုန်းကမိုင်၃၀ပါ။ အင်ဂျင်က ကြီးတယ်၊ လည်ပတ်အား မြင့်တယ်၊ ဒါပေမယ့် တဖက်ကကြည့်တော့ ရှေ့ဘီးယက်စနစ် ဖြစ်တယ်၊ Autoစနစ်နဲ့ သွားတယ်၊ နောက်ပြီးရုန်းအားလည်းနည်းတယ်၊ နောက်ပြီးနည်းပညာလည်းကောင်းတယ်လို့ ဆိုရမှာပေါ့။ မြို့တွင်းလိုလမ်းကြောင်းတွေမှာဆိုရင် ဆီတဂါလံကို ၂၅မိုင်နဲ့ အဝေးပြေး လမ်းကြောင်းတွေမှာဆိုရင် ၃၅မိုင်ထိအောင် စီးနင်းနိုင်မယ်ဆိုတော့ လမ်းစုံအတွက် သင့်လျော်မှာပါ။

ဒါဆိုရင်တော့ နောက်ဆုံးစာပိုဒ်ကနေ ကျွန်တော်ကသုံးသပ်ချက်လေးထည့်ပေးလိုက်မယ်ဗျာ။ အရည်အသွေးကောင်းကောင်းနဲ့ လုံခြုံစိတ်ချရမှု မြင့်မားတဲ့ Luxuryတစီးကိုဝယ်ချင်တယ်။လိုချင်တယ်ဆိုရင် A4ကိုရွေးပါလို့။တကယ်လို့ ဆီစားလည်းမဆိုးလှသလိုစွမ်းဆောင်ရည် သင့်သင့်နဲ့ ဈေးနည်းနည်းမော်ဒယ်ကိုပဲရွေးမယ်ဆိုရင်တော့ Camryက အကောင်းဆုံးဖြစ်ပါလိမ့်မယ်။


လင်းထက် (IA)


"အပတ်စဉ်ထုတ် ဧရာဝတီဂျာနယ် အတွဲ ၂ အမှတ်စဉ် ၄ တွင် ဖော်ပြထားပါသည်။"

“အဲဒီခလုတ်ကိုတချက်လေးဖွင့်မိတာနဲ့တခန်းလုံးလင်းသွားလိမ့်မယ်”

0 comments


ခေတ်တိုင်းခေတ်တိုင်းမှာလူငယ်ဆိုတာသူတို့ဖြတ်သန်းရတဲ့ခေတ်အခြေအနေ၊ကြုံတွေ့ရတဲ့စီးပွားရေး၊နိုင်ငံရေးဘယ်လိုပဲကွာခြားကွာခြားမျှော်လင့်ချက်တွေ၊လန်းဆန်းတက်ကြွမှုတွေနဲ့နောင်တချိန်မှာလူကြီးဖြစ်ဖို့အားယူနေ ကြတဲ့သူတွေချည်းပါ။ လူငယ်တွေ လျှောက်တဲ့လမ်းမှာ ခေတ်ရေစီး အပြောင်းအလဲအတက်အကျတွေ တပါတည်းပါလာတတ်စမြဲဖြစ်ပါတယ်။ဒါကြောင့်လူငယ်တွေပြောတဲ့စကားတွေကနေတဆင့်ဒီနေ့ခေတ်ဘဝနေနည်းပုံစံကွဲလွဲမှု၊ခေတ်ရေစီးအပြောင်းအလဲစတာတွေကိုလေ့လာပြီးသူတို့ရဲ့အသံတွေကို The Irrawaddy ကအပတ်စဉ်ဖော်ပြနေပါတယ်။



ဓာတ်ပုံ - သီဟတိုး / The Irrawaddy


 လင်းထက်
အသက် ၂၃ နှစ်
တေးရေးဆရာ
Business Diploma
(FBS-Focus Business School) ရန်ကုန်မြို့။

ကျနော်က သီချင်းတွေရေးတဲ့ တေးရေး အလုပ်လုပ်တယ်။ လက်ရှိမှာ
ကျနော်ကြော်ငြာသီချင်းတွေ ရေးတယ်။ ငြိမ်းချမ်းရေးနဲ့ပတ်သက်တဲ့ သီချင်းတွေ လှုပ်ရှားနေတယ်။ သီချင်းခွေတွေမှာMusic နဲ့ ပတ်သက်တဲ့ Arrangement တွေကျနော်လုပ်နေတယ်။ သီချင်းရေးတဲ့ အလုပ်ကတော့ကျနော့်ရဲ့ အဓိက Majorပေါ့။

ကျနော့်ရဲ့အနာဂတ် အိပ်မက်စိတ်ကူးက အောင်မြင်တဲ့ တေးရေးဆရာတယောက် ဆိုတာထက်ပိုပြီး ပြည့်ပြည့်စုံစုံပြောရရင်တော့ Musician တယောက်၊ အောင်မြင်တဲ့ဂီတပညာရှင်တယောက် ဖြစ်ချင်တယ်။ ကျနော်က ဂီတဖန်တီးခြင်းအလုပ်တွေကို ပိုပြီးစိတ်ဝင်စားတယ်။ ကျနော်ကိုယ်တိုင် ရေးထားတဲ့သီချင်းတွေကို ကျနော်ကိုယ်တိုင်ဖန်တီးချင်တယ်၊ အဲဒါလေးကကျနော့်စိတ်ကူးပါ။

ကျနော် ကိုးတန်းကျောင်းသားဘဝလောက်မှာ သီချင်းစရေးခဲ့တာ။ အဲဒီတုန်းက ကျနော်တို့ ကျောင်းသားဘဝမှာ သူငယ်ချင်းတွေချည်း စုဖွဲ့ထားတဲ့ “Ice Cream” ဆိုတဲ့ Bandလေးတခုရှိတယ်။ အဲဒီ Band မှာ ကျနော်က Drumအဓိကတီးတယ်။ Drumတီးနေရင်းနဲ့မှ သီချင်းတွေလိုတယ်။ သီချင်းတွေ ရေးကြရင်းနဲ့ ကျနော်ရေးတဲ့ သီချင်းလေးက အဖွဲ့မှာသုံးဖြစ်တယ်။ အဲဒီကစပြီး ကျနော်သီချင်းရေးတာကို စပြီးစိတ်ဝင်စားလာတယ်။

နောက်ပိုင်းမှာ ကျနော်သီချင်းတွေ တောက်လျှောက်ရေးတယ်။ အဲဒီမှာ ဆီးဂိမ်းအားကစားပြိုင်ပွဲကြီး ရောက်လာတယ်။ ဆီးဂိမ်းမစမီကတည်းက ကျနော်က ကိုယ့်သီချင်းလေးကို ကွင်းကြီးထဲမှာဆိုရမယ်ဆို ကောင်းမှာပဲဆိုတဲ့မျှော်လင့်ချက်လေးတော့ရှိတယ်။ဒါပေမယ့်မမျှော်လင့်ရဲဘူး။ကိုယ်လေးစားရတဲ့တေးရေးဆရာတွေလည်းအများကြီးရှိတယ်။နောက်တခုက ကိုဓီရာမိုရ်လည်း ရှိတော့သူလုပ်မယ်ပဲ ထင်ထားတာ။ ဒါပေမယ့် ဆီးဂိမ်းပွဲကြီး အနီးကပ်လာတော့ ပြိုင်ပွဲကြီးတခုလုပ်တယ်။

အဲဒီမှာ ကျနော်စိတ်ဝင်စားသွားပြီး ဝင်ပြိုင်ရင်း ကျနော်မထင်ထားဘဲ သီချင်းပေါင်းမြောက်မြားစွာထဲကနေ အရွေးခံရတယ်။အဲဒါကျနော့်အတွက်ပထမဦးဆုံးဆုလည်းဖြစ်တယ်။ကျနော့်အတွက်ပိုပြီးအားဖြစ်လာတယ်။ အဲဒီကနေတဆင့် နောက်ပိုင်းမှာ ကျနော့်အတွက် အများကြီးအခွင့်အလမ်းတွေရလာတယ်။

အဲဒီသီချင်းလေးမှာလည်း ကိုထူးအယ်လင်း၊ မဆုန်သင်းပါရ်၊ ကိုဓီရာမိုရ်၊ ဒါရိုက်တာတွေ သရုပ်ဆောင်တွေ ကော အားလုံးက အားစိုက်ထည့်ပြီးလုပ်ပေးကြတဲ့အတွက်“ရောင်စုံဥယျာဉ်”ဆိုတဲ့ ဆီးဂိမ်းသီချင်းလေးက ပြည်သူတွေကြားမှာတကယ်ပေါက်သွားတယ်။ ဒီသီချင်းကို ကျနော်လေးစားရတဲ့ ဂီတပညာရှင် ကိုဓီရာမိုရ် ကိုယ်တိုင် Arrange လုပ်ပေးတဲ့အတွက် ကျနော်အရမ်းအားရကျေနပ်မိတယ်။ ကျနော်သီချင်းရေးတဲ့ပိုးက အဲဒီမှာစခဲ့တာပေါ့။

Music အပြင်တခြားဝါသနာပါတာတော့ ကျနော်အားကစားမှာ ရေကူးရတာဝါသနာပါတယ်။ Music ထဲမှာ ကျနော်ဘယ်ဂီတကိုကြိုက်လဲဆိုရင်အခုချိန်ထိတော့ ကျနော် Music ကို ဘောင်ခတ်ထားတာမျိုး မရှိဘူးဗျ။ ကျနော့်အရှေ့မှာရှိခဲ့တဲ့ နောင်တော်အစ်ကိုဆရာတွေ ကိုယ်တိုင်ကိုက အဲဒီလိုမျိုးဘောင်ခတ်ထားတာမျိုး မတွေ့ရဘူး။ နောက်တခုက Music ဆိုတာအရမ်းကျယ်ပြန့်တယ်။ ကျနော်တို့က အဲဒီကျယ်ပြန့်မှုကို သာမလိုက်နိုင်တာ။ဥပမာ - Hip Hop၊ Rap၊ Classic၊ Rock သူ့ဂီတအမျိုးအစားနဲ့သူ၊သူ့သက်တမ်းနဲ့သူရှိတယ်။

Musicကိုဘယ်ဂီတကိုကြိုက်လဲမေးရင်ကျနော်ကတော့ခံစားလို့ရတဲ့ အတိုင်းအတာ ပေါ်မူတည်တယ်။ Music ကို ကျနော်က ခံစားမှုရသအများဆုံးပေးနိုင်တဲ့ အရာ၊ ကျနော်ကအဲဒီလိုပဲခံယူတယ်။ Hip Hop သီချင်းကောင်း တပုဒ်ကကျနော့်ကိုခံစားမှုရသကောင်းတခုပေးနိုင်သလို Rock သီချင်းကလည်း ကျနော့်ကို ခံစားမှုရသ ကောင်းပေးနိုင်တယ်။

ကျနော်လက်ရှိလုပ်နေတဲ့ဂီတကတော့ Rock ဂီတအမျိုးအစားပါ။ Hip Hop ဂီတကိုတော့ ကျနော် မလုပ်တတ်လို့မလုပ်တာ။ ဒါပေမယ့် ကျနော်ခံစားပေးလို့တော့ရတယ်။ အခု ဗိုလ်ချုပ် ရာပြည့်မွေးနေ့ မတိုင်ခင်ထွက်ရှိမယ့်“ဗိုလ်ချုပ်အောင်ဆန်းနှစ်၁၀ဝ ပြည့်တေးသီချင်းသစ်များ” တေးစီးရီးအခွေမှာလည်းကျနော့်ရဲ့“အောင်ဆန်းမျိုးဟေ့ မြန်မာ”ဆိုတဲ့သီချင်းပါတယ်။

အဲဒီအခွေမှာ ပါဝင်ဖြစ်တာတော့ ဦးသူရ (လူရွှင်တော်ဇာဂနာ) တို့စီစဉ်တဲ့ “လွတ်လပ်ခြင်းအနုပညာ” ဆိုတဲ့ပွဲမှာ ဗိုလ်ချုပ်နဲ့ပတ်သက်တဲ့သီချင်းတွေပြိုင်ပွဲရှိတယ်ဆိုပြီးကျနော်ဝင်ပြိုင်ဖြစ်တာ။ ပထမကကျနော်ဆီးဂိမ်းမှာ ဆုရပြီးပြီဆိုတော့နောက်ထပ်ပြိုင်ပွဲတွေထပ်မပြိုင်တော့ဘူးဆိုပြီးတွေးထားတာ။ဒါပေမယ့်အဲဒီပြိုင်ပွဲမှာရွေးချယ်ခံရရင်ပေးမယ့် ဆုကအန်တီ (ဒေါ်အောင်ဆန်းစုကြည်) ကိုယ်တိုင်ပေးမယ့်ဆုဆိုတော့ ကျနော် ဝင်ပြိုင်ဖြစ်သွားတာပါ။

ကမ္ဘာမှာအန်တီပေးတဲ့ဆုဆိုတာလက်ချိုးရေလို့ရသေးတဲ့အနေအထားတခုဆိုတော့ကျနော်ဝင်ပြိုင်လိုက်တယ်။သီချင်းကိုတကယ်အားစိုက်ပြီးရေးခဲ့တယ်။အဲဒီမှာကျနော်အရွေးခံရပြီးဆုရခဲ့တယ်။အခုလိုဗိုလ်ချုပ်နှစ်တရာပြည့်အခွေမှာပါဝင်ခွင့်ရတဲ့အတွက်အရမ်းဝမ်းသာပါတယ်။ ဒါကလည်းသမိုင်းမှာမှတ်တိုင်တခုပဲလေ။ ဒီသမိုင်းမှာ ကျနော်ပါဝင်ခွင့်ရတဲ့အတွက်ဝမ်းလည်းဝမ်းသာသလိုဦးသူရ (ဦးဇာဂနာ) တို့ကိုလည်းအရမ်းကျေးဇူးတင်တယ်။

ကျနော် Inspire ဖြစ်တဲ့ထိပ်ဆုံးပုဂ္ဂိုလ်က ပြောရရင် လူသားထဲမှာ ဗိုလ်ချုပ်အောင်ဆန်းပါ။ ဗိုလ်ချုပ်ရဲ့ ရိုးသားမှုကတော့ ကြောက်ခမန်းလိလိပါပဲ။ နောက်တယောက်ကတော့ အန်တီစု (ဒေါ်အောင်ဆန်းစုကြည်) ပါ။ အန်တီစုက အပြောနဲ့အလုပ် ညီအောင်လုပ်နိုင်တဲ့သူမျိုး၊ အမှားနည်းအောင်နေတဲ့သူမျိုးလို့ကျနော်မြင်တယ်။ လူဆိုတာအမှားနဲ့တော့မကင်းကြဘူး။ ဒါပေမယ့်အမှားနည်းအောင်နေနိုင်တဲ့သူကခပ်ရှားရှား။ ဒါကြောင့် ကျနော်အန်တီစုကို Inspire ဖြစ်တယ်။ အန်တီ့ရဲ့ထက်မြတ်မှုမျိုးကိုလည်း ကျနော်သဘောကျတယ်။

Music လောကမှာဆိုရင်တော့ ကျနော်အရမ်းတန်ဖိုးထား အားကျရတဲ့ပုဂ္ဂိုလ်ဆိုရင် ကိုဓီရာမိုရ်ပါ။ ကျနော့်ဆရာဆိုလည်းဟုတ်တယ်၊အစ်ကိုလိုလည်းလေးစားရတယ်။တခြားသူတွေလည်းအများကြီးရှိတယ်။ပြောရင်တော့မကုန်ဘူး။ ဒါပေမယ့်ကျနော် Music လောကမှာတော့ အထူး အားကျလေးစားရတာကတော့ ကိုဓီရာမိုရ်ပါ။

ကျနော်လက်ရှိမှာ ဘယ်လိုကြိုးစားနေလဲဆိုတော့ အစတုန်းက Challenges တွေများတယ်။ အသိုက်အဝန်းတခုကို ရောက်လာတဲ့အချိန်မှာ၊ ကျနော်လူငယ်တွေကို ပြောချင်တာက ကျနော်တို့က အစပိုင်းမှာ အမှောင်ခန်းတခန်းမှာ ရောက်နေတယ်။ ကျနော်တို့ အဓိကရှာရတာခလုတ်တခုပါ။ အဲဒီခလုတ်က မှောင်မှောင်မည်းည်းထဲမှာရှာရတာသိပ်မလွယ်ဘူး။ အဲဒီခလုတ်ကိုဖွင့်မိဖို့လိုပါတယ်၊ အဲဒီခလုတ်ကို တချက်လေးဖွင့်မိတာနဲ့ တခန်းလုံးလင်းသွားလိမ့်မယ်။ တကြိမ်တခါတော့ ကျနော်တို့ အခွင့်အရေးတခုကို စောင့်ရပါမယ်။ အခွင့်အရေးဆိုတဲ့အရာတွေကို ကျနော်တို့က အမိအရယူနေရတာပေါ့။

အခု ဒီ၂၀၁၅ဆိုတဲ့ ဒီမိုကရေစီခေတ်ကာလ အချိန်အခါကို ရောက်လာတဲ့အချိန်မှာ ကျနော်တို့ လူငယ်တွေ အတွက် အခွင့်အရေး၊ အခွင့်အလမ်းတွေလည်းပေါလာပြီ။ အဲဒါကြောင့် လူငယ်တွေကို အခွင့်အရေးကို လက်မလွှတ်ဘဲ ကြိုးစားကြပါလို့ ကျနော်အားပေးတိုက်တွန်းပြောချင်ပါတယ်။ ကျနော်ကိုယ်တိုင်လည်း ကြိုးစားနေပါတယ်။ နယ်ပယ်ကဏ္ဍအသီးသီးမှာ ကြိုးစားနေကြတဲ့လူငယ်တွေအပေါ် ဘယ်လိုမြင်လဲဆိုတာအခွင့်အလမ်းတွေအရင်ကနဲ့မတူတော့ဘူး။အများကြီးပြောင်းလဲတိုးတက်လာတယ်။အခွင့်အလမ်းတွေများလာတယ်ဆိုတဲ့အပေါ်မှာ Wayတခု၊ Platform တခုတော့ရလာပြီ။ အဲဒီလမ်းကြောင်းပေါ်ကို ပြေးဖို့တော့လိုတယ်။

အလုံးစုံ၊ဘက်ပေါင်းစုံကနေကျနော်တို့တိုင်းပြည်ပွင့်လင်းလာတယ်လို့တော့ကျနော်မဆိုလိုဘူး။ ဒါပေမယ့်အနည်းအကျဉ်းတော့ အခွင့်အရေးအလင်းရောင်ခြည်တွေ ကျနော်တို့ရနေပြီ။ အဲဒါကို ကျနော်တို့ အသုံးချတတ်ဖို့ပဲလိုတယ်။ အရင်တုန်းကဘာမှမရှိတာထက်စာရင် မရှိဘူးလို့ ပြန်ပြောနေမယ့်အစား ရှိတဲ့ အလင်းရောင်အနည်းငယ်ကိုအသုံးချပြီးရှေ့ဆက်သွားမယ်ဆိုရင် တိုင်းပြည်အတွက်ပိုပြီးအဆင်ပြေမယ်လို့ ကျနော် မြင်တယ်။


သီဟတိုး


"အပတ်စဉ်ထုတ် ဧရာဝတီဂျာနယ် အတွဲ ၂ အမှတ်စဉ် ၄ မှ ကူးယူဖော်ပြသည်"

ပလေးဘွိုင်းသန်းနိုင်ရဲ့ ရွှေရတု ဂီတဖျော်ဖြေပွဲ

0 comments



ဓာတ်ပုံ - ဟိန်းထက်/ ဧရာဝတီ

 အဆိုတော် ပလေးဘွိုင်းသန်းနိုင်ရဲ့ အနုပညာသက်တမ်း နှစ် ၅၀ ပြည့် အမှတ်တရအဖြစ် 50th Golden Jubilee Gold Flavour လို့ အမည်ပေးထားတဲ့ ဂီတဖျော်ဖြေပွဲတခုကို အဆိုရှင်ပေါင်းများစွာနဲ့အတူ ဒီလကုန်ပိုင်းမှာ ကျင်းပ ပြုလုပ်သွားမယ်လို့ သိရပါတယ်။ အဲဒီအကြောင်းစာနယ်ဇင်းရှင်းလင်းပွဲကို ဇန်နဝါရီ ၂၂ ရက်နေ့ နေ့လယ်ပိုင်းက Central Hotel မှာ ပြုလုပ်ခဲ့ပြီးအခု ပြုလုပ်မယ့် ဂီတဖျော်ဖြေပွဲဟာ သူရဲ့ နောက်ဆုံး စီစဉ်သီဆိုတဲ့ ပွဲလည်း ဖြစ်သွား နိုင်တယ်လို့ အဲဒီပွဲမှာ အဆိုတော်ကြီး ပလေးဘွိုင်းသန်းနိုင်က ပြောပါတယ်။

အဆိုပါ ဂီတဖျော်ဖြေပွဲကို ရန်ကုန်မြို့၊ မြို့မကျောင်းလမ်းရှိအမျိုးသားကဇာတ်ရုံမှာ ဇန်နဝါရီ ၃၀ ရက်နေ့၊ ညနေ၇နာရီအချိန်တိတိမှာ စတင်ဖျော်ဖြေပေးသွားမှာဖြစ်ပြီး တေးသီချင်းပေါင်း၆၀ ကျော်ကိုအဆိုတော် ၃၀ကျော်နဲ့အတူအားရပါးရဖျော်ဖြေပေးသွားမှာ ဖြစ်ပါတယ်။အရင်ပြုလုပ်ဖူးတဲ့ ဂီတပွဲတော်တွေထက်  အဆိုတော်တွေပိုပြီး စုံစုံလင်လင်ပါဝင်မယ့် ဂီတပွဲလည်း ဖြစ်တယ်လို့ သိရပါတယ်။

ဒီပွဲမှာ 21st Century Play Boy, Emperor, Noon တေးဂီတအဖွဲ့တွေနဲ့အတူ ပါဝင်သီဆိုကြမယ့် အဆိုရှင် တွေကတော့ ဗစ်တာခင်ညို၊ ဘိုဘိုဟန်၊ စိန်ဝင်းထွန်း၊ ခိုင်ထူး၊ ခင်မောင်ထူး၊ ဇော်ဝင်းရှိန်၊ ဇော်ဝင်းထွဋ်၊ ဂျေမောင်မောင်၊ ချစ်ကောင်း၊ ဂျက်မြသောင်း၊ ရင်ဂို၊ ဘိုဘို၊စည်သူလွင်၊ ဇော်ထက်ဟန်၊ ဖရန်ကို၊ ဖြိုးကြီး၊ ထွန်းထွန်း (Example)၊ ဟဲလေး၊ ငဲငယ်၊ တင်အောင်မိုး၊ ပီတာဘသိန်း၊ ပြည့်ဖြိုးမောင်၊အယ်လ်ခွန်းရီ၊ မေဆွိ၊ မေခလာ၊ စိမ်းမို့မို့၊ ဟေမာနေ၀င်း၊ ကော်နီ၊ သျှီ၊ ယုဇနနဲ့ အိုင်းရင်းဇင်မာမြင့်တို့ ဖြစ်ပြီးဂီတသက်တမ်း နှစ်ငါးဆယ်ကျော်ရှိပြီဖြစ်တဲ့ ပလေးဘွိုင်းသန်းနိုင်က အရင်ပွဲတွေမှာ မဆိုဖူးသေးတဲ့ တေးသီချင်းတွေကိုလည်း အခုပြုလုပ်မယ့် ဂီတဖျော်ဖြေပွဲမှာ ထည့်သွင်းသီဆိုဖျော်ဖြေပေးသွားမှာ ဖြစ်တယ်လို့ ဆိုပါတယ်။

သူ့ရဲ့ဂီတဖျော်ဖြေပွဲနဲ့ ပတ်သတ်ပြီးအဆိုတော် ပလေးဘွိုင်းသန်းနိုင်က
“ဒီပွဲမှာကျနော်ဆိုမယ့် ပုံစံကရင်ထဲကနေ၊ အသည်းနှလုံးထဲကနေဆိုမှာပါ။ ကျနော် သီချင်းဆိုလာတဲ့ နှစ်ပေါင်း ငါးဆယ်ကျော်အတွင်းမှာရခဲ့တဲ့ အတွေ့အကြုံတွေနဲ့ပေါ့၊ နှစ်ပေါင်းငါးဆယ်ကျော် ကိုယ်က ဆိုလာတော့ အခုချိန်မှာ ခံစားချက် အပြည့်အ၀ကို ခံစားနိုင်တဲ့ ဖီလင်နဲ့ အမျိုးမျိုးကိုဆိုနိုင်တယ်။ ကျနော်ရဲ့ ဘ၀သက်တမ်း တလျှောက်လုံးမှာ ခံစားချက်ပိုင်းဆိုင်ရာရော၊ အသံရောအမြင့်ဆုံးလို့ ပြောနိုင်ပါတယ်။ လေ့လည်းလေ့ကျင့်ထားပါတယ်။ ဒါပေမယ့် သီချင်းတွေကသိပ်များပြီးမဆိုဖူးတဲ့ သီချင်းတွေပါ ဆိုမှာဖြစ်တဲ့အတွက်  သီချင်းစာသားတွေ မမေ့အောင်တော့ ကျက်နေပါတယ်။ တခါတလေကျရင် သီချင်းတွေကအစပျောက်နေတတ်တယ်လေ။ အသက်ကရလာတော့လည်း စာကသိပ်ကျက်လို့ မရတော့ဘူးလေ။ ဒါပေမယ့် အဆင်ပြေမှာပါ” လို့ သူ့ရဲ့ ပြင်ဆင်ထားမှုအပိုင်းနဲ့ ပတ်သက်ပြီး ဧရာဝတီကိုပြောပါတယ်။

ဒီပွဲဟာသူ့ရဲ့နောက်ဆုံးစီစဉ်တဲ့ပွဲ ဖြစ်နိုင်တယ်ဆိုတဲ့ စကားအပေါ် အခုလိုပြောပါသေးတယ်။

“ ဒီပွဲဟာကျနော့်ရဲ့ နောက်ဆုံးပွဲဖြစ်နိုင်မလားဆိုတာက ကျနော်ကတော့ နောက်ဆုံးဆိုမယ့်ပွဲလို့ ခံစားထားတယ်။ ဒါပေမယ့် ကျွန်တော်ရဲ့ ဂီတမိတ်ဆွေတွေကတော့ ဆက်ဆိုပါဦးဆိုပြီးပြောနေကြတယ်။ ဒါပေမယ့် ဒီလိုပွဲအကြီးကြီး မျိုးကိုတော့ ကျနော် မစီစဉ်နိုင်တော့ဘူး။ ငွေရေးကြေးရေးရော၊ အချိန်တွေရော၊ ကျန်းမာရေးတွေရော စိုက်ထုတ်ရတော့ နောက်ထပ် တနှစ်၊ နှစ်နှစ်မှာတော့ မဆိုနိုိင်တော့ဘူး။ ဒါပေမယ့် သူများတွေ ဖိတ်ခေါ်ဆိုမယ့် ပွဲတွေမှာ တပုဒ်စ၊နှစ်ပုဒ်စတော့ ၀င်ဆိုပါဆိုရင်ဆိုဖြစ်မယ်။ ပွဲအကြီးကြီးကတော့ နောင်လုပ်နိုင်တော့မယ် မထင်ဘူးလေ။ ဒါကြောင့် ပွဲကြီးထဲမှာ ဒါ နောက်ဆုံးဆိုမယ့် ပွဲလို့ သတ်မှတ်ထားတာပါ။ အခုပါဝင်တဲ့ အဆိုတော်တွေကတော့ ကျနော်ရွေးချယ်တာလည်းပါသလို ကျနော့်ကိုချစ်လို့ လာဆိုပေးကြမယ့် အဆိုတော်တွေလည်း ပါပါတယ်”လို့ ဧရာဝတီရဲ့ မေးမြန်းချက် ကိုဖြေကြားပေးခဲ့ပါတယ်။

ပလေးဘွိုင်းသန်းနိုင်ရဲ့ ဂီတပွဲကိုမည်သည့် ရုပ်သံလိုင်းကမှ Live ထုတ်လွှင့်ပြသသွားမှာ မဟုတ်ကြောင်းနဲ့ လက်မှတ်တွေကို ကျပ် ၃၀၀၀၀၊ ၂၀၀၀၀ နဲ့ကျပ် ၁၅၀၀၀ အသီးသီး သတ်မှတ်ရောင်းချပေးသွားမှာဖြစ် တယ်လို့ သိရပါတယ်။

ယုမွန်ကျော်




သတိ ပျင်းတတ်သူများလည်း အောင်မြင်ခွင့်ရှိသည်(ဘ၀အောင်မြင်ရေးစာစု-၈)

Friday, January 23, 2015 0 comments




 ပျင်းတတ်တဲ့ တို့လူငယ်တို့ အတွက် တွေးတော စဉ်းစားခြင်းနဲ့ စိတ်ကူးခြင်း ဆိုတာကို ပျင်းပျင်းနဲ့ ရှင်းပြခဲ့ပါ တယ်။ ဥပမာပေး ပြီးတော့လည်း ပြောခဲ့ပါတယ်။ အခုတပတ်တော့ “ဘတ်စကားစီးခြင်း အနုပညာ”ကို တင်ဆက် ပြောပြပါဦးမယ်။

“ပျင်းတတ်ခြင်း အနုပညာ” ကို အရင်အပတ်တွေက ပြောခဲ့သလို အခုတပတ်မှာလည်း လာပြန်ပြီ “ဘတ်စကားစီးခြင်း အနုပညာ” ဆိုပြီး မကျေမလည် ပြောနေကြမလားပဲနော်။ တကယ်တော့ ဘ၀နေနည်း အနုပညာ ဆိုပြီး ဆရာမြသန်းတင့်ရေးသားခဲ့ဖူးပါတယ်။ အနုပညာ ဆိုတာ ညီညွတ်ခြင်း၊ မျှတခြင်း၊ ပေါင်းစည်းခြင်း၊ ပေါင်းစပ်ခြင်းနဲ့ မျှဝေခြင်းတွေနဲ့ ပြည့်စုံတဲ့အကြောင်း အရင်အပတ်တွေမှာ ဖော်ပြခဲ့တာ မှတ်မိကြမယ် ထင်ပါတယ်။

ကိုယ်လိုလားရာ ခရီးတခုကို သွားရောက်ဖို့ ဘတ်စကားတွေ၊ အငှားကားတက္ကဆီတွေကို မဖြစ်မနေ သုံးကြရမြဲ မဟုတ်လား။ အဲဒီလို ဘတ်စ်ကားနဲ့ ခရီးသွားရာမှာ မဖြစ်မနေ ကြုံတွေ့ရတတ်တာက ဘတ်စ်ကားသမား တွေရဲ့ မောက်မာရိုင်းပျမှုပဲ ဖြစ်တယ်။ နောက်ပြီး ခရီးသွား အချင်းချင်း စာနာမှု မရှိတဲ့ အပြုအမူတွေလည်း တွေ့ရတတ်တယ်။ တခါတလေ ဘတ်စကား မောင်းသမားနဲ့ စပယ်ယာတွေက ခရီးသွား လူအများ ရှိနေတာကို ဂရုမစိုက်ဘဲ ဆေးလိပ်သောက်နေတာတွေလည်း တွေ့ရတတ်ပါတယ်။ ဘတ်စ်ကားကြပ်ကြပ်ထဲမှာ ချွေးစော်၊ ချေးစော်နံနေတာက တမျိုး၊ ဆေးလိပ်ငွေ့က တထောင်းထောင်းနဲ့ အင်မတန် စိတ်ပျက်စရာ အနေအထားကို ကြုံကြဖူးမှာပါ။

အဲဒီ အချိန်မှာ စပယ်ယာက ရှေ့တိုးလိုက်ပါလား၊ ဘေးကပ်လိုက်ပါလားဆိုပြီး ရင့်ရင့်သီးသီး ပြောတာတွေ၊ ပိုက်ဆံပေးစီးတဲ့ ခရီးသည်တွေကို မောက်မာနေသလောက် ပိုက်ဆံပေးရမယ့် မော်တော်ပီကယ်နဲ့ တွေ့တဲ့အခါ ပြုံးနေတာများ ပါးစပ်က နားရွက်ချိတ်မတတ်။ ဒီလိုတွေကြုံတွေ့ရတဲ့အခါ ပျင်းတတ်တဲ့ တို့လူငယ်တွေ ဘာလုပ်မလဲ။

လောကမှာ အသိစိတ် မရှိတဲ့သူကို “သိဟဲ့ သိဟဲ့” လို့ ပြောပြနေရင် အပိုတွေပဲ ဖြစ်လိမ့်မယ်။ ဒါဆိုရင် ဘာလုပ်မလဲ။ အကောင်းဆုံးက ကိုယ့်ဘ၀ ကိုယ့်လိုလားမှုကို စဉ်းစားနေဖို့ပဲ။ တခြားသူတွေရဲ့ မကောင်းမှုတွေကို တွေးမနေ၊ ခံစားမနေဘဲ ကိုယ့်ဘ၀ ကိုယ်လိုလားတဲ့ ဘ၀အဆင့်ကို စဉ်းစားနေဖို့သာဖြစ်တယ်။ ဒီလို စည်းကမ်းမဲ့ ဘတ်စ်ကားတွေ၊ ကိုယ်ချင်းစာမှုမရှိ ဘတ်စ်ကားသမားနဲ့ စပယ်ယာတွေအကြောင်း စိတ်အရှုပ်ခံ စဉ်းစားမနေနဲ့။ ကိုယ်သွားရမယ့် ခရီးကိုစဉ်းစား၊ ကိုယ်တွေ့ရမယ့် လူအကြောင်း စဉ်းစား၊ ကိုယ်ရှေ့ဆက်လုပ်ရမယ့် လုပ်ငန်း အကြောင်း စဉ်းစားဖို့ပဲ။

တကယ်လို့ စိတ်အနှောက်အယှက် အကြောင်းကို စဉ်းစားနေမိမယ်၊ ဒါမှမဟုတ် စိတ်ဆိုး ဒေါသထွက်နေမယ် ဆိုရင် တန်ဖိုးရှိတဲ့ စိတ်ကူးစိတ်သန်းတွေ ပျောက်သွားနိုင်တယ်။ ကိုယ်လုပ်ရမယ့် အလုပ်၊ ကိုယ်ပြောရမယ့် စကားတွေ ပျောက်သွားနိုင်တယ် မဟုတ်လား။ တနည်းအားဖြင့် သူတို့ကြောင့် ကိုယ့်ဘ၀ မျှော်လင့် ပုံရိပ် ပျောက်သွားတာပဲပေါ့။

အဲဒီလို ပျောက်သွားတာဟာ ကိုယ့်ရဲ့ အောင်မြင်မှုခြေလှမ်း တလှမ်း နောက်ကျသွားတာပဲ ဖြစ်တယ်။ ဒါကြောင့် ဘတ်စ်ကားစီးနေရင်း တခြားသူတွေရဲ့ အကုသိုလ်အကြောင်းတွေကို ကြည့်မနေဘဲ ကိုယ့်ဘ၀ အောင်မြင်မှု ပုံရိပ်ကိုပဲ စဉ်းစားနေစေချင်တဲ့ အကြောင်း…..။   


ပျင်းတဲ့ 
နိုင်စွမ်း


မင်းအုပ်စိုးကို ဖေဖော်ဝါရီ ပထမပတ်မှာ စွဲချက်တင် ရုံးတင် စစ်ဆေးမည်

0 comments



ဓာတ်ပုံများ - သော်ဟိန်းထက်/ ဧရာဝတီ

လူသတ်မှုနဲ့ တလ နီးပါးခန့် ဖမ်းဆီးခံထားရတဲ့ ရုပ်ရှင်သရုပ်ဆောင် မင်းအုပ်စိုး အမှုကို လာမယ့် ဖေဖော်ဝါရီ ၄ ရက်မှာ လူသတ်မှုနဲ့ ပထမဆုံး စွဲချက်တင် ရုံးတင်စစ်ဆေးမှုတွေ စတင် ပြုလုပ်တော့မယ်လို့ သိရပါတယ်။

ရုံးတင်စစ်ဆေးမှုများ ပြုလုပ်ဖို့ ဆေးစစ်ချက် အဖြေတွေနဲ့ အမှုတွဲကို အနောက်ပိုင်းခရိုင် တရားရုံး သို့ ပေးပို့ထားပြီး ထပ်မံစစ်ဆေးမှုတွေ ပြုလုပ်ဖို့အတွက်လည်း ဇန်န၀ါရီ ၂၂ ရက်မှ ဖေဖော်ဝါရီ ၄ ရက် အထိ တတိယအကြိမ် ရမန်အား အနောက်ပိုင်းခရိုင် တရားရုံးမှာ မနေ့က ရယူခဲ့ပါတယ်။




“ဆေးစစ်ချက်ကတော့ ရပြီ ဆေးစစ်ချက် အဖြေနဲ့ အမှုတွဲ တင်ထားတယ်။ အခုက ရမန် ထပ်ယူတာ။ ဖေဖော်ဝါရီ ၄ ရက် ကျရင် ရုံးတင်စစ်ဆေးမှု ပြုလုပ်မယ်။ ပုဒ်မကတော့ ၃၀၂ နဲ့ပဲ စွဲထားတယ်”ဟု ဗဟန်းမြို့နယ် ရဲတပ်ဖွဲ့ စခန်းမှ စခန်းမှူး ဒုရဲမှူး သိန်းဝင်းက ပြောပါတယ်။

ဒီဇင်ဘာလ ၂၅ ရက် နံနက် ၂ နာရီခန့်မှာ မင်းအုပ်စိုးက သရပါ မဂ္ဂဇင်း အယ်ဒီတာ မနုနုယဉ် (ခ) တေးနုယဉ်ကို သူ့ရဲ့ နေအိမ်မှာ လက်သီးဖြင့် ထိုးခြင်း၊ ဆောင့်တွန်းခြင်း၊ ကိုင်ဆောင့်ခြင်း၊ ခြေထောက်ဖြင့် ကန်ခြင်းများ ပြုလုပ်ခဲ့ခြင်းကြောင့် မတေးနုယဉ် သေဆုံးခဲ့လို့ မင်းအုပ်စိုးက ဗဟန်း ရဲစခန်းမှာ ဖြောင့်ချက်ပေး အဖမ်းခံခဲ့ခြင်း ဖြစ်ပါတယ်။


ဘုန်းမြတ်



အမျိုးသမီးတွေ အသက်ရှည်ချင်ရင် အမျိုးသားတွေကို ဝေးဝေးရှောင်

0 comments


အမျိုးသမီးတွေ အသက်ရှည်ချင်ရင် အမျိုးသားတွေကို ဝေးဝေး ရှောင်ရပါမယ်တဲ့။

 ဓာတ်ပုံ- huffingtonpost.com

စကော့တလန် နိုင်ငံမှာ သက်ရှိထင်ရှား အသက်အကြီးအဆုံး အမျိုးသမီးကြီး တဦးက ဘဝမှာ အသက်ရှည် ရခြင်းရဲ့ လျှို့ဝှက်ချက်ကို ထုတ်ဖော်ပြောဆိုလိုက်တာမှာ ဒီအချက်က အဓိက ဖြစ်တယ်လို့ huffington post.com သတင်းတပုဒ်မှာ ဖော်ပြလာပါတယ်။ 

 ဘယ်တုန်းကမှ လက်မထပ်ခဲ့ဘူးသော အသက် ၁၀၉ နှစ်ရှိပြီဖြစ်တဲ့ Jessie Gallan ဆိုသူ အမျိုးသမီးကြီး က အသက်ရှည် ရခြင်းရဲ့ လျှို့ဝှက်ချက်ဟာ ဆံပြုတ်စားခြင်းနဲ့ ယောက်ျားတွေနဲ့ ကင်းကင်းနေဖို့ ပြောဆို လိုက်တာပါ။ 

သက်ရှည် ဖွားဖွား အပျိုကြီးမှာ မွေးချင်း အမျိုးသမီး ငါးဦး၊ အမျိုးသား တဦး ရှိခဲ့ပြီး ငယ်စဉ်ဘဝက ကောက်ရိုး ကို မွှေ့ယာ ခင်းအိပ်ကြရင်း ကြီးပြင်းခဲ့တာလို့ ဒေးလီးမေးလ် သတင်းမှာ ရေးထားပါတယ်။ 

မိန်းမသားတွေအနေနဲ့ ယောက်ျားတွေနဲ့ ကင်းကင်းနေခြင်းဟာ အသက်ရှည်ခြင်းရဲ့ လျှို့ဝှက်ချက်ပါတဲ့။ 

ယောက်ျားတွေ ဟာ သုခထက် ဒုက္ခသာ ပိုပေးတတ်သတဲ့။ Gallan ဟာ လေ့ကျင့်ခန်းလည်း ပုံမှန်လုပ်လေ့ ရှိပြီး နေ့စဉ် မနက်တိုင်း ဆံပြုတ်တခွက်သောက်ပါတယ်တဲ့။ ပြီးတော့ သူဟာ လုံးဝ အိမ်ထောင်မပြုခဲ့ဖူးပါ ဘူးတဲ့။ 

 ပြီးခဲ့တဲ့ နှစ် Gallan အသက် ၁၀၈ နှစ် ပြည့်တုန်းက အသက်ရှည်ဖို့ လျှို့ဝှက်ချက်ဟာ ဆံပြုတ်သောက် ဖို့ပဲ ပြောခဲ့ပြီး ယောက်ျားတွေနဲ့ ကင်းကင်းနေဖို့ မပြောခဲ့ဖူးလို့လည်း သတင်းက ဆိုထားပါတယ်။ 

အခုလို Gallan ရဲ့ပြောဆိုချက်ကိုတော့ အမျိုးသားတွေကတော့ ဘဝင်ကျမှာ မဟုတ်ပါဘူး။ ဖိုးဖိုး သက်ရှည်
တွေရဲ့ အသက်ရှည်ခြင်း လျှို့ဝှက်ချက်ကိုလည်း ဧရာဝတီဘလော့ဂ် ပရိသတ်တွေ သိချင် ကြားချင်ကြမှာပါ။ 

အခုတော့ ဖွားဖွား အပျိုကြီး Gallan ပြောခဲ့တာတွေကို ဗွီဒီယိုကနေလည်း ကြည့်နိုင်ပါတယ်။ 

video



အိမ့်သံစဉ် ~


 ကိုးကား။   ။ 109-Year-Old Woman Says Secret To Long Life Is Avoiding Men

 

သေဆုံး ကချင် ကျောင်းဆရာမ ၂ ဦးကိစ္စ WLB နဲ့ KWAT တို့ ထုတ်ပြန်ချက်

0 comments


ရှမ်းပြည်နယ် မြောက်ပိုင်း မူဆယ်ခရိုင်၊ ပန်ဆိုင်းမြို့နယ်အတွင်း ကချင် ကျောင်းဆရာမ ၂ ဦး သတ်ဖြတ်ခံရ တဲ့ ကိစ္စနဲ့ပတ်သက်ပြီး ထိုင်းနိုင်ငံမှာ အခြေစိုက်တဲ့ အမျိုးသမီးအဖွဲ့ ၂ ခုက ဒီကနေ့ ဇန်နဝါရီလ ၂၂ ရက် စွဲ နဲ့ ကြေညာချက်ထုတ်ပြန်လိုက်ပါတယ်။ 



အမျိုးသမီးများ အဖွဲ့ချုပ် ( မြန်မာနိုင်ငံ)က  ကချင်ပြည်နယ်အတွင်း မြန်မာအစိုးရ စစ်တပ်ရဲ့ ထိုးစစ်တွေ
ပြန်ရုပ်သိမ်းဖို့ လိုအပ်ကြောင်းပြသနေပြီလို့ထောက်ပြထားပြီး  ကချင် အမျိုးသမီးအစည်းအရုံး ( ထိုင်းနိုင်ငံ) ကလည်း ဖြစ်စဉ် အသေးစိပ်ကို ထုတ်ပြန် လိုက်ပါတယ်။ 

အမျိုးသမီး အဖွဲ့ချုပ် ( မြန်မာနိုင်ငံ) ရဲ့ ကြေညာချက် အပြည့်အစုံကတော့.... 


ဆက်လက်ဖြစ်ပွားနေသည့် လိင်အကြမ်းဖက်မှုများက မြန်မာ့တပ်မတော်အနေဖြင့် ထိုးစစ်များ ရပ်တန့်ပြီး ကချင် ဒေသရှိတပ်များ ပြန်လည်ရုပ်သိမ်းရန် အရေးပေါ် လိုအပ်နေကြောင်း ပြသနေသည်။ 

(ချင်းမိုင်။ ၂၀၁၅ ခုနှစ် ဇန်န္န၀ါရီ ၂၂ ရက်) ကချင်ပြည်နယ်အတွင်း တနင်္လာနေ့က ဆရာမနှစ်ဦး မုဒိန်းပြု ကျင့်ပြီး သတ်ဖြတ်ခံရခြင်းသည် မြန်မာ့တပ်မတော်အနေဖြင့် အရပ်သား ပြည်သူလူထုအား ထိတ်လန့်
ကြောက် ရွံ့စေရန် လိင် အကြမ်းဖက်မှုကို ဆက်လက်ကျင့်သုံးနေဆဲဖြစ်ကြောင်း အထောက်အထားတရပ် ပင် ဖြစ်သည်။ 

ကချင်နှစ်ခြင်း အသင်းတော် စေတနာ့ဝန်ထမ်း ဆရာမများဖြစ်သော အသက် ၂၀ အရွယ် မရမ်လုရာနှင့် တန်ဘောလ်ခေါန်နန်စင် တို့ နှစ်ဦးသည် ရှမ်းပြည်နယ်မြောက်ပိုင်း ကောင်ခါရှဘုတ်ရွာရှိ သူတို့၏ ဘုရား
ကျောင်းဝင်းအတွင်းတွင် အုပ်စုလိုက် မုဒိန်းပြုကျင့်ပြီး သတ်ဖြတ်ခြင်းကို ခံခဲ့ကြရသည်။ 

ယင်းသို့ ဖြစ်ပွားပြီး နောက်တစ်ရက်တွင်လည်း ရှမ်းပြည်မြောက်ပိုင်း ခူးမော် ကျေးရွာမှ အမျိုးသမီးတစ်ဦး သည် ယင်းကျေးရွာတွင် အခြေပြုသော မြန်မာစစ်တပ်မှ စစ်သားတစ်ဦးက မုဒိန်း ပြုကျင့်ရန် ကြိုးပမ်းခဲ့ရာ မှ ပြင်းထန်သော ဒဏ်ရာများ ရရှိခဲ့သည်။ 

မြန်မာအစိုးရအနေဖြင့် တိုင်းရင်းသား နယ်မြေများ အတွင်း ထိုးစစ်များကို ချက်ချင်းရပ်တန့်ရန်နှင့် တပ်များ ကို ပြန်လည်ဆုတ်ခွာပြီး တိုင်းရင်းသား လက်နက်ကိုင် တပ်ဖွဲ့များနှင့် နိုင်ငံရေး ဆွေးနွေးပွဲများကို စတင်ရန် လိုအပ်နေသည်။ 

ဆရာမနှစ်ဦးအား သတ်ဖြတ်မှု ကျူးလွန်ခဲ့သူမှာ ရှမ်းပြည်နယ်မြောက်ပိုင်းတွင် ကချင်ပြည်လွတ်လပ်ရေး တပ်မတော် (ကေအိုင်အေ) ကို ထိုးစစ်ဆင်နေသော တပ်ဖွဲ့များဖြစ်သည်။ 

တပ်ဖွဲ့များသည် ဆရာမများ၏ ကျေးရွာအနီးတွင် အခင်း ဖြစ်ပွားသည့်ညက တပ်စွဲထားခြင်း လွန်ခဲ့သည့် ရက်သတ္တပတ်များအတွင်း ကချင်ပြည်နယ်အတွင်း ပဋိပက္ခများ ပြန်လည်ဖြစ်ပွားခဲ့ရာ ထောင်နှင့်ချီသော အရပ်သားများ အိုးအိမ်မဲ့ဖြစ်ပွားခဲ့ရပြီး အရပ်သားများမှာ ပစ်မှတ်များဖြစ်လာခဲ့ရသည်။ 

၂၀၁၁ ခုနှစ် ကေအိုင်အေနှင့် ပဋိပက္ခများ ပြန်လည် စတင်ဖြစ်ပေါ်လာချိန်မှ စတင်၍ မြန်မာ့တပ်မတော်၏ လိင်အကြမ်းဖက်မှုများ တိုးများလာခဲ့ခြင်း ဖြစ်သည်။ ထိုအချိန်မှစ၍ ကချင်အမျိုးသမီးအစည်းအရုံး (ထိုင်း
နိုင်ငံ) က မြန်မာစစ်တပ်က ကျူးလွန်ခဲ့သော အုပ်စု လိုက် မုဒိန်းပြုကျင့်မှု၊ မုဒိန်းမှုနှင့် လိင်အကြမ်းဖက်ရန် ကြိုးပမ်းမှု အဖြစ်အပျက်ပေါင်း ၇၀ ကျော်ကို မှတ်တမ်း တင်ခဲ့သည်။ 

ယင်းအမှုများအတွင်း ကျူးလွန်သူ နှစ်ဦးသာ အပြစ်ပေးခံခဲ့ရသည်။ 

‘ဒီနောက်ဆုံးသတ်ဖြတ်မှုတွေက ပြုပြင်ပြောင်းလဲမှုတွေရဲ့ အခြေအနေကို ထင်ရှားစေပါတယ်။ မြန်မာစစ် တပ် ဟာ မုဒိန်းမှု၊ နှိပ်စက်ညှင်းပမ်းမှုနဲ့ အမျိုးသမီးနဲ့ မိန်းကလေးငယ်တွေအပေါ် သတ်ဖြတ်မှုတွေကို အပြစ်ပေးအရေးယူမှု မခံရပဲ ဆက်လက်ကျူးလွန်နေတယ်" ဟု ကချင်အမျိုးသမီး အစည်းအရုံး(ထိုင်းနိုင်ငံ) မှ မွန်းနေလီက ပြောသည်။ 

‘နိုင်ငံတကာ အသိုင်းအ၀ိုင်းအနေနဲ့ မြန်မာ့တပ်မတော်ရဲ့ လိင်အကြမ်းဖက်မှု၊ ရာဇ၀တ်မှုတွေအပေါ် လွတ် လပ်တဲ့ နိုင်ငံတကာ စုံစမ်းစစ်ဆေးမှုတွေကို လုပ်ဆောင်နိုင်ဖို့ လိုအပ်နေပါတယ်။’ 

အမျိုးသမီးများ အဖွဲ့ချုပ် (မြန်မာနိုင်ငံ)၏ အစီရင်ခံစာဖြစ်သော "မျှော်လင့်ချက်သာ ရှိခဲ့ရင် သူတို့ ထုတ်ပြော ကြ မှာပါ" တွင် မိမိတို့ မှတ်တမ်းတင်ထားခဲ့မှုများ အရ ၂၀၁၀ ရွေးကောက်ပွဲ ကာလမှစ၍ မြန်မာ့တပ် မတော် ၏ ချိုးဖောက် ကျူးလွန်မှုများသည် နိုင်ငံတကာ ရာဇ၀တ် ဥပဒေအောက်တွင် စစ်ရာဇ၀တ်မှုနှင့် လူသားဖြစ်တည်မှုကို ဆန့်ကျင်သော ရာဇ၀တ်မှုများ မြောက်နေပေသည်။

 မြန်မာနိုင်ငံက ယခင်နှစ်က လိင်အကြမ်းဖက်မှု အဆုံးသတ်ရေး ပဋိဥာဉ်စာတမ်း ကို လက်မှတ်ရေးထိုး ခဲ့သော်လည်း မိမိတို့ ကချင်ညီအမများအပေါ် မုဒိန်းပြုကျင့် သတ်ဖြတ်လိုက်ခြင်းသည် မြန်မာ စစ်တပ်အ
နေနှင့် တိုင်းရင်းသား လူ့အဖွဲ့အစည်းများအပေါ်တွင် လိင်အကြမ်းဖက်မှုကို စစ်လက်နက်ကိရိယာအဖြစ် ဆက်လက်အသုံးပြုနေဆဲဖြစ်ကြောင်း သက်သေအထောက်အထားပင် ဖြစ်သည်။ 

ယနေ့တွင် မိမိတို့သည် မြန်မာ နိုင်ငံရှိ အမျိုးသမီးများအပေါ် လိင်အကြမ်းဖက်မှုများကို ချက်ချင်းရပ်တန့် ရန်နှင့် ပဋိပက္ခအတွင်း လိင်အကြမ်းဖက်မှု ရာဇ၀တ်မှုများအပေါ် စုံစမ်းစစ်ဆေးရန် လွတ်လပ်သော နိုင်ငံ တကာ စုံစမ်းစစ်ဆေးရေးကော်မရှင်တရပ် တည် ဆောက် ဖွဲ့စည်းရန် ထပ်မံ တောင်းဆိုလိုက်သည်။

 မိမိတို့ ကချင်ညီအမများ ကြုံတွေ့ရသော ကြမ်းတမ်းခက်ထန်မှုသည် မိမိတို့ နိုင်ငံ၏ အနာဂတ်အပေါ် နိုင်ငံ တကာ အသိုင်းအ၀ိုင်း၏ အကောင်းမြင်မှုများ ရှိနေသော်လည်း မြန်မာနိုင်ငံတွင် အကြမ်းဖက်မှုသည် အဆိုးဝါးဆုံးသောပုံစံ ဖြင့် အမြစ်တွယ်လျက် ရှိနေဆဲဖြစ်ကြောင်း မီးမောင်းထိုးပြနေသည့် ပြယုဂ်ဖြစ်သည်။

 မြန်မာအစိုးရအနေဖြင့် ငြိမ်းချမ်းရေး တည်ဆောက်ရာတွင် ရိုးသားဖြောင့်မတ်မှု ရှိမည်ဆိုပါက တိုင်းရင်းသားဒေသများတွင် ထိုးစစ်များ မဆင်သင့်ပဲ ပြစ်မှုကျူးလွန်သော တပ်ဖွဲ့ဝင်များ ကိုလည်း အပြစ်ပေးအရေးယူ ခံရမှုမှ ကင်းလွတ်ထားခွင့် မပေးသင့်ပေ။ 

အစိုးရအနေဖြင့် မြန်မာ့တပ်မတော်၏ လက်တွင်းတွင် လိင် အကြမ်းဖက်မှု ခံနေရသော အမျိုးသမီးများအား ကာကွယ်ရန် တခုတည်းသော နည်းလမ်းဖြစ်သည့် စစ်မှန်သော ငြိမ်းချမ်းရေးကို ဖော်ဆောင်မည့် ဖက်ဒရယ် ပြုပြင်မှု လုပ်ငန်းစဉ်များ စတင်နိုင်ရန် စစ်မှန် သည့် နိုင်ငံရေး ဆွေးနွေးမှုများကို ချက်ချင်း စတင်ရန် လိုအပ်ပေသည်။ 

ဆက်သွယ်ရန်- ဒေါ်တင်တင်ညို (ထိုင်းနိုင်ငံ)– (+၆၆) (၀) ၈၁ ၀၃၂၂ ၈၈၂ 

ဂျန်မွန်းနေလီ (ထိုင်းနိုင်ငံ)– (+၆၆) (၀) ၈၅ ၅၂၃၃ ၇၉၁ 

ကချင် အမျိုးသမီး အစည်းအရုံး ( ထိုင်းနိုင်ငံ) က ဒီကနေ့ ရက်စွဲနဲ့ ထုတ်ပြန်တဲ့ ကချင် ကျောင်းဆရာမ ၂ ဦး သေဆုံးမှုနဲ့ပတ်သက်တဲ့ ဖြစ်စဉ် အသေးစိပ်ကို အခုလို ဖော်ပြထားပါတယ်။ 


ရှမ်းပြည်နယ် မြောက်ပိုင်း မူဆယ်ခရိုင်၊ ပန်ဆိုင်းမြို့နယ်အတွင်း ကချင် ကျောင်းဆရာမနှစ်ဦး မုဒိန်းကျင့် သတ်ဖြတ်ခံရမှု အသေးစိတ် အချက်အလက်များ

 နောက်ခံ အကြောင်းအရာ

 မြစ်ကြီးနားမှ မရမ်လုရာ (အသက် ၂၀) နှင့် ၀ိုင်းမော်မှ တန်ဘောလ်ခေါန်နန်စင် (အသက် ၂၁ နှစ်) တို့သည် ရှမ်းပြည်မြောက်ပိုင်း မူဆယ်မြို့ အရှေ့ဘက် မိုင် ၂၀ ခန့်အကွာရှိ ကောင်ခါရှဘုတ် ကျေးရွာ တွင် စေတနာ့ဝန်ထမ်း ဆရာမများအဖြစ် လုပ်ကိုင်နေခဲ့ကြသည်။ 

ကချင်နှစ်ခြင်းအသင်းတော်က သူတို့နှစ်ဦးကို ယင်းနေရာတွင် လွန်ခဲ့သည့် ၈ လခန့်က တာဝန်ချထား ခဲ့ခြင်း ဖြစ်သည်။ 

သူတို့သည် ကျေးရွာစာသင်ကျောင်းတွင် စာသင်ကြပြီး ကျေးရွာ ဘုရားကျောင်းဝင်းအတွင်းရှိ ၀ါးအိမ် ငယ်လေးတွင် နေထိုင်ကြသည်။ ရွာစွန်တွင်ရှိသော ဘုရားကျောင်းအတွင်း အခြား နေထိုင်သူ မည်သူမျှ မရှိပေ။

 ကျေးရွာတွင် အိမ်ခြေ ၄၀ ခန့်ရှိပြီး လူဦးရေမှာ ၁၆၀ ခန့်သာ ရှိသည်။ အစိုးရ ထိန်းချုပ်မှု ဧရိယာအတွင်း တွင် ရှိသော်လည်း မည်သည့် မြန်မာစစ်တပ်မျှ ကျေးရွာတွင် တပ်စွဲထားခြင်း မရှိပါ။

 ကျေးရွာအတွင်း (သို့မဟုတ်) ပတ်ဝန်းကျင်တွင် တော်လှန်ရေး တပ်ဖွဲ့များလည်း လှုပ်ရှားနေခြင်း မရှိပါ။ 

၂၀၁၅ ဇန္န၀ါရီ ၁၉ ရက်၊ တနင်္လာနေ့ 

 နံနက် ၇ နာရီခန့်တွင် ဗိုလ်မှူး အောင်စိုးမြင့် ဦးဆောင်သော ကျောက်မဲ အခြေစိုက် ခမရ ၅၀၃ မှ မြန်မာ စစ်တပ်၊ တပ်ဖွဲ့ဝင် ၃၀ ခန့်သည် မူဆယ်မြို့၊ အရှေ့ဖက် မိုင် ၂၀ ခန့်အကွာ ရှိ ကောင်ခါရှဘုတ်ကျေးရွာ သို့ ခြေလျင်ခရီးဖြင့် ရောက်ရှိလာခဲ့သည်။ 

သူတို့သည် ကချင်လွတ်လပ်ရေး တပ်မတော် (ကေအိုင်အေ)ကို ဇန္န၀ါရီလ အစောပိုင်းက ထိုးစစ်ဆင်တိုက် ခိုက်နေ ခဲ့သော မုံးကိုးဒေသဘက်မှ ရောက်ရှိလာခြင်းဖြစ်သည်။ 

စစ်သားများက ကျေးရွာအတွင်းရှိ၊ အရပ်ဒေသ အသီးသီးရှိ အိမ်လေးအိမ်တွင် တဖွဲ့နှင့် တဖွဲ့မြင်နိုင်သော အနေအထားတွင် နေရာယူလိုက်ပြီး ရွာကို ပတ်ကာ အစောင့်ချနေရာယူခဲ့ကြသည်။ 

သူတို့သည် သူတို့၏ လုံခြုံရေးအတွက် ရွာတခုလုံးကို တင်းတင်းကြပ်ကြပ် လုံခြုံရေး ယူထားခဲ့ကြသည်။ ညနေပိုင်းတွင် ကျေးရွာသူကြီး၏ အိမ်တွင် သူ၏ကလေး မွေးနေ့ပါတီပွဲကို ကျင်းပခဲ့ရာ ဆရာမနှစ်ဦးသည် လည်း ပါတီပွဲသို့ တက်ရောက်ခဲ့ကြသည်။ သူတို့သည် ည ၁၀ နာရီခန့်တွင် အိမ်ပြန်သွားခဲ့ကြသည်။ 

၂၀၁၅ ဇန္န၀ါရီ ၂၀ ရက်၊ အင်္ဂါနေ့ 

ညသန်းခေါင်ကျော် ၁ နာရီခန့်တွင် ဘုရားကျောင်းဝင်းအနီးတွင် နေ ထိုင်သော ရွာသားသုံးဦးသည် ဘုရားကျောင်းဝင်း အတွင်းမှ အော်ဟစ်သုံးများ၊ ရိုက်နှက်သံများကို ကြားခဲ့ ကြသည်။ 

သူတို့သည် ဆရာမနှစ်ဦးနေထိုင်သော ဘုရား ကျောင်းအတွင်းသို့ သွားရောက်ခဲ့ကြပြီး အော်ခေါ်ကြည့် ခဲ့သော် လည်း မည်သို့မှ တုန့်ပြန်မှု မရခဲ့ကြပါ။ အိမ်တွင် မီး ထွန်းထားခြင်း မရှိခဲ့ပဲ အနီးနားရှိ အိမ်သာ တွင်သာ မီးရောင်ကို မြင်ခဲ့ရသည်။ 

အိမ်အတွင်းမှ ညည်းငြူသံများ ကြားရ သဖြင့် သူတို့သည် တံခါးကို တွန်းဖွင့်ရန် ကြိုးစားခဲ့သော်လည်း တံခါး မပွင့်ခဲ့ပါ။ 

ရွာသားများက အမျိုးသမီးနှစ်ဦး အိမ်မောကျနေသည်ဟု ယူဆပြီး အော်ဟစ်သံများမှာ အခြားအနီးအနားရှိ အိမ်နီးနားချင်းများ ရန်ဖြစ်သံများဖြစ်မည်ဟု ယူဆခဲ့ကြသည်။ ထို့ကြောင့် သူတို့အိမ်သို့ သူတို့ ပြန်လာခဲ့ သည်။ 

 နံနက်စောစော ၇ နာရီခန့်တွင် ထရပ်ကား တစီးသည် မြန်မာ့စစ်တပ်မှ စစ်သားတချို့ကို တင်ဆောင်ပြီး ရွာမှ ထွက်ခွာ သွားခဲ့သည်။ စစ်သားအချို့မှာ ရွာတွင် ကျန်ရစ်ခဲ့ကြသည်။ 

 နံနက် ၇ နာရီခန့်တွင် အိမ်နီးချင်းတစ်ဦးက ဆရာမများ နံနက်စာ ပြင်ဆင်သည်ကို မတွေ့ရသဖြင့် ကလေး တစ်ဦးအား ဆရာမများအား သွားခေါ်ရန် စေလွှတ်လိုက်သည်။ 

ကလေးငယ်သည် သွားရောက်ခဲ့ပြီး ဆရာမများ အမည်ကို အိမ် အပြင်မှ ခေါ်ခဲ့သည်။ သို့သော်လည်း တုန့်ပြန်မှု မရှိခဲ့ပါ။ ထို့ကြောင့် ကလေးငယ် ပြန်လာခဲ့သည်။ 

ထို့နောက် အိမ်နီးချင်းကလည်း ဆရာမများအိမ်သို့သွားပြီး အမည်များကို အော်ခေါ်ခဲ့သော်လည်း ပြန် လည် ဖြေကြားမှု မရှိခဲ့ပါ။ ထို့နောက် အိမ်နီးချင်းဖြစ်သူက တံခါးကို တွန်းဖွင့်ကြည့်ရာ တံခါးမှာ အလွယ် တကူ ပွင့်သွားခဲ့သည်။ အိမ်အတွင်းတွင် ဆရာမနှစ်ဦးမှာ စောင်တစ်ခုဖြင့် ဖုံးပြီး လဲနေသည်ကို အိမ်နီးချင်း
ဖြစ်သူက တွေ့ရှိခဲ့သည်။ 

အိမ်နီးချင်းဖြစ်သူက သူတို့ အိမ်နေဆဲဖြစ်သည်ဟု စဉ်းစားပြီး စောင်ကို အနည်းငယ် မ ကြည့်လိုက်ရာမှ သူတို့နှစ်ဦး သေဆုံးနေသည်ကို တွေ့ရှိခဲ့ရသည်။ 

သူတို့ ခန္ဓာကိုယ် တပိုင်းမှာ အ၀တ်အစားများ ကင်းမဲ့နေပြီး သူတို့ကိုယ်ခန္ဓာတွင် ဓါးဒဏ်ရာများ တွေ့ရှိ ကာ ဦးခေါင်းတွင် ပြင်းပြင်းထန်ထန် ရိုက်နှက်ထားသည်ကို တွေ့ခဲ့ရသည်။ 

သူတို့နှစ်ဦး၏ အလောင်းများအနီးတွင် သွေးစွန်းနေသော တုတ်ကြီးတစ်ချောင်းကို တွေ့ရှိခဲ့သည်။ 

အိမ်နီးချင်းဖြစ်သူက အော်ဟစ်အကူအညီတောင်းသဖြင့် အခြား ရွာသားများ ချက်ချင်းရောက်လာကြသည်။ 

အိမ်အရှေ့ဘက် သဲမြေပေါ်တွင် စစ်ဖိနပ်ရာများကို တွေ့ရှိ သတိ ထားမိခဲ့ကြသည်။ ရွာလူကြီးက ရဲကို ဖုန်း ဆက်အကြောင်းကြားခဲ့ပြီး နေ့ခင်း ၂ နာရီခန့်တွင် ပန်ဆိုင်းမှ ရဲများ ဆေးရုံကားနှင့်အတူ ရောက်လာသည်။ 

အလောင်းများကို မူဆယ်ဆေးရုံသို့ ဆေးရုံကားဖြင့် သယ်ဆောင်သွားကြသည်။ 

၂၀၁၅ ခုနှစ် ဇန္န၀ါရီ၊ ၂၁ ရက်

 နေ့ခင်းပိုင်းတွင် ကျောက်မဲမှ နောက်ထပ် စစ်သား ၂၀၀ ခန့်ထပ်မံရောက်ရှိ လာပြီး စစ်သား ၁၀၀ ခန့်မှာ ရွာသားများ၏ အိမ်များတွင် စတင်တည်းခိုနေကြပြီး ကျန် ၁၀၀ ခန့်မှာ ရွာ အနီးတွင် ကင်းလှည့်နေသည်။ 

ဗိုလ်မှူး အောင်မြင့်စိုးနှင့် ခမရ ၅၀၃ မှ စစ်သားအချို့မှာ ကျေးရွာအတွင်း ဆက်လက်ရှိနေဆဲ ဖြစ်သည်။ 

သုံးသပ်ချက် 

မုဒိန်းကျင့် သတ်ဖြတ်မှုကို ဇန်န၀ါရီ ၁၉ ရက်နေ့က ရောက်ရှိလာသော မြန်မာစစ်တပ်မှ တပ်ဖွဲ့ ၀င်များ လုပ်ဆောင်ခဲ့ကြောင်း ဆက်စပ်အထောက်အထားများကို အားကောင်းကောင်း တွေ့ရှိရသည်။ ယင်း တပ်ဖွဲ့များသည် ရွာ ပတ်ပတ်လည်ကို လုံခြုံရေး ယူထားခဲ့သဖြင့် ယင်းစစ်သားများ ရှေ့မှောက်တွင် အခြား မည်သူ တဦးတစ်ယောက်မှ ဤပြစ်မှုများကို ကျူးလွန်ရဲကြမည် မဟုတ်ပေ။ 








CNA သတင်းဌာနကို ဗိုလ်ချုပ်မှူးကြီးမင်းအောင်လှိုင်ရဲ့ ဖြေကြားချက်များ

Thursday, January 22, 2015 0 comments



ဗိုလ်ချုပ်မှူးကြီးမင်းအောင်လှိုင်နဲ့ CNA သတင်းဌာန တွေ့ဆုံစဉ်(ဓာတ်ပုံ -  senior general min aung hlaing facebook)


တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်ဟာ ၂၀၁၅ ခုနှစ် ဇန်န၀ါရီ ၈ ရက်နေ့မှာ CNA သတင်းဌာနကို လက်ခံတွေ့ဆုံခဲ့ပြီး မေးခွန်းတွေဖြေကြားပေးခဲ့တာနဲ့ပတ်သက်လို့ ဒီကနေ့ထုတ် မြန်မာ့အလင်းသတင်းစာမှာ “ဥပဒေတစ်ခုကို ကိုယ်လိုရာစွဲပြီးတော့မှ ပြင်ဆင်ချက်တွေ မကြခဏထွက်နေမယ်ဆိုရင် တည်ငြိမ်မှုကို အများကြီး ထိခိုက်သွားနိုင်” ဆိုတဲ့ ခေါင်းစဉ်နဲ့ ဖော်ပြထားတာကို ဧရာဝတီဘလော့ဂ် ပရိတ်သတ်တွေအတွက် ပြန်လည်ဖော်ပြပေးလိုက်ပါတယ်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် CNA သတင်းဌာနတို့၏ တပ်မတော်နှင့် အမျိုးသားနိုင်ငံရေးတာဝန်၊ ဖွဲ့စည်းပုံအခြေခံ ဥပဒေပြင်ဆင်ရေး၊ နိုင်ငံတော်၏ အရေးပေါ်အခြေအနေနှင့် တပ်မတော်၏ လုပ်ငန်း တာဝန်ဆိုင်ရာများနှင့်ပတ်သက်၍ အမေးအဖြေကဏ္ဍ (အပိုင်း ၁)

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် ၂၀၁၅ ခုနှစ်၊ ဇန်နဝါရီ ၈ ရက်တွင် CNA သတင်းဌာနအား လက်ခံတွေ့ဆုံ၍ တပ်မတော်နှင့် အမျိုးသားနိုင်ငံရေးတာဝန်၊ ဖွဲ့ စည်းပုံ အခြေခံဥပဒေ ပြင်ဆင်ရေး၊ နိုင်ငံတော်၏ အရေးပေါ်အခြေအနေနှင့် တပ်မတော်၏ လုပ်ငန်း တာဝန်ဆိုင်ရာများနှင့် ပတ်သက်၍ သိရှိလိုသည်များ မေးမြန်းမှုအပေါ် ပြန်လည်ဖြေကြားခဲ့သည်များကို CNA သတင်းဌာနမှ ဇန်နဝါရီ ၂၀ ရက်နှင့် ၂၁ ရက်များတွင် ထုတ်နှုတ်၍ ထုတ်လွှင့်သွားခဲ့ပါသည်။

၎င်းမေးခွန်းများနှင့်ပတ်သက်၍ တပ်မတော်ကာကွယ်ရေးဦးစီးချုပ်၏ ဖြေကြားချက်အပြည့်အစုံအား အောက်ပါအတိုင်း ဖော်ပြအပ်ပါသည်။

CNA - ၂၀၁၅မှာ လွတ်လပ်ပြီး တရားမျှတတဲ့ရွေးကောက်ပွဲလုပ်မယ်လို့ သတင်းကြားရပါတယ်။ အဲဒီ ရွေးကောက်ပွဲမှာလည်း ဗိုလ်ချုပ်မှူးကြီးအနေနဲ့ပါမယ်လို့ သူတို့ထင်နေကြပါတယ်။ အဲဒီအတွက် အစီအစဉ်လေးများရှိပါသလား။

ဗိုလ်ချုပ်မှူးကြီး  - ဒါကတော့ သူတို့ထင်မြင်ယူဆချက်ကို ပြောတာပါပဲ။ တကယ်တော့ ကျွန်တော်ရဲ့ တပ်မတော် ကာကွယ်ရေးဦးစီးချုပ်တာဝန်ထမ်းဆောင်မှုက နိုင်ငံတော်အတွက် အင်မတန် အရေးကြီး တဲ့ အခန်းကဏ္ဍမှာရှိပါတယ်။ နောက်တစ်ခါ နိုင်ငံတော်ကာကွယ်ရေးတာဝန် ထမ်းဆောင်မှုအတွက် တပ်တွေကိုလည်း တကယ်စွမ်းရည်ရှိတဲ့ တပ်တွေ ကျွန်တော်တို့ဖြစ်အောင် လုပ်ပါ့မယ်။ နောက်တစ်ခါ ကျွန်တော်တို့ တပ်မတော်က ပြည်သူ့အကျိုးစီးပွားဖော်ဆောင်ဖို့ ပြည်သူကြားကပေါက်ဖွားလာတဲ့ တပ်မတော်ဖြစ်တဲ့အတွက်ကြောင့် ပြည်သူရဲ့အကျိုးစီးပွားကို ကာကွယ်စောင့်ရှောက်ပေးနိုင်မယ့် တပ်မတော်ဖြစ်ဖို့လိုပါတယ်။ နောက်တစ်ခါ ပြည်သူရဲ့အကျိုးစီးပွားကို ဖော်ဆောင်ပေးနိုင်တဲ့ တပ်မတော်လည်း ဖြစ်ဖို့လိုပါတယ်။ အဲဒီအတွက်ကြောင့် ကျွန်တော်တို့က ပြည်သူနဲ့ထိတွေ့မှုရအောင် အများကြီးကြိုးစားနေရတယ်။ ဒီကဏ္ဍတွေက ကျွန်တော့်ဆီမှာ အများကြီးရှိပါတယ်။ အထူးသဖြင့် မြန်မာနိုင်ငံရဲ့ ဝေးလံ ခေါင်ပါးတဲ့ဒေသတွေဆိုလို့ရှိရင် အများကြီးဆောင်ရွက်ပေးစရာလုပ်ငန်းတွေ ရှိတယ်။ အဲဒီတော့ ဒါတွေကို ကျွန်တော်က နံပါတ်တစ်အချက် က တပ်ကို ကောင်းအောင် လုပ်ပေး တယ်။ နံပါတ်နှစ် အချက်က စွမ်းရည်ရှိအောင်လုပ်ပါတယ်။ နံပါတ်သုံးအချက်ကတော့ ပြည်သူနဲ့ တစ်ဆက်တည်းဖြစ်အောင် ကျွန်တော်တို့လုပ်နေတယ်။ ဒီတာဝန်တွေဟာ အင်မတန် ကြီးမားတဲ့ အတွက်ကြောင့် ဒီအပေါ်မှာပဲ ကျွန်တော်အာရုံစိုက်ပြီး လုပ်နေပါတယ်။ နောက်တစ်ခါ နိုင်ငံရေး အဲ ခုနကပြောတဲ့ ခင်ဗျား ကျွန်တော့်ကိုမေးတဲ့ သမ္မတအခန်းကဏ္ဍနဲ့ ပတ်သက်ရင်တော့ အခြေအနေအချိန်အခါပေါ်မူတည်ပြီးတော့ ကျွန်တော်လုပ်ရလိမ့်မယ်။ ဘာဖြစ်လို့လည်းဆိုတော့ တကယ်လို့သာ ဒီဘက်ကို သွားအာရုံ စိုက်လိုက်မယ်ဆိုရင် ကျွန်တော်လုပ်နေတဲ့ ကိစ္စရပ်တွေအတွက် ကျွန်တော် အများကြီးအားလျော့သွားစရာအကြောင်းတွေရှိပါတယ်။ ဒါကြောင့် အခု အခြေအနေမှာ တော့ ကျွန်တော့်အနေနဲ့ ဆုံးဖြတ်ချက်ချဖို့ကိုရော ပြောဖို့ကိုရော စောသေးတယ်လို့ ကျွန်တော် ပြော ချင်ပါတယ်။

CNA - ခုနက ပြောခဲ့ပါတယ်။ ပြည်သူတွေကို ကာကွယ်စောင့်ရှောက်ဖို့ တာဝန်ရှိတယ်လို့ပြောပါတယ်။ အဲဒီအတွက် ခေါင်းဆောင် တစ်ယောက်အနေနဲ့ အခုရောလုပ်နိုင်ပြီလား။ သမ္မတဖြစ်ရင်ရော ပိုပြီးတော့ လုပ်နိုင်မယ်လို့ ထင်ပါသလား။

ဗိုလ်ချုပ်မှူးကြီး - အခုလည်း ကျွန်တော်လုပ်နိုင်တဲ့အခန်းကဏ္ဍမှာ ကျွန်တော်လုပ်နေတာတွေ ရှိပါတယ်။ တကယ်တမ်း ဆိုလို့ရှိရင်တော့ နိုင်ငံသား တစ်ယောက် အနေနဲ့ပြောရင်တော့ ဘယ်အခန်း ကဏ္ဍကနေပဲ ဖြစ်ဖြစ်ပါလို့ရပါတယ်။ အခုကျွန်တော်လုပ်နေတာကလည်း ပြောလို့ရှိရင်တော့ အမျိုးသားနိုင်ငံရေးကဏ္ဍပဲ ဖြစ်ပါတယ်။ ကျွန်တော်တို့နိုင်ငံမှာ အဓိကလိုအပ်ချက်က နံပါတ်တစ် အချက် တည်ငြိမ်အေးချမ်းရေးပေါ့။ နံပါတ်နှစ်အချက် စည်းလုံးညီညွတ်ရေးပေါ့။ ဒါတွေရသွားပြီး လို့ရှိရင်တော့ တိုင်းပြည်ဖွံ့ဖြိုးတိုးတက်အောင်လုပ်ရမှာပဲ။ ဒါတွေက နိုင်ငံသားတိုင်းမှာတာဝန်ရှိတယ်။ အဲဒီတော့ ကျွန်တော့် အနေနဲ့က နိုင်ငံသားတစ်ယောက်ဖြစ်တဲ့အတွက်ကြောင့် ဒီလုပ်ငန်းတွေကို ဘယ်နေရာမှာပဲ လုပ်ရလုပ်ရ အစွမ်းကုန်ကြိုးစား ဆောင်ရွက်သွားမယ်လို့ ကျွန်တော်ကတော့ ခံယူထားတယ်။

CNA - တည်ငြိမ်ရေးနဲ့အေးချမ်းရေးနဲ့ ဆက်စပ်လို့ပြောရမယ်လို့ဆိုရင် သမ္မတဖြစ်တဲ့အခါ ပိုပြီးတော့ များ လုပ်ဆောင်နိုင်မယ်လို့ ထင်ပါသလား။

ဗိုလ်ချုပ်မှူးကြီး -  ဒါကတော့သူ့နေရာနဲ့သူပါပဲ။ သမ္မတလည်း သူလုပ်နိုင်တဲ့အပိုင်းတွေ သူလုပ်မှာပဲ။ တချို့ကတော့လည်း ကူညီပေးရတာတွေရှိတယ်။ သူတိုက်ရိုက်လုပ်လို့မရတဲ့ဟာတော့လည်း ကူညီပေးရတာတွေရှိတယ်။ ဒါကြောင့် ကိုယ်ယူရတဲ့တာဝန်အပေါ်မူတည်ပြီးတော့ပဲ လုပ်နိုင်ခွင့် ရလိမ့်မယ်လို့ပဲ ကျွန်တော့်ကတော့ ထင်တယ်။

CNA - သမ္မတတစ်ယောက်ဖြစ်ဖို့အတွက် ရည်မှန်းချက်ပေးနိုင်ပါသလား။

ဗိုလ်ချုပ်မှူးကြီး - ကျွန်တော်ခုနကပြောခဲ့ပြီးသားဖြစ်ပါတယ်။ ကျွန်တော့်အနေနဲ့ကတော့ နိုင်ငံသားတစ်ယောက် ဖြစ်တဲ့အတွက်ကြောင့် နိုင်ငံအနေနဲ့၊ နောက် ကျွန်တော့်အတွေ့အကြုံ၊ ကျွန်တော့်မှာလည်း အတွေ့အကြုံ အများကြီးရှိပါတယ်။ အထိအတွေ့ အများကြီးရှိပါတယ်။ နောက်နိုင်ငံသားတစ်ယာက်လည်းဖြစ်တယ်။ နိုင်ငံသားတစ်ယောက်အနေနဲ့ကတော့ခုနက ပြောတဲ့သုံးချက်ပေါ့။ သုံးချက်က တည်ငြိမ်အေးချမ်းရေး၊ စည်းလုံးညီညွတ်ရေး၊ နောက် ဖွံ့ဖြိုး တိုးတက်ရေး၊ ဒီသုံးချက်ကို ကျွန်တော်ပြောခဲ့တယ်။ ဒါ နိုင်ငံသားတိုင်းကတော့ကျရာ နေရာကနေ တာဝန်ထမ်းဆောင်ရမှာဖြစ်တဲ့အတွက်ကြောင့် ကျွန်တော့်အနေနဲ့လည်း ဘယ်လိုပဲ တာဝန်ယူရ ယူရပေါ့။ ကျွန်တော့်အနေနဲ့ထမ်းဆောင်သွားမှာ ဖြစ်ပါတယ်။

CNA - နိုင်ငံတော်အေးချမ်းတည်ငြိမ်ရေးနဲ့ ဖွံ့ဖြိုးတိုးတက်ရေးဆောင်ရွက်တဲ့ နေရာမှာ တပ်မတော် ရဲ့အခန်း ကဏ္ဍကဘယ်လိုနေရာမျိုးတွေမှာ ပါနေပါသလဲ။

ဗိုလ်ချုပ်မှူးကြီး- တပ်မတော်ကတော့ တကယ်လုပ်နေတဲ့၊ တာဝန်ထမ်းဆောင်နေတာကတော့ နိုင်ငံတော် ကာကွယ်ရေး တာဝန်ကိုထမ်းဆောင်နေတာပဲဖြစ်ပါတယ်။ ကာကွယ်ရေးဆိုတဲ့အပိုင်းက တော်တော်လေး ကျယ်ပြန့် တယ်။ တိုက်ရိုက်လုပ်တဲ့ကာကွယ်ရေးလုပ်ငန်းတွေရှိသလို တိုက်ရိုက် လုပ်လို့မရတဲ့ ကာကွယ်ရေး လုပ်ငန်းတွေလည်းရှိတယ်။ အဲဒီတော့ခုနကပြောတဲ့ တပ်မတော် ဆိုတာလည်း ဒီတာဝန်ထဲကနေပြီးတော့ ထမ်းဆောင်လို့ရတဲ့ တာဝန်တွေအကုန်လုံး ထမ်းဆောင်မှာပဲ ဖြစ်ပါတယ်။ ဒါကြောင့် ကျွန်တော်တို့က နိုင်ငံတော်ကာကွယ်ရေးဆိုတဲ့ တာဝန်ထမ်းဆောင်တဲ့နေရာ မှာ အမျိုးသားနိုင်ငံရေး တာဝန်ထမ်းဆောင်မှုအပိုင်းနဲ့ ဆက်စပ်ပြီးတော့ လုပ်နေခြင်းဖြစ်ပါတယ်။ ဒါကြောင့် တပ်မတော်အနေနဲ့ကတော့ ရှေ့ဆက်ပြီးတော့လည်း ဖွဲ့စည်းပုံ အခြေခံဥပဒေမှာ ပြဌာန်း ထားတဲ့ အခန်း(၁)၊ ပုဒ်မ(၆)၊ ပုဒ်မခွဲ(စ)မှာပါတဲ့အနာဂတ် အမျိုးသားနိုင်ငံရေး တာဝန်ထမ်းဆောင်မှု အခန်းကဏ္ဍမှာ တပ်မတော်က ထမ်းရွက်နိုင်ခွင့်ရှိတယ်ဆိုတဲ့အတိုင်း အချက်လေးတစ်ချက်ပါတယ်။ ဒါကြောင့် ကျွန်တော်တို့ တပ်မတော်အနေနဲ့ကတော့ အမျိုးသားနိုင်ငံရေးတာဝန်ထမ်းဆောင်တဲ့အခန်း ကဏ္ဍကနေပြီးတော့ပဲ ဆက်လက်တာဝန်ထမ်းဆောင်သွားမယ်။ ဒါကလည်း ဥပဒေနဲ့အညီ ဖြစ်ရမှာပဲ ဖြစ်ပါတယ်။

CNA - ဗိုလ်ချုပ်မှူးကြီး ပြောခဲ့သလိုပြည်သူတွေအကျိုးကိုအမြဲတမ်း ရှေးရှုတယ်ဆိုတဲ့အတွက်ကြောင့် မို့လို့ လွှတ်တော်အမတ် ၂၅ ရာခိုင်နှုန်းဖယ်ရှားဖို့အတွက်ကို ကာကွယ်မှာလား၊ တားဆီးမှာလား။

ဗိုလ်ချုပ်မှူးကြီး- အဲဒါဆိုရင်တော့ နိုင်ငံတော်ရဲ့သမိုင်းလေးနဲ့ ဆက်စပ်ပြီးပြောမှရမယ်။ နိုင်ငံတော်ရဲ့ သမိုင်းနဲ့ တပ်မတော်ရဲ့သမိုင်းက ခွဲခြားလို့မရပါဘူး။ လွတ်လပ်ရေးကြိုးပမ်းမှုကာလမှာတပ်မတော်က ပြည်သူ့နဲ့ ပူးပေါင်းပြီးတော့မှ လွတ်လပ်ရေးရအောင်ယူခဲ့တယ်။ နောက် ဒီဘက်က တစ်လျှောက်မှာ လည်း နိုင်ငံတော်ရဲ့အရေးကြီးတဲ့အခန်းကဏ္ဍကနေပြီးတော့မှ တပ်မတော်ပါဝင်ခဲ့တယ်။ ဒီ အတွေ့ အကြုံတွေ တပ်မတော်မှာရှိတယ်။ နောက် ကျွန်တော်တို့အခုသွားနေတာက ပါတီစုံ ဒီမိုကရေစီ လမ်းကြောင်း၊ ပါတီစုံ ဒီမိုကရေစီလမ်းကြောင်းဆိုတာ ဥပဒေနဲ့အညီ တည်တည်ငြိမ်ငြိမ်သွားရမယ့် အခြေအနေရှိပါတယ်။ ဒီလိုသွားနိုင်ဖို့ဆိုလို့ရှိရင် အားလုံးက ပူးပေါင်းဆောင်ရွက်ဖို့လည်းလိုတာပေါ့။ ကျွန်တော်တို့ဒါက ဆောင်ရွက်ဖို့လိုတယ်။ နောက်တစ်ဖက်တည်းမှာပဲ ပြည်သူလူထုအနေနဲ့လည်း ဒီမိုကရေစီကျင့်ဝတ်တွေနဲ့အညီ၊ ကျင့်စဉ်တွေနဲ့အညီပေါ့၊ လိုက်ပါလုပ်ဆောင်နိုင်ဖို့လည်းလိုတယ်။ ဒါတွေကို ကျွန်တော်တို့ တပ်မတော်ကနေ ပြီးတော့မှ အားဖြည့်ပြီးတော့ ဆောင်ရွက်ပေးနေတာ ဖြစ်ပါတယ်။

CNA - ဒီမိုကရေစီလမ်းခင်းဖို့အတွက် ပြည်သူလူထုအများစုက ပုဒ်မ ၄၃၆ ကို ပြုပြင်ပြောင်းလဲဖို့ လိုလား နေပါတယ်။ အဓိကကတော့ အဲဒီ ၂၅ ရာခိုင်နှုန်း ပါဝင်မှုကိုဖယ်ရှားပေးဖို့ပဲဖြစ်ပါတယ်။ အဲဒါကရော။

ဗိုလ်ချုပ်မှူးကြီး - ဒါကလည်း စောစောကအချက်နဲ့တော့ ဆက်စပ်တယ်လို့ ပြောရလိမ့်မယ်။ ကျွန်တော့်အနေနဲ့ ဖွဲ့စည်းပုံ အခြေခံဥပဒေပြင်ဆင်ရေးနဲ့ ပတ်သက်လို့ရှိရင် ပြင်ဆင်နိုင်စရာရှိတဲ့ အချက်တွေကို ပြင်ဆင်ဖို့အတွက် ကျွန်တော့်အနေနဲ့လည်း ဘာမှပြောစရာအကြောင်းမရှိပါဘူး။ ဖွဲ့စည်းပုံအခြေခံဥပဒေမှာ ပြင်ဆင်ရေး နဲ့ပတ်သက်ရင် အခန်း (၁၂)မှာ ဖွဲ့စည်းပုံ အခြေခံ ဥပဒေပြင်ဆင်ရေးနဲ့ပတ်သက်တဲ့ ပုဒ်မတွေ သတ်မှတ်ထားတာရှိတယ်။ အဲဒီအထဲကနေပဲ ကျွန်တော်တို့ သွားရမှာဖြစ်ပါတယ်။ နောက်ဒီဥပဒေရေးတာလည်း ကျွန်တော်တို့ရေးတာမဟုတ်ဘူး။ ပြည်သူကို ကိုယ်စားပြုတဲ့၊ နောက်အလွှာအသီးသီးကို ကိုယ်စားပြုတဲ့ ကိုယ်စားလှယ်တွေပေါ့၊ အဲဒီ ကိုယ်စားလှယ်တွေကနေ ရေးခဲ့တာဖြစ်ပါတယ်။ ဒါလည်း သေသေချာချာ စဉ်းစားပြီးမှ လုပ်ခဲ့တဲ့ ကိစ္စပဲဖြစ်ပါတယ်။ ဒါ့ကြောင့် ဒီဥပေဒနဲ့အညီ ပြင်ဆင်ရေးဆောင်ရွက်တာနဲ့ ပတ်သက်လို့ ကျွန်တော်တို့အနေနဲ့ ဘာမှကန့်ကွက်စရာအကြောင်းလည်း မရှိဘူးလို့ ကျွန်တော်ပြောရလိမ့်မယ်။

CNA - ပြည်သူတွေကရေးခဲ့တဲ့ ပြည်သူ့အတွက်ဆိုလို့ရှိရင် အခုအချိန်မှာ ဒီဥပဒေတွေကို ပြင်ဆင်ဖို့ အတွက် အချိန်ကျရောက်ပြီလို့ထင်ပါသလား။

ဗိုလ်ချုပ်မှူးကြီး- ကျွန်တော်တို့ ပါတီစုံဒီမိုကရေစီစနစ်ကိုသွားတာ ၂၀၁၁ ခုနှစ်၊ မတ်လမှာ ကျွန်တော်တို့စခဲ့တာ၊ ၄ နှစ် အတွင်းမှာပဲရှိသေးတယ်၊ ကျွန်တော်တို့ အင်မတန် နုနယ်ပါသေးတယ်။ စောစောက ကျွန်တော်ပြောတဲ့ နိုင်ငံတော်ရဲ့သမိုင်းနဲ့ တပ်မတော်ရဲ့သမိုင်း ခွဲခြားလို့ မရဘူးလို့ ပြောတယ်။ အဲဒီတော့ ဒီအတွေ့အကြုံတွေအရ ကျွန်တော်တို့ပါတီစုံဒီမိုကရေစီစနစ်ကို သွားတဲ့အချိန် မှာ ကျွန်တော်တို့ သွားတဲ့စနစ်က ခိုင်ခိုင်မာမာဖြစ်ဖို့လိုတယ်။ နောက် ပါတီစုံဒီမိုကရေစီစနစ်မှာ အုပ်ချုပ်ရေး၊ ဥပဒေပြုရေး၊ တရားစီရင်ရေး ဒီ ၃ ခုဟာ လွတ်လွတ်လပ်လပ်နဲ့စနစ်တကျ ဆောင်ရွက် နိုင်ဖို့ အခွင့်အလမ်းတွေလည်း ရှိဖို့လိုတယ်။ နောက်လွှတ်တော်အနေနဲ့ ပြောမယ်ဆိုလို့ရှိရင်လည်း လွှတ်တော်မှာ လုပ်စရာအခန်းကဏ္ဍတွေ အများကြီးရှိတယ်။ ဒါတွေကို ကျွန်တော်တို့ အားဖြည့် ဆောင်ရွက်နိုင်ဖို့အတွက် တပ်မတော်ကနေပြီးတော့ ပါဝင်ဆောင်ရွက်ပေးနေတာဖြစ်တယ်လို့ ပြောလိုပါတယ်။

CNA - အခုအချိန်ဟာ လွှတ်တော်ရဲ့အတွေ့အကြုံက အရမ်းနည်းနေတယ်လို့ပြောကြတယ်။ ဒါပေမဲ့ နောင်တစ်ချိန်မှာ လွှတ်တော်ရဲ့အခန်းကဏ္ဍက ပိုမိုအားပြည့်နိုင်ဖို့၊ အားကောင်းဖို့အတွက် တပ်မတော် ရဲ့ ပါဝင်ပတ်သက်မှုကို ဘယ်လိုလျှော့ချမလဲ၊ အဲဒီအတောအတွင်းမှာ ဘယ်လိုစနစ်မျိုးနဲ့သွားရင် ကောင်းမယ်လို့ ထင်ပါသလဲ။

ဗိုလ်ချုပ်မှူးကြီး - စောစောက ကျွန်တော်ဖြေခဲ့သလို ကျွန်တော်တို့က ၄ နှစ်လောက်ပဲ အတွေ့အကြုံ ရှိသေးတာကိုး၊ နောက်တစ်ခါကျွန်တော်တို့ ဥပဒေပြုရေးနဲ့ပတ်သက်ရင် လွှတ်တော်မှာတာဝန်ရှိတယ်။ အဲဒီတော့ တပ်မတော်ကနေပြီးတော့မှ လွှတ်တော်မှာပါဝင်နေတဲ့ ကျွန်တော်တို့ ကိုယ်စားလှယ် တွေထဲကနေ ဥပဒေပြုရေးနဲ့ပတ်သက်တဲ့အခါမှာ အကြံပြုတာပဲရှိတယ်။ ကျွန်တော်တို့ကဘာမှ အဆုံးအဖြတ်ပေးလို့ မရဘူး။ ကျွန်တော်တို့က အကြံပြုမယ်။ ဒီဟာတော့ ဖြစ်သင့်တယ်။ ဒီဟာ တော့မဖြစ်သင့်ဘူး။ ဒါကို ကျွန်တော်တို့အကြံပြုတယ်။ ဆုံးဖြတ်တာတော့ လွှတ်တော်ကနေပြီး ဆုံးဖြတ်လိမ့်မယ်။ အဲဒီတော့ ကျွန်တော်တို့ပေးနိုင်တဲ့အကြံဥာဏ်တွေကို သူတို့သုံးနိုင်လဲသုံးပေါ့။ မသုံးနိုင်ဘူးဆိုလည်း ကိစ္စမရှိပါဘူး။ အဲဒီတော့ ဒီမိုကရေစီကျင့်စဉ်နဲ့ ပတ်သက်လို့ရှိရင် စောစောက လွှတ်တော်က ဆောင်ရွက်နေတဲ့ ကိစ္စရပ်တွေမှန်မှန်ကန်ကန် ဆောင်ရွက်နိုင်ပြီလို့ဆိုရင် အဲဒီ အခြေအနေအပေါ်မှာ မူတည်ပြီးတော့ နောင်ဖြစ်လာမယ့် အခြေအနေကိုပဲ ဆက်လက် ဆောင်ရွက် သွားမှာပဲဖြစ်ပါတယ်။

CNA - ဥပမာ သူတို့အားလုံးသိတာကတော့ လွှတ်တော်မှာ တပ်မတော်ရဲ့ ပါဝင် ပတ်သက်မှု ၂၅ ရာခိုင်နှုန်းက တပ်မတော်ကိုအထောက်အပံ့ ပြုနိုင်တဲ့ တရားစီရင်ရေးဥပဒေကို ပြဌာန်းနိုင်ဖို့အတွက် အများကြီး အထောက်အကူပြုနေပါတယ်။ အဲဒီ ၂၅ ရာခိုင်နှုန်းကို မဖယ်ရှားပဲနဲ့တော့ လွတ်လွတ်လပ်လပ် လျှောက်လှမ်းနိုင်မယ်လို့ထင်ပါသလား။

ဗိုလ်ချုပ်မှူးကြီး- အဲဒီလိုတော့ မဟုတ်လောက်ဘူး၊ အဲဒီလိုတော့ မဟုတ်ဘူး။ သူတို့အကုန်လုပ်လို့ ရနေတာ။ ဥပမာအားဖြင့် လွှတ်တော်မှာ ကျွန်တော်တို့က ၂၅ ရာခိုင်နှုန်းပါနေတယ်ဆိုတော့ ၇၅ ရာခိုင်နှုန်း မဲပေးလို့ ရတာတွေလည်းရှိပါတယ်။ ဥပမာတစ်ခု ပြမယ်ဆိုလို့ရှိရင် အများရဲ့ မဲဆန္ဒ၊ ထောက်ခံတဲ့ မဲ နဲ့ အတည်ပြုလို့ရတဲ့ ဥပဒေတွေ အများကြီးရှိနေပါတယ်။ ကျွန်တော်တို့  ၂၅ ရာခိုင်နှုန်းက ထောက်ခံမှမဟုတ်ဘူး။ ကန့်ကွက်မှ မဟုတ်ဘူး။ ကျွန်တော်တို့ ၂၅ ရာခိုင်နှုန်းက ထောက်ခံသည်ဖြစ်စေ၊ မထောက်ခံသည် ဖြစ်စေ၊ အများစုက ထောက်ခံတယ်ဆိုပြီးတော့ အတည်ပြု ပြဌာန်းလို့ရတဲ့ ဥပဒေတွေ လုပ်ငန်းရပ် နယ်ပယ်တွေ များစွာရှိတယ်။ တစ်ဘက်ကတော့ ဒီလိုကြီးတော့ သွားနေလို့မရဘူး။ ကျွန်တော်တို့ တစ်ချို့ဟာတွေမှာတော့ ထိန်းထားတဲ့ဟာတွေ ရှိပါတယ်။ ကန့်သတ်ထားတဲ့ဟာတော့ ရှိပါလိမ့်မယ်။ ဒါပေမယ့် ဒါတွေက သိပ်အကျိုး သက်ရောက်မှု မရှိပါဘူး။

CNA - ဥပမာပြောရမယ်ဆိုရင်တော့ အခြေခံဥပဒေကိုပြင်ဆင်ဖို့အတွက် ၇၅ ရာခိုင်နှုန်းထက် ပိုပြီးတော့ လိုအပ်ပါတယ်။ ဒီအတွက်ကြောင့်မို့လို့ တပ်မတော်ရဲ့အရေးပါမှုက ဘယ်လိုရှိပါသလဲ။

ဗိုလ်ချုပ်မှူးကြီး - အခြေခံဥပဒေဆိုတာ ကျွန်တော်တို့နိုင်ငံတစ်နိုင်ငံမှာရှိတဲ့ ဥပဒေတွေရဲ့ မိခင်ဥပဒေပဲဖြစ်တယ်။ ဒီ အခြေခံဥပဒေကိုရေးတဲ့ အခါမှာလည်း သေသေချာချာစဉ်းစားပြီးတော့မှ ကျွန်တော်တို့ ရေးတယ်။ နောက်ဒီဥပဒေရေးတဲ့အခါတုန်းကလည်း နိုင်ငံတော်ရဲ့ သမိုင်းကြောင်းပေါ့။ နောက်ထုံးတမ်းစဉ်လာ တွေပေါ့။ နောက် တိုင်းရင်းသားလူမျိုးတွေရဲ့အခြေအနေတွေ၊ အဲဒီ အခြေအနေတွေအပေါ်မှာ အကုန်လုံးချင့်ချိန်ပြီးတော့မှ၊ နောက်တစ်ချက်ရှိသေးတယ် တိုင်းပြည်ရဲ့ တည်နေရာ၊ တိုင်းပြည်ရဲ့ တည်ရှိမှုပေါ့။ တိုင်းပြည်ရဲ့တည်ရှိမှုအပေါ်မူတည်ပြီးတော့မှ ကျွန်တော်တို့ ဒီအခြေခံဥပဒေကို သေသေ ချာချာစဉ်းစားပြီးတော့မှရေးခဲ့တာဖြစ်တယ်။ နောက်တစ်ခါ ဥပဒေ ဆိုတာ လည်း မကြာခဏ ပြင်လို့ မကောင်းဘူး။ ဥပဒေတစ်ခုက ခိုင်ခိုင်မာမာဖြစ်ဖို့တော့လိုတယ်။ ဥပဒေတစ်ခုကို ကိုယ်လိုရာ စွဲပြီးတော့မှ ပြင်ဆင်ချက်တွေမကြာခဏထွက်နေမယ်ဆိုရင် တည်ငြိမ်မှု ကို အများကြီးထိခိုက်သွားနိုင်တယ်။ ဒါကြောင့် လွယ်လွယ်ကူကူနဲ့ ပြင်လို့ရတဲ့ဥပဒေတွေရှိသလို၊ လွယ်လွယ်ကူကူနဲ့ပြင်လို့ မရတဲ့ဥပဒေဆိုတာလည်းရှိတယ်။ ခုနကပြောသလိုပေါ့။ ဒီ ဖွဲ့စည်းပုံအခြေခံ ဥပဒေဆိုတာ နိုင်ငံတစ်နိုင်ငံရဲ့ ပင်မမိခင်ဥပဒေတစ်ခုဖြစ်တယ်။ ဒါကြောင့် ဒါနဲ့ပတ်သက်ပြီးလို့ရှိရင်  တော့ သေချာ ချိန်ဆပြီးတော့မှပြင်လို့ရအောင် ကျွန်တော်တို့က ဒီဥပဒေကိုရေးဆွဲစဉ်က လိုအပ်တဲ့ ပုဒ်မတွေ ထည့်ထားခြင်းဖြစ်ပါတယ်။

CNA - ဒီအခန်းကို ဘယ်အချိန်မှာပြင်ဖို့ သင့်တော်မယ်လို့ထင်ပါသလဲ။

ဗိုလ်ချုပ်မှူးကြီး - ဒါကလည်း စောစောကပြောတဲ့ ဒီမိုကရေစီရဲ့အတွေ့အကြုံ၊ နိုင်ငံတော်ရဲ့ တည်ငြိမ် အေးချမ်းမှု၊ နိုင်ငံတော်၏စည်းလုံးညီညွတ်မှု၊ ဒီအပေါ်မှာ အများကြီးစကားပြောလိမ့်မယ်။ အဲဒါက အချိန် အတိအကျပြောဖို့ဆိုတာ ခက်တော့ခက်တယ်။ ဥပမာ- ကျွန်တော်တို့ဆီမှာ လက်ရှိ အခြေအနေက တိုင်းရင်းသား လက်နက်ကိုင် ပဋိပက္ခတွေ ဖြေရှင်းလို့မပြီးသေးဘူး။ ဒါတွေကို ကျွန်တော်တို့ဖြေရှင်းဖို့အတွက် ဆောက်ရွက်ဆဲကာလဖြစ်တယ်။ ဒီအပေါ်မှာဘယ်လို ရလဒ်တွေ ထွက်လာမလဲဆိုတာ မသိသေးဘူး။ အဲဒီတော့ ဒီအပေါ်ရဲ့ရလဒ်အပေါ်မူတည်ပြီး တိုင်းပြည်ရဲ့ တည်ငြိမ်အေးချမ်းမှုဘယ်လောက် အာမခံချက် ရှိမလဲ၊ မရှိလဲဆိုတာက စကားပြောလိမ့်မယ်။ ဒါကြောင့် ဒါကတော့ နည်းနည်းလေး စောင့်ကြည့်ဖို့လိုလိမ့်မယ်ထင်တယ်။

CNA - ဒါဆိုလို့ရှိရင် နှစ်ဖက်အပစ်အခတ် ရပ်စဲရေးစာချုပ်ရေးပြီးနိုင်တဲ့အထိ ဒီ-၄၃၆ ကိုမပြင်ဘူးလို့ ပြောလို့ရသလား။
ဗိုလ်ချုပ်မှူးကြီး -  ဒီလိုတော့ဘယ်လိုမှမပတ်သက်ပါဘူး။ အခြေအနေအမျိုးမျိုးပေါ်မှာ တည်ပြီးတော့ ပြောရမယ်။ ဒါကလည်း ဥပဒေအရပြောမယ်ဆိုရင် ပုဒ်မ-၄၃၆ ကိုပဲ မူတည်ပြီးပြောနေကြတာ၊ တကယ်တော့ အမျိုးမျိုး စဉ်းစားလို့ရတယ်။ ဒါ ခင်ဗျားတို့က တပ်ရဲ့အနေအထားကို ကြည့်ပြီးတော့ ၄၃၆ ကိုပြောတာ။ တကယ်လို့ တပ်ရဲ့အနေအထား တစ်မျိုးဖြစ်မယ်ဆိုရင် ၄၃၆ က ပြင်ဆင်ရေး မပြင်ဆင်ရေးဟာ အဓိပ္ပါယ် တစ်မျိုးထွက်သွားနိုင်တယ်။ ဒါကြောင့် ကျွန်တော့်အနေနဲ့ကတော့ ဒီဟာနဲ့ပတ်သက်ပြီး တော်တော်လေးချိန်ဆပြီး  လုပ်ရမယ့်သဘောမှာရှိတယ်လို့ ပြောချင်တယ်။

CNA - အဲဒါကိုမပြင်ချင်တာ ဘာအတွက်စိတ်ပူလို့ပါသလဲ။

ဗိုလ်ချုပ်မှူးကြီး- ဘာမှစိတ်ပူစရာအကြောင်းမရှိဘူး။ ဘာဖြစ်လို့လဲဆိုတော့ ဒီ ဥပဒေရေးတုန်းက ပြည်သူတွေရဲ့ ဆန္ဒနဲ့ ရေးတာ၊ ပြည်သူရဲ့ဆန္ဒအရ ပြင်ဆင်တဲ့အချက်တွေ ဖြစ်လာမယ်ဆိုရင် ကျွန်တော်တို့အနေနဲ့ ဒီဟာကို လိုက်နာရမှာပဲဖြစ်တယ်။ ဘာမှဒီဟာကို ကျွန်တော်တို့ စိတ်ပူစရာ အကြောင်းမရှိဘူး။

CNA -  ပြည်သူတွေက အခုအချိန်မှာ ပြင်ဆင်လိုပါတယ်။ အဲဒီအတွက်ရော။

ဗိုလ်ချုပ်မှူးကြီး - ဒါကတော့ လွှတ်တော်မှာ ဖွဲ့စည်းပုံအခြေခံဥပဒေပြင်ဆင်ရေးနဲ့ပတ်သက်ပြီး လုပ်ဆောင်နေတာ တွေ့ရှိပါတယ်။ အဲဒီကနေ ဆက်လက်ဆောက်ရွက်တဲ့ အဖြေအပေါ်မှာဘဲ ကြည့်ရပါလိမ့်မယ်။

CNA - ခုနကပြောခဲ့သလို ပါလီမန်ရဲ့အတွေ့အကြုံဟာလည်း နုနယ်သေးတယ်။ ဒီမိုကရေစီကလည်း သက်တမ်းနုသေးတယ်ဆိုရင် ဒီလိုအခြေအနေမျိုးရောက်အောင် ဒီမိုကရေစီသက်တမ်း မြှင့်ပြီးတော့ ပါလီမန်ရဲ့အစွမ်းတွေပြည့်ဝအောင် ဘယ်လိုအချက်တွေလိုပါသလဲ။အဲဒီအချိန်ကျရင် ဘယ်လိုပုံစံမျိုးနဲ့ လျော့ချမလဲ၊ တစ်ဖြည်းဖြည်းလျော့မလား၊ လုံးဝကိုဖယ်ထုတ်လိုက်မလား သိချင်ပါတယ်။

ဗိုလ်ချုပ်မှူးကြီး - ဒါကလည်း ခုနပြောတဲ့ဖြတ်သန်းမယ့်လမ်းကြောင်းပေါ်မှာလည်း အများကြီး မူတည်ပါသေးတယ်။ ကျွန်တော်တို့အနေနဲ့ ခုနက ခင်ဗျားမေးတဲ့ ထိန်းသိမ်းထားတဲ့ အခြေအနေနဲ့ ပတ်သက်ပြီး ပြောရလို့ရှိရင် တပ်မတော်အနေနဲ့နိုင်ငံတော်ရဲ့ အာဏာတွေနဲ့ပတ်သက်ရင် ဥပဒေအရ ပြဌာန်းထားတဲ့အတိုင်းပဲ လုပ်လို့ရတယ်။ ကျွန်တော်က တပ်မတော်ရဲ့ ကာကွယ်ရေးဦးစီးချုပ်၊ တပ်မတော်ကိုပဲ Control လုပ်လို့ရမယ်၊ ထိန်းသိမ်းလို့ရမယ်။ နိုင်ငံတော်ကိုတကယ်ထိန်းသိမ်းတာက ခုနပြောတဲ့ ဟိုဘက်က အစိုးရ၊ လွှတ်တော်၊ တရားစီရင်ရေး ကဏ္ဍသုံးခုက သူ့ကဏ္ဍနှင့်သူ ထိန်းကျောင်းသွားတာဖြစ်တယ်။ ဒါပေမယ့် နိုင်ငံရဲ့အကြီးအကဲကတော့ သမ္မတ၊ အဲဒီတော့ သမ္မတရဲ့ ဦးဆောင်မှုအောက်မှာ ဥပဒေနဲ့ အညီအားလုံးသွားရတာဖြစ်တယ်။ အဲဒီတော့ ဒီလိုသွားနေတဲ့ ကာလပတ်လုံး နံပါတ်တစ်အချက် ကျွန်တော်ကတော့ အခက်အခဲ မရှိနိုင်ဘူးလို့ ယူဆတယ်။ တစ်ဘက်ကလည်း ခုနပြောတဲ့ တပ်မတော်ရဲ့ အခန်းကဏ္ဍ လျော့ချမှုနဲ့ ပတ်သက်လို့ရှိရင် နိုင်ငံတော်ရဲ့ဖြစ်ပေါ်တိုးတက်မှုတွေအပေါ်မူတည်ပြီးတော့ပဲ ဖြစ်သွားလိမ့်မယ်လို့ ကျွန်တော်ပြောချင်ပါတယ်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် CNA သတင်းဌာနတို့၏ တပ်မတော်နှင့် အမျိုးသားနိုင်ငံရေးတာဝန်၊ ဖွဲ့စည်းပုံအခြေခံ ဥပဒေပြင်ဆင်ရေး၊ နိုင်ငံတော်၏ အရေးပေါ်အခြေအနေနှင့် တပ်မတော်၏ လုပ်ငန်း တာဝန်ဆိုင်ရာများနှင့်ပတ်သက်၍ အမေးအဖြေကဏ္ဍ(အပိုင်း ၂)

နေပြည်တော်၊ ဇန်နဝါရီ-၂၁

CNA - ထိုင်းနိုင်ငံနဲ့ပတ်သက်ပြီး သူတို့နိုင်ငံရဲ့အာဏာသိမ်းမှုကို ထောက်ခံခဲ့တယ်လို့ သိရတယ် ဘာကြောင့် ပါလဲ။

ဗိုလ်ချုပ်မှူးကြီး - ကျွန်တော်ပြောခဲ့တဲ့ တပ်မတော်ရဲ့တာဝန်က နိုင်ငံတော်ကာ ကွယ်ရေးတာဝန်ထမ်းဆောင်ဖို့ဖြစ်တယ်။ နိုင်ငံတော်ကာကွယ်ရေးဆိုတဲ့နေရာမှာလည်း တိုင်းပြည်ကို လုံခြုံအောင်လုပ်ဖို့၊ နောက်ပြီး ပြည်သူ လူထု၏အသက်အိုးအိမ်စည်းစိမ် မထိခိုက်အောင်ကာကွယ်ဖို့ ဒါလည်းအကျုံးဝင်ပါတယ်၊ တစ်ကယ် တော့ နိုင်ငံတစ်နိုင်ငံကို ဖွံ့ဖြိုးတိုးတက်အောင်လုပ်ဖို့ဆိုတာ အုပ်ချုပ်တဲ့အစိုးရ၊ နောက်တစ်ခု က တရားဥပဒေစိုးမိုးမှု၊ တည်ငြိမ်အေးချမ်းမှုရှိအောင်လုပ်ဖို့ဆိုတာ အုပ်ချုပ်ရေးအဖွဲ့အစည်းနဲ့ ရဲတပ်ဖွဲ့ရဲ့ တာဝန်ဖြစ်တယ်၊ ဒါတွေကို မလုပ်နိုင်ဘူးဆိုရင် အဲဒီလုပ်ငန်းရပ်တွေကို ကူညီဆောင်ရွက်ပေးနိုင်တာ ခိုင်မာတဲ့အဖွဲ့အစည်းက တပ်မတော်ပဲရှိတယ်၊ ဘယ်မှာပဲကြည့်ကြည့် ဒီလိုပဲသွားနေတယ်၊ စောစောကကျွန်တော် ပြောခဲ့တယ် ဒီထိုင်းနိုင်ငံနဲ့ ဘင်္ဂလားဒေ့ရ်ှနိုင်ငံ ရွေးကောက်ပွဲ ကိစ္စပြောခဲ့တယ်။ အဲတော့ထိုင်းနိုင်ငံမှာလည်း အာဏာရပါတီ၊ အာဏာရအစိုးရ အနေနဲ့ သူဘယ်လောက်ပဲတိုင်းပြည် အတွက်လုပ်လုပ် တစ်ဖက်အဖွဲ့ အစည်းက သူ့ကိုကန့်ကွက်တာတွေသွားကြုံရတယ်။ သွားကြုံရတဲ့ အခါကျတော့ သူတို့နှစ်ပါတီက အတိုက်အခံနဲ့အာဏာရ ပါတီနဲ့ ကညှိနှိုင်းတာပဲလုပ်ကြတယ်။ ဒါပေမယ့် ဘယ်လိုမှလုပ်လို့မရဘူး၊ ညှိလို့မရဘူး၊ ဒီထဲမှာကြားညပ်နေတာက ပြည်သူလူထုပဲ၊ တပ်မတော်အနေနဲ့လဲအဲဒီတုန်းက အတတ်နိုင်ဆုံးညှိပေးတယ်၊ နောက်ဆုံးဘယ်လိုမှ ညှိလို့မရတဲ့အခါကျမှ နိုင်ငံတော်ရဲ့အခြေ အနေအရပ်ရပ်ကိုသူတို့ထိန်းလိုက် တာဖြစ်တယ်၊ ဘာသွေးထွက် သံယိုမှမရှိဘူး၊ ကျွန်တော်တို့နိုင်ငံမှာ အဲလိုအရေးအခင်းတစ်ခု ရှိခဲ့ဘူးတယ်၊ ၁၉၈၈ ခုနှစ်ကဖြစ်တယ်၊ အဲဒီတုန်းက အာဏာရ ပါတီဖြစ်တဲ့ စောစောကပြောတဲ့ မြန်မာ့ဆိုရှယ်လစ် လမ်းစဉ်ပါတီ အစိုးရက တိုင်းပြည်ကိုဘယ်လိုမှ ထိန်းသိမ်းနိုင်တဲ့ အခြေအနေ မရှိဘူး၊ မရှိတော့မထိန်းသိမ်းနိုင်တဲ့အခြေအနေ အပြင်ကို တိုင်းပြည် အတွင်းမှာ ဆူပူမှုတွေရော အကြမ်းဖက်မှုတွေရော နောက်ဆုံး လူသတ်မှု တွေအထိဖြစ်လာတယ်၊ ဒါဒီဘက်က တရားဥပဒေ စိုးမိုးရေး၊ နောက်လုံခြုံရေးအပိုင်းပေါ့၊ လုံခြုံရေး အပိုင်းဆိုရင်လည်း နယ်စပ်ဒေသတွေမှာ တိုင်းရင်းသားလက်နက်ကိုင်အဖွဲ့ တွေကနေ တိုင်းပြည်ရဲ့တည်ငြိမ်အေးချမ်းမှုနဲ့ တိုင်းပြည်ရဲ့အချုပ်အခြာအာဏာ ထိခိုက်နိုင်မယ့်အခြေအနေမျိုးထိကို ခြိမ်းခြောက် မှုတွေရှိလာတယ်၊ ဒါကြောင့်တပ်မတော်က အခြေအနေ အရပ်ရပ် ကို ထိန်းပေးခဲ့တာ၊ ထိုင်းနိုင်ငံရဲ့ဖြစ်စဉ်ထက် ကျွန်တော်တို့က အများကြီးဆိုးတယ်၊ ဒါပေမယ့် ထိုင်းနိုင်ငံက သွေးထွက်သံယိုမှုမရှိဘဲ တိုင်းပြည်အခြေ အနေကို ထိန်းသိမ်းပေးလိုက်တာ၊ ပြည်သူလူထုကိုအကာကွယ် ပေးတာနဲ့ အတူတူပဲ၊ ဒါကြောင့် ကျွန်တော်က သူတို့လုပ်တာကို ထောက်ခံပေးတာဖြစ်တယ်၊ တစ်ကယ်တော့ ဘယ်လိုပဲရိုးရိုး ရှင်းရှင်းစဉ်းစား ကြည့်မယ်ဆိုရင် ဒီကလွဲလို့ရှိရင် တစ်ခြားရွေး စရာလမ်းမရှိပါဘူး၊ သူတို့အနေနဲ့ ဥပဒေနဲ့အညီ ဖြစ်အောင်ဆက် လုပ်ဖို့ တော့လိုပါလိမ့်မယ်။

CNA - ထိုင်းနိုင်ငံမှာ အစိုးရနဲ့အတိုက်အခံကြား ပဋိပက္ခဖြစ်တဲ့အတွက် စစ်တပ်ကအာဏာသိမ်းခဲ့တယ်၊ ဒါဆိုမြန်မာပြည်မှာရော အဲလို ဖြစ်လာရင်ဘယ်လို လုပ်မှာလဲ။

ဗိုလ်ချုပ်မှူးကြီး - ကျွန်တော်တို့ ဒီလိုအခြေအနေမျိုးအထိ ကျွန်တော်တို့က လုံးဝ မမျှော်လင့်ထားဘူး၊ တစ်ကယ်လို့လည်း အခြေအနေအရ ဘယ်လိုမှဖြစ်တည်မလာဘူး ဆိုရင်တော့ ဥပဒေအရ သွားရမှာပဲ ဖြစ်တယ်။ အဲလိုဥပဒေနဲ့အညီ လုပ်ဆောင်နိုင်ဖို့အတွက်လည်း ကျွန်တော်တို့နားလည်မှုတော့ လိုပါတယ်။

CNA -  ထိုင်းနိုင်ငံမှာလိုပဲ မြန်မာပြည်မှာ တရားဥပဒေစိုးမိုးရေးအတွက် လိုအပ်တဲ့အခါမှာ အာဏာသိမ်းဖို့ဖြစ်နိုင်သလား။
ဗိုလ်ချုပ်မှူးကြီး - မဖြစ်နိုင်ဘူး၊ ဥပဒေရှိတယ်၊ ဥပဒေနဲ့ပဲသွားရမယ်။

CNA -  မြန်မာပြည်မှာစစ်တပ်ကအာဏာသိမ်းဖို့ မဖြစ်ဘူးလို့်ပြောတာလား။
ဗိုလ်ချုပ်မှူးကြီး - ဖွဲ့စည်းပုံအခြေခံဥပဒေမှာ လုပ်ဆောင်မယ့်အချက်အလက်တွေ ရှိပါတယ်။ ဒါကြောင့်ဖွဲ့စည်းပုံအခြေခံဥပဒေကို ကျော်လွန်ပြီး ကျွန်တော်တို့ ဘာမှလုပ်လို့မရပါဘူး။ ကျွန်တော်တို့တပ်မတော် အနေနဲ့လည်းဖွဲ့စည်းပုံ အခြေခံဥပဒေကို ကာကွယ်စောင့် ရှောက်ရ မယ်လို့ပါထားတာရှိတယ်။ ဒါကြောင့်အခြေခံဥပဒေမှာ ပြဌာန်းထား တဲ့အတိုင်း ဆောင်ရွက်ရမှာဖြစ်တယ်။

CNA - အခုဆိုရင်ပြည်သူတွေက သူတို့ရဲ့ရပိုင်ခွင့်နဲ့ပတ်သက်ပြီးတော့ ဆန္ဒပြတာတွေရှိတယ် ပိုပြီးတော့ကျယ်ကျယ်လောင်လောင် တောင်းဆို လာတာတွေရှိတယ် အဲ့တော့လာမယ့်ရွေးကောက်ပွဲမှာ ထိန်းသိမ်းရ ခက်မယ့် အခြေအနေမျိုး ဖြစ်လာနိုင်တယ် အဲလိုအခြေအနေမျိုး ရောက်လာရင်ဘယ်လိုများ ဆောင်ရွက်မလဲ။

ဗိုလ်ချုပ်မှူးကြီး - ကျွန်တော်တို့ကတော့ဒီလိုမျိုးအခြေအနေဆိုးတွေမဖြစ်အောင် ထိန်းသိမ်းမှာပေါ့၊ စောစောကကျွန်တော်ပြောခဲ့ပါတယ် ကျွန်တော် တို့က ၁၉၆၂ ခုနှစ်ကနေပြီး တော့ ၂၀၁၁ ခုနှစ်မတ်လ အထိ ဗဟိုချုပ်ကိုင်မှုအစိုးရကနေပြီး သွားခဲ့တဲ့အတွက်ကြောင့် ပြည်သူတွေ မှာ ခံစားချက်ရှိနိုင်တယ်။ ဒီခံစားချက်တွေကိုပြောလာတဲ့ အခါမှာ ကျွန်တော်တို့က ဥပဒေနဲ့အညီဖြစ်အောင်ဖြေရှင်းဆောင်ရွက် ပေးနေပါတယ်။ ဆောင်ရွက်ပေးနေတဲ့ကိစ္စရပ်တွေလည်းအများကြီး ရှိပါတယ်၊ အဓိကကတော့ ပြင်ပကနေ အားပေးလှုံဆော်မှုတွေ မဖြစ်ဖို့အရေးကြီးတယ်၊ နောက်ပြည်သူ လူထုတွေအနေနဲ့ လည်းတရားဥပဒေအပေါ်မှာ အလေးထားမှု ဆိုတာလိုအပ်တယ်၊ ကျွန်တော်တို့တွေက ဗုဒ္ဓဘာသာကိုးကွယ်တဲ့ လူအများစုဖြစ်ပါတယ်။ မြန်မာလူမျိုးတွေက စိတ်ရှည်သည်းခံတဲ့ အလေ့အထ၊ အလေ့ အကျင့်တွေရှိပြီးသားဖြစ်တယ်။ ဒါတွေကို သေသေချာချာ ထိန်းသိမ်း ဆောင်ရွက်သွားမယ်ဆိုရင် ဆိုးရွားတဲ့ ပဋိပက္ခတွေဖြစ်မလာနိုင်ဘူးလို့ ကျွန်တော်ကတော့ထင်ပါတယ်။ ဒီလိုပဲယုံကြည်ထားတယ်။ တစ်ကယ်လို့ဖြစ်လာလို့ဆိုရင်လည်း ဥပဒေနဲ့အညီဖြစ်အောင် သူတို့ကိုစနစ်တကျ ထိမ်းရမှာဖြစ်ပါတယ်။အရေးကြီးတာကတော့ နားလည်မှုပါပဲ၊ နောက်တစ်ခုက ပထမဦး ဆုံးပြောခဲ့တဲ့ အရေး အကြီးဆုံး အချက်ကတော့ သူတို့ကိုအပြင် ကနေပြီးတော့ အားပေး လှုံဆော်မှုတွေမပြုဘို့ အရေးကြီးပါတယ်။ တစ်ချို့ကလည်းခံစားချက် ရှိတော့ ခံစားချက်ပေါ်မှာ လှုံဆော်မှုနဲ့ ပေါင်းစပ်လို့ရှိရင် ဒီလို ပေါက်ကွဲမှုတွေဖြစ်သွားနိုင်စရာ အကြောင်းရှိပါတယ်၊ ဒါတွေ မဖြစ်အောင်ပြည်သူလူထု တစ်ဦးတည်း တင်မဟုတ်ဘဲ ပတ်ဝန်းကျင် အခြေအနေနဲ့ အများကြီးဆိုင်တယ်လို့ ပြောရလိမ့်မယ်။

CNA -  အပြင်ကလှုံ့ဆော်မှုဆိုတာဘယ်လိုမျိုးတွေကို ပြောတာပါလဲ။

ဗိုလ်ချုပ်မှူးကြီး - အခုနကပြောတဲ့ တိုက်ရိုက်ခံစားချက်ရှိတဲ့လူတွေမဟုတ်ဘဲ၊ သူတို့နဲ့ မသက်ဆိုင်တဲ့ အဖွဲ့အစည်းတွေက မင်းတို့လုပ်တာမှန်တယ်၊ မင်းတို့ လုပ်တာဆက်လုပ်ရမယ်ဆိုပြီးတော့ ခံစားချက်ကို ပိုမိုပြင်းထန် အောင် လုပ်ပေးတဲ့ဟာမျိုးကိုပြောတာပါ၊ သူတို့ကိုယ်တိုင်မဟုတ်ဘူး သူတို့နဲ့မသက်ဆိုင်တဲ့ အဖွဲ့အစည်း တွေကလုပ်ပေးတာကိုပြောတာ။

CNA - စောစောကပြောတဲ့ ပြင်ပလှုံ့ဆော်တဲ့ အဖွဲ့အစည်းတွေက ဘယ်လောက်အင်အားကြီးနေပါသလဲ၊ ဘယ်လိုအခြေအနေမျိုးမှာ တပ်မတော်က နောက်ထပ်ခြေတစ်လှမ်းတိုးပြီး ဆောင်ရွက်မှာလဲ။

ဗိုလ်ချုပ်မှူးကြီး- ဒါကတော့အခြေအနေပေါ်မှာအများကြီးတည်တယ်၊ ဥပမာ သူတို့ အားပေးလုပ်ဆောင်မှုက နည်းရင် နည်းတဲ့အတိုင်းအတာ အလျောက်ကျွန်တော်တို့ ဖြေရှင်းရမယ်၊ များရင်များတဲ့အတိုင်း အတာအလျောက်ဖြေရှင်းရမှာရှိတယ်၊ ကျွန်တော်တို့ မှာဥပဒေရှိ တယ်၊ တရားဥပဒေစိုးမိုးရေးနှင့်ပတ်သက်ပြီး တရားသူကြီးကစပြီးလုပ် ရတာရှိတယ်၊ အုပ်ချုပ်ရေးကလုပ်ရတာရှိတယ်၊ ရဲတပ်ဖွဲ့က လုပ်ရတာရှိတယ်၊ ရဲတပ်ဖွဲ့ကလုပ်လို့ မရတာဆိုရင် တပ်မတော်ကို အကူအညီတောင်းရတာရှိတယ်၊ ဒါတွေကလည်းအခြေခံ ဥပဒေမှာ ပြဌာန်းထားတာရှိတယ်၊ ဒီလိုပဲတစ်ဆင့်ပြီးတစ်ဆင့်သွားရတယ်၊ မထိန်းသိမ်းနိုင်ဘူးဆိုပြီးတော့မှ ကျွန်တော်တို့က ကျော်ပြီး လုပ်လို့ မရဘူး၊လုပ်နိုင်တဲ့အဖွဲ့အစည်းတွေရှိပြီးသား၊ အုပ်ချုပ်ရေးအဖွဲ့ အစည်းရှိတယ်၊ တရားဥပဒေစိုးမိုးရေးလုပ်နေတဲ့ ရဲတပ်ဖွဲ့ရှိတယ်၊ အဲဒီက နေလုပ်လို့မရဘူးဆိုမှသာ တပ်မတော်ကဆောင်ရွက်ပေးဖို့ အတွက်ကို သက်ဆိုင်ရာအမိန့်ပေးပိုင်ခွင့်ရှိတဲ့ ပုဂ္ဂိုလ်ကနေမှ ဆောင်ရွက်ဖို့ကို ကျွန်တော်တို့ကိုပြောမှသာ တပ်မတော်က လုပ်လို့ရမှာဖြစ်တယ်။

CNA -  အဲလိုလုပ်ဖို့က ဘယ်လိုအခြေအနေမျိုးကိုဆိုပါသလဲ။

ဗိုလ်ချုပ်မှူးကြီး- ဘယ်လိုမှထိန်းမရတော့ဘူးဆိုရင်၊ အခြေအနေမျိုးရောက်လာရင် သက်ဆိုင်ရာ ပြည်နယ်နဲ့ တိုင်းမှာရှိတဲ့အစိုးရအဖွဲ့ဝန်ကြီးချုပ်က နိုင်ငံတော်သမ္မတ ထံတင်ပြ၊ နိုင်ငံတော်သမ္မတကနေပြီးတော့မှ ဒီနေရာတော့ တပ်က ဝင်ဖို့လိုတယ်၊ တပ်မတော်က ကူညီမှု လိုတယ် ဆိုရင် တပ်မတော်ရဲ့ အကူအညီနဲ့ဝင်ပြီးတော့ထိန်းသိမ်းရမယ်၊ သူကအရေးပေါ်အခြေအနေ ကြေငြာရမယ်၊ အဲလိုကြေငြာရင် တပ်က ဥပဒေနှင့်အညီပဲ လုပ်လို့ရမယ်၊ ဥပဒေနှင့်အညီမလုပ်ရင် ကျွန်တော်တို့ရင်ဆိုင်ရမှာ အများကြီးရှိတယ်။

CNA -  ဒါဆိုလို့ရှိရင် သမ္မတ ဒါမှမဟုတ်ဝန်ကြီးချုပ်တွေရဲ့ ခွင့်ပြုချက် မရဘဲနှင့် တပ်မတော်က ဝင်ရောက်စွက်ဖက်ဖို့ အစီအစဉ်မရှိဘူးလို့ ပြောချင်တာလား။

ဗိုလ်ချုပ်မှူးကြီး - သေချာတာပေါ့၊ ကျွန်တော်တို့နိုင်ငံတော်အခြေအနေနဲ့ပတ်သက်ရင် တကယ့်နောက်ဆုံးအဆုံးဖြတ် ပေးနိုင်တာ နိုင်ငံတော်သမ္မတပဲ၊ နိုင်ငံတော်သမ္မတကနေပြီးတော့ လုပ်ပါဆိုရင်သူကလည်း ဥပဒေ အရပေးထားတဲ့ လုပ်ပိုင်ခွင့်တွေရှိတယ်၊ အဲဒါကိုကျော်ပြီးတော့ လုပ်လို့မရဘူး၊ သူလည်း မျိုးစုံချိန်ဆပြီးတော့မှ လုပ်လို့ရမယ်။ ဥပမာအားဖြင့် ကျွန်တော်တို့ ရခိုင်မှာဖြစ်ခဲ့တဲ့ အခက်အခဲတွေ အကျပ်အတည်းတွေဆိုရင် နောက်မိထ္ထီလာမှာ ဖြစ်ခဲ့တဲ့ အခက်အခဲ အကျပ်အတည်းတွေ ဥပဒေနဲ့အညီတစ်ဆင့်ပြီး တစ်ဆင့် ကျွန်တော်တို့ လုပ်ခဲ့တာဖြစ်ပါတယ်၊ ဒါကြောင့်လည်း ကျွန်တော်တို့ အဆိုးမဖြစ်ဘဲနဲ့အဆိုးဖြစ်မယ့် အခြေအနေကနေ အကောင်းဘက် ကိုပြန်ရောက်လာတယ်၊ သွားတာတော့အဆိုးဘက် သွားတာပဲ၊ ဒါပေမယ့် အဆိုးဖြစ်တဲ့ အခြေအနေအထိ သိပ်လွန်လွန်ကျူးကျူး ဖြစ်မသွားအောင်ရအောင်ထိန်းလိုက်တယ်။ ထိန်းပြီးတော့မှ အကောင်းဘက် ကိုပြန်ရောက်လာတယ်၊ ဒါကြည့်မယ်ဆိုရင် ကျွန်တော်တို့လုပ်နေတဲ့ Process ကိုမြင်နိုင်လိမ့်မယ်။


 
Copyright © 2014 Irrawaddy Publishing Group. All Rights Reserved